மேலும் இரண்டு மாணவிகள்! - நிர்மலாதேவி விவகாரத்தில் சிக்கும் ஆதாரங்கள்

நிர்மலா தேவிமீது மேலும் 2 மாணவிகள், விசாரணை அதிகாரி சந்தானத்திடம் வழக்கறிஞர் மூலம் இன்று புகார் அளித்துள்ளனர்.  

நிர்மலா தேவி மீது மனு

அருப்புக்கோட்டை தனியார் கல்லூரி உதவிப் பேராசிரியர் நிர்மலா தேவி, கல்லூரி மாணவிகளைத் தவறான வழிக்கு அழைத்த ஆடியோ விவகாரத்தில் தமிழக ஆளுநரால் நியமிக்கப்பட்ட ஓய்வுபெற்ற ஐ.ஏ.எஸ் அதிகாரி சந்தானம் குழு 2-ம் கட்ட விசாரணையை மதுரை அரசு விருந்தினர் மாளிகையில் இன்று தொடங்கினார்.

இந்நிலையில், நிர்மலா தேவிக்கு எதிராக புகார் மனு அளிக்க வந்த மதுரையைச் சேர்ந்த வழக்கறிஞர் முத்துக்குமார் பத்திரிகையாளர்களிடம் பேட்டி அளிக்கையில், ``அருப்புக்கோட்டை தனியார் கல்லூரியில் உதவிப் பேராசிரியை நிர்மலா தேவி புகார் அளித்த 4 கல்லூரி மாணவிகள் தவிர, மேலும் 2 மாணவிகளை 3 மாதத்துக்கு முன்னர், தவறான வழியில் செல்ல முயன்றுள்ளார். 2 மாணவிகள் கல்லூரி நிர்வாகத்திடம் புகார் அளித்தும் எந்தவொரு நடவடிக்கையும் எடுக்கவில்லை, 2 மாணவிகளும் 18 வயதுக்குக் குறைவாக உள்ளதால் குழந்தைகள் பாதுகாப்புச் சட்டம் 2012-ன் விதிமுறைகளின்படி விசாரிக்க வேண்டும் எனத் தெரிவித்தார் . இதையடுத்து புகாரைப் பெற்றுக்கொண்ட சந்தானம் கமிட்டி, 2 மாணவிகள் சார்பில் அஃபிடவட் மனுத்தாக்கல் செய்ய தெரிவித்தாகவும். வழக்கறிஞர் தரப்பில் விரைவில் அஃபிடவட் மனுத்தாக்கல் செய்யப்படும் எனக் கூறினார்.

Do you like the story?

Please Appreciate the Author by clapping!