Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

தினகரன், திவாகரன் வீடுகளில் தொடரும் சோதனை #LiveUpdates

* முன்னாள் முதல்வர் ஜெயலலிதாவின் மருத்துவர் வீட்டில் சோதனை

* கொடநாடு எஸ்டேட் வங்கிக்கணக்கு நிர்வகிக்கப்படும் பேங்க் ஆஃப் இந்தியா வங்கியில் சோதனை நடந்து வருகிறது.

* இந்த வருமானவரிச் சோதனைக்குப் பின்னல் ‘மத்திய அரசு உள்ளது தெளிவாகத் தெரிகிறது’ என தினகரன் கூறுகிறார்.

* ஈரோடு மாவட்டம் பவானிசாகர் அருகே உள்ள கொத்தமங்கலம் பகுதியில் தினகரனுக்கு சொந்தமான சாரதா பேப்பர் மில்லில் வருமான வரித்துறை ரெய்டு நடைப்பெற்று வருகிறது.

* ”எனது வீட்டில் வருமானவரித்துறை சோதனை இல்லை” என டிடிவி தினகரன் பத்திரிகையாளர்களிடம் தெரிவித்தார்.

* வருமான வரித்துறை ரெய்டு நடக்கும் ஜெயா டிவி நிறுவனத்துக்கு வெளியே காத்திருக்கும் பத்திரிக்கையாளர்களுக்கு காபி, குடிநீர் வழங்கி வருகின்றனர். 

ஜெயா டிவி

* சசிகலாவின் சகோதரர் திவாகரனை வருமான வரித்துறையினர் விசாரணைக்காக அழைத்துச் சென்றுள்ளனர்.

* சென்னை அடையாறு இல்லத்தில் தினகரன் அவரது மனைவியுடன் கோ பூஜையில் ஈடுபட்டுள்ளார்.

கோ பூசையில் தினகரன்

* சென்னை படப்பையில் உள்ள மிடாஸ் மதுபான ஆலையில் சோதனை

* ”அரசியலுக்கு வந்துவிட்டால் ஐ.டி. ரெய்டு என்பது சகஜம்” என டி.டி.வி.தினகரன் பேட்டி

டிடிவி தினகரன்

* புதுச்சேரி ஆரோவில் உள்ள தினகரனின் பண்ணை வீட்டிலும் சோதனை

புதுச்சேரி பண்ணை வீடு

புதுச்சேரி பண்ணை வீடு

 

* கோடநாட்டில் உள்ள கர்சன் எஸ்டேட்டில் தற்போது சோதனை நடந்து வருகிறது.

* சென்னை தி.நகரில் சசிகலா முதலீடு செய்துள்ள நகைக்கடையில் தற்போது சோதனை நடந்து வருகிறது.

கிருஷ்ணபிரியா இல்லம்

இளவரசி மகள் கிருஷ்ணபிரியாவின் இல்லம்...

 

* தமிழகத்தில் சென்னை, விழுப்புரம், திருச்சி, கோவை, தஞ்சை என மொத்தம் 105  இடங்களில் இந்த சோதனை நடத்தப்படுகிறது. இது தவிர ஹைதரபாத், பெங்களூரு டெல்லியில் 82 இடங்களில் இந்த சோதனை நடைபெறுகிறது. மொத்தம் 187 இடங்களில் இந்த சோதனை நடத்தப்படுகிறது. 

திவாகரன் கல்லூரி

திவாகரனின் கல்லூரி

 

* கோவையில் மணல் குத்தகைதாரர் ஆறுமுகசாமி வீட்டில், அலுவலக்த்தில், கோவை ராம் நகரில் உள்ள செந்தில் குரூப் நிறுவனங்களில் சோதனை

மன்னை நகர் இல்லம்

மன்னை நகரில் உள்ள திவாகரன் வீடு

* சென்னை, சவுகார்பேட்டையில் உள்ள சுரானா கார்ப்பரேசன் லிமிட்டெட் என்ற நிறுவனத்திலும், ஜெயா டிவியின் பொதுமேலாளர் உள்ளிட்ட அலுவலகத்தின் நிர்வாகிகளின் வீடுகளிலும் சோதனை.

 

* தினகரன் அணி புதுக்கோட்டை மாவட்ட செயலாளர் பரணி கார்த்திகேயனின் அறந்தாங்கி அருகே உள்ள தெற்குப்பபை இல்லத்தில் தற்போது சோதனை.

தினகரன் இல்லம்

* தற்போது கோடநாடு பங்களாவில் மரவேலை பார்த்துவந்த சஜிவனுக்கு சொந்தமான இடங்களில் வருமான வரித்துறை அதிகாரிகள் சோதனையில் ஈடுபட்டுள்ளனர்.

 

* சசிகலா தொடர்பான 10 குழுமங்களுக்கு சொந்தமான போலி நிறுவனங்களை குறிவைத்து சோதனை நடந்து வருகிறது. 

திவாகரன் இல்லம்

திவாகரனின் திருவாரூர் இல்லம்

 

* சுரானா, சுனில், புதுச்சேர் ஸ்ரீ லட்சுமி, விண்ட் சுப்பிரமணியன் தொடர்புடைய நிறுவனங்களிலும் வருமான வரித்துறையினர் உள்ளனர்.

 

* தற்போது போயஸ் கார்டன் வீட்டில் 25 ஆண்டுகளுக்குப் பின்னர் வருமான வரித்துறை சோதனை நடைபெற்று வருகிறது. மேலும் சசிகலாவின் வழக்கறிஞராக நாமக்கல்லில் இருந்துவரும் செந்தில் வீட்டிலும், அறந்தாங்கி அருகே தினகரன் அணியின் மாவட்ட செயலாளர் வீட்டிலும், கோடநாடு எஸ்டேட் மேலாளர் நடராஜிடமும் அதிகரிகள் சோதனை மற்றும் விசாரணை நடத்தி வருகின்றனர்.

போயஸ் கார்டன்

போயஸ் கார்டன் பழைய ஜெயா டி.வி அலுவலகம்

* ஈக்காட்டுத்தாங்கலில் உள்ள ஜெயா டிவி அலுவலகம், போயஸ் கார்டனில் உள்ள பழைய ஜெயா டி.வி அலுவலகம், நமது எம்.ஜி.ஆர் அலுவலகம், வேளச்சேரி ஜாஸ் சினிமாஸ் வளாகத்தில், பெங்களூருவில் உள்ள தினகரன் ஆதரவாளர் மற்றும் கர்நாடகா அம்மா அணி செயலாளர் புகழேந்தி வீட்டில், திருச்சியில் உள்ள சசிகலாவின் உறவினர் கலியபெருமாள் வீட்டில் என நாடெங்கும் உள்ள சசிகலா தொடர்பான அனைத்து இடங்களிலும் சோதனை அதிரடியாக நடத்தப்பட்டு வருகிறது.

 

* சசிகலாவின் உறவினர்கள் மற்றும் ஆதரவாளர்கள் வீடுகளிலும், அவர்களுக்குச் சொந்தமான நிறுவனங்களிலும் இன்று அதிகாலை 4 மணியிலிருந்து வருமான வரித்துறையினர் சோதனை நடத்தி வருகின்றனர்.

ஜெயா டிவி

சசிகலாவின் சகோதரர் திவாகரன் வீடு மற்றும் அவருக்குச் சொந்தமான இடங்களில் என கிட்டத்தட்ட 160 இடங்களுக்கும் மேல் சோதனை நடந்து வருகிறது. திவாகரன் வீடு மற்றும் அவருக்குச் சொந்தமான கலைக் கல்லூரி, அந்தக் கல்லூரியில் பணியாற்றும் அன்பு என்பவரது வீட்டில் என சோதனை நடந்து வருகிறது.

அதேபோல, சென்னை அடையாறு தினகரன் வீட்டில், தினகரன் வீட்டுக்குள் இருந்த நிலையில் திடீரென நுழைந்த அதிகாரிகள் சோதனை நடத்துகின்றனர். தினகரன் அணி மாவட்டச் செயலாளர் எஸ்.காமராஜ், திவாகரன் உதவியாளர்கள் ராசுப்பிள்ளை, சுஜய் ஆகியோர் வீடுகளிலும், முன்னாள் முதல்வர் ஜெயலலிதா ஓய்வெடுக்கச் செல்லும் கொடநாடு எஸ்டேட்டிலும் சோதனை நடந்துவருகிறது. 12 பேர் கொண்ட வருமான வரித்துறையினர், கொடநாடு எஸ்டேட்டில் சோதனையில் ஈடுபட்டு வருகின்றனர். 

மேலும், தஞ்சை அருளானந்தா நகரில் உள்ள சசிகலாவின் கணவர் நடராஜன் வீட்டில், மன்னார்குடியில் மன்னை நகரில் உள்ள தினகரனில் வீட்டில், சசிகலாவின் அண்ணன் மகன் மறைந்த மகாதேவன் வீட்டில், இளவரசி மகன் விவேக், மகள் கிருஷ்ணப்பிரியா வீட்டிலும் அதிகாரிகள் தொடர் சோதனையில் ஈடுபட்டுள்ளனர்.

 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

மெகா ரெய்டு - 187 இடங்கள்... 1,800 அதிகாரிகள்... குவிந்தது பணம்... குவித்தது யார்?
Advertisement

MUST READ

Advertisement
[X] Close