புதுச்சேரியில் இன்றிலிருந்து பொங்கல் பரிசு விநியோகம்!

பொங்கல் பரிசு

புதுச்சேரியில் பொங்கல் பண்டிகைக்கான பரிசுப் பொருள்களுக்கும் மாதாந்திர இலவச அரிசியை வழங்குவதற்கும் ஆளுநர் கிரண்பேடி கடந்த 10-ம் தேதி ஒப்புதல் அளித்தார். அதையடுத்து, புதுச்சேரி மாநிலத்தில் நியாய விலைக் கடைகள் மூலம் அனைத்துக் குடும்ப அட்டைதாரர்களுக்கும் பொங்கல் பரிசுப் பொருள்கள் வழங்கும் பணியை முதலமைச்சர் நாராயணசாமி தொடங்கிவைத்தார். பச்சரிசி, வெல்லம், பச்சைப் பயிறு, முந்திரி, ஏலக்காய் உள்ளிட்ட 5 பொருள்கள் பொங்கல் பரிசாக வழங்கப்படுகிறது. புதுச்சேரி, காரைக்கால், ஏணாம் ஆகிய மூன்று பிராந்தியங்களைச் சேர்ந்த 3 லட்சத்து 31 ஆயிரத்து 244 குடும்ப அட்டைதாரர்களுக்கு 4 கோடியே 33 லட்சம் ரூபாய் செலவில் பொங்கல் பரிசுகள் வழங்கப்பட உள்ளது.

பரிசு பொருள்களின் விவரம்:
1. பச்சரிசி - 1 கிலோ.
2. பச்சை பயிறு - 1/2 கிலோ.
3. வெல்லம் - 1/2 கிலோ.
4. முந்திரி - 25 கிராம்.
5. ஏலக்காய் - 10 கிராம்.

Do you like the story?

Please Appreciate the Author by clapping!