வெளியிடப்பட்ட நேரம்: 02:30 (25/03/2018)

கடைசி தொடர்பு:05:01 (25/03/2018)

குழந்தையுடன் ஹை-பை விளையாடும் தோனி...! வைரலாகும் வீடியோ

இரண்டு ஆண்டுகள் தடைக்குப் பிறகு, சென்னை சூப்பர் கிங்ஸின் கம்பேக், ஐ.பி.எல் சீசன் ஆரம்பம் ஆகும் முன்னரே, சென்னை ரசிகர்களை எதிர்பார்ப்பின் உச்சிக்கு கொண்டு சென்றுவிட்டது. 

தோனி

photo credit: twitter/ @ChennaiIPL

இதனால் சென்னை வீரர்கள் செயல்கள் அனைத்தும் தற்போது ட்ரெண்டாகி வருகிறது. ஆம், ஐபிஎல் 11-வது சீசன் அடுத்த மாதம் தொடங்க உள்ளது. போட்டி தொடங்குவதற்கு சில தினங்கள் மட்டுமே இருக்கிறது என்பதால், சி.எஸ்.கே வீரர்கள் சென்னை வந்துள்ளனர். தினமும் வலைப்பயிற்சி கலந்துகொண்டு வரும் அவர்கள், ஓய்வு நேரத்தில் மற்ற நிகழ்ச்சிகளில்  கலந்துகொள்கின்றனர். இரண்டு ஆண்டுக்கு பிறகு ஆடவுள்ளதால், சென்னை அணியை விளம்பரப்படுத்தும் வேலைகள்  மும்முரமாக நடைபெற்று வருகிறது.  அதன்படி, பிராவோ, ஹர்பஜன், ஜடேஜா, விஜய் உள்ளிட்ட வீரர்கள் நேற்றுமுன்தினம் டான்ஸ் ஆடிய வீடியோ வைரலாக பரவியது. 

இந்நிலையில், தோனி நேற்று இரவு சேப்பாக்கம் மைதானத்தில் பயிற்சியில் ஈடுபட்டிருந்தார். அப்போது, அங்கு வந்த ரசிகையின் குழந்தையுடன் தோனி விளையாட ஆரம்பித்தார். குழந்தையின் கையை தட்டி ஹை-பை விளையாடிய காட்சிகளை அங்கிருந்தவர்கள் வீடியோவாக பதிவு செய்தனர். இந்தக் காட்சிகளை சென்னை சூப்பர் கிங்ஸ் அணி தனது ட்விட்டர் பக்கத்தில் வெளியிட்டுள்ளது. இது தற்போது வைரலாக பரவிவருகின்றன. 

நீங்க எப்படி பீல் பண்றீங்க