Vikatan.com

www.vikatan.com would like to send you push notifications.

Notifications can be turned off anytime from browser settings.

திருச்செந்தூரில் வைகாசி வசந்தத் திருவிழா மே 19-ல் தொடக்கம்!

திருச்செந்தூர் அருள்மிகு சுப்பிரமணிய சுவாமி திருக்கோயிலில், வைகாசி வசந்தத் திருவிழா வரும் 19-ம் தேதி தொடங்கி 10 நாள்கள் நடைபெறுகிறது. 

Trichendur kovil

முருகப் பெருமானின் அறுபடை வீடுகளில் 2-ம் படை வீடும், கடற்கரைத் தலமுமான திருச்செந்தூர் அருள்மிகு சுப்பிரமணிய சுவாமி திருக்கோயிலில், ஆண்டுதோறும் நடைபெறும் முக்கிய திருவிழாக்களில் வசந்தத் திருவிழாவும் ஒன்று. சித்திரை மாத வசந்த உற்சவத் திருவிழா, கடந்த ஏப்ரல் 20-ம் தேதி தொடங்கி 29-ம் தேதி வரை 10 நாள்கள் நடைபெற்றது. சித்திரை வசந்தத் திருவிழாவைப்போல, வைகாசி வசந்தத் திருவிழாவும் ஆண்டு தோறும் வைகாசி மாதம் சிறப்பாக நடைபெறும்.

இதுகுறித்து திருக்கோயில் இணை ஆணையர் பாரதி வெளியிட்டுள்ள அறிக்கையில், " வைகாசி வசந்தத் திருவிழா,  வரும் 19.05.18-ம் தேதி தொடங்கி, 28.05.18-ம் தேதி வரை 10 நாள்கள்  சிறப்பாக நடைபெற உள்ளது. வரும் 19-ம் தேதி அதிகாலை 5 மணிக்கு நடை திறக்கப்பட்டு, விஸ்வரூப தீபாராதனை, உதய மார்த்தாண்ட அபிஷேகம் மற்றும் தீபாராதனை நடைபெறும். தொடர்ந்து, மாலையில் சிறப்பு அபிசேகம், அலங்காரத்திற்குப் பிறகு, சுவாமி ஜெயந்திநாதர், வள்ளி, தெய்வானையுடன் தங்கச் சப்பரத்தில் எழுந்தருளி, வசந்த மண்டபத்தை 11 முறை வலம் வரும் நிகழ்ச்சி நடைபெறும்.

இந்தத் திருவிழா நாள்களில் தினமும் காலையில்,  சுவாமி ஜெயந்திநாதர் தங்கச் சப்பரத்தில் திருக்கோயில் வளாகத்தில் உள்ள வசந்த மண்டபத்தில் எழுந்தருள்கிறார்.  மாலையில், சுவாமி ஜெயந்திநாதர் கிரிவல உலா வருதல் நிகழ்ச்சி நடைபெறும். விழா ஏற்பாடுகளை திருக்கோயில் விழாக்குழு செய்துவருகிறது" எனத் தெரிவித்துள்ளார்.

வசந்தத் திருவிழாவின் 10-ம் நாள் திருவிழாவான மே 28-ம் தேதி வைகாசி விசாகப் பெருந்திருவிழா நடைபெறுகிறது. இதை முன்னிட்டு, மே 27 முதல் 29-ம் தேதி வரை, 3 நாள்கள் பூஜை காலங்கள் மாற்றம் செய்யப்பட்டுள்ளன. வசந்தத் திருவிழா, விசாகத் திருவிழா தொடர்ந்து நடைபெற இருப்பதால் பாதயாத்திரையாக வரும்  பக்தர்களின் எண்ணிக்கை அதிகரிக்கும். வைகாசி விசாகத்தை முன்னிட்டு பக்தர்களின் வசதிக்காக நெல்லை, தூத்துக்குடி மாவட்டங்களிலிருந்து சிறப்புப் பேருந்துகளும் இயக்கப்பட உள்ளன.,



 

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement
Advertisement

MUST READ

Advertisement