கனிமொழி புகார் அளித்தால் ஹெச்.ராஜா மீது நடவடிக்கை! அமைச்சர் ஜெயக்குமார் | Has Kanimozhi filed case against H.Raja, government could take action, says Jayakumar

வெளியிடப்பட்ட நேரம்: 13:45 (19/04/2018)

கடைசி தொடர்பு:13:45 (19/04/2018)

கனிமொழி புகார் அளித்தால் ஹெச்.ராஜா மீது நடவடிக்கை! அமைச்சர் ஜெயக்குமார்

ஹெச்.ராஜா அவதூறாகப் பேசிய விவகாரத்தில், 'கனிமொழி புகார் கொடுத்தால்தான் நடவடிக்கை எடுக்கமுடியும்' என்று அமைச்சர் ஜெயக்குமார் தெரிவித்தார். 

தி.மு.க தலைவர் கருணாநிதி குறித்தும், கனிமொழி குறித்தும் ஹெச்.ராஜா ட்விட்டரில் பதிவிட்டிருந்தார். அவருடைய கருத்துக்கு, அவருடைய கட்சியிலிருந்தே எதிர்ப்புகள் வந்தன. இந்த நிலையில், செய்தியாளர்களிடம் பேசிய அமைச்சர் ஜெயக்குமார், 'எந்தக் கட்சியைச் சேர்ந்தவர்களாக இருந்தாலும், பெண்களைக் கண்ணியக் குறைவாகப் பேசக்கூடாது. கனிமொழி குறித்து அவதூறாகப் பேசிய விவகாரத்தில் அவர் புகார் அளித்தால், உரிய நடவடிக்கை எடுக்கப்படும்.

அவர் புகார் கொடுக்காமல், அரசாக முன் வந்து வழக்குப்பதிவு செய்யமுடியாது. இதுகுறித்து, கனிமொழி காவல்துறையில் புகார் அளிக்கலாம் அல்லது நீதிமன்றத்தில் அவதூறு வழக்குத் தொடரலாம். அவ்வாறு செய்தால், உரிய நடவடிக்கை எடுக்கப்படும். மாநில அரசின் நிதியை மத்திய அரசு குறைத்தால், மத்திய அரசுக்கு உரிய வகையில் அழுத்தம் கொடுக்கப்படும். மாநில அரசின் தன்னாட்சியைப் பாதுகாக்க எல்லா விதமான நடவடிக்கைகளும் எடுக்கப்படும்' என்றார்.