தமிழ்நாடு பார்கவுன்சில் உறுப்பினர் வீட்டில் ஐடி ரெய்டு!

சசிகலாவின் குடும்ப உறுப்பினர்கள் மற்றும் நண்பர்கள் வீட்டில் இன்று காலையிலிருந்து வருமான வரித்துறையினர் சோதனை நடத்தி வருகிறார்கள். தஞ்சாவூர் மருத்துவக்கல்லூரி சாலை, ஸ்டேட் பேங்க் காலணியில் உள்ள தமிழ்நாடு பார்கவுன்சில் உறுப்பினரும் சசிகலாவின் சகோதரர் திவாகரனின் நெருங்கிய நண்பருமான வேலு கார்த்திக் வீடு உள்ளது. இன்று காலை 5 மணியளவில் வருமான வரித்துறை அதிகாரிகள் 4 பேர் அங்கு வந்து சோதனை நடத்தத் தொடங்கினார்கள். தற்போது வரை சோதனை நடைபெற்றுவருகிறது.

வேலு கார்த்திக்கின் ஆடிட்டர் சரவணன், வருமான வரித்துறையினர் எழுப்பும் கேள்விகளுக்கு பதில் அளித்துவருகிறார். வழக்கறிஞர் வேலு கார்த்திக், சசிகலா குடும்பத்தினரின் தூரத்து உறவினர். இவரது தந்தை வேலு மாவடியார், தஞ்சை மாவட்டம் திருவையாறு மற்றும் அதன் சுற்றுவட்டாரப் பகுதிகளில் பிரபலமான காங்கிரஸ் பிரமுகர்.

 

மறைந்த முதல்வர் ஜெயலலிதாவின் உதவியாளர் பூங்குன்றன், சசிகலாவின் அண்ணன் மகன் டி.வி.மகாதேவன் ஆகியோர்மூலம் வேலு.கார்த்திக் அ.தி.மு.க-வில் செல்வாக்கு பெற்றார். தற்போது, திவாகரனோடு நெருக்கமான தொடர்பில் இருக்கிறார். 

 

 

Do you like the story?

Please Appreciate the Author by clapping!