ரிஷாப் பன்ட், விஜய் ஷங்கர் அதிரடி! மும்பை அணிக்கு 175 ரன்கள் இலக்கு நிர்ணயித்த டெல்லி #DDvsMI

மும்பை இந்தியன்ஸ் அணிக்கெதிரான ஐபிஎல் போட்டியில் முதலில் பேட் செய்த டெல்லி அணி, நிர்ணயிக்கப்பட்ட 20 ஓவர்கள் முடிவில் 4 விக்கெட் இழப்பிற்கு 174 ரன்கள் எடுத்தது. 

டெல்லி வீரர் ரிஷாப் பன்ட்

Photo Courtesy: Twitter/IPL

டெல்லி பெரோஷா கோட்லா மைதானத்தில் நடைபெற்று வரும் இந்தபோட்டியில் டாஸ் வென்ற டெல்லி டேர்டெவில்ஸ் அணி கேப்டன் ஸ்ரேயாஸ் ஐயர் பேட்டிங் தேர்வு செய்தார். இரு அணிகளிலும் தலா மும்பை இந்தியன்ஸ் அணிக்கெதிரான ஐபிஎல் போட்டியில் டாஸ் வென்ற டெல்லி டேர்டெவில்ஸ் அணி பேட்டிங் தேர்வு செய்தது. இந்த போட்டியில் இரு அணிகளும் தலா ஒரு மாற்றத்துடன் களமிறங்கின. மும்பை அணியில் மெக்லெனஹனுக்குப் பதிலாக முஸ்தாபிசுர் ரஹ்மான் சேர்க்கப்பட்டுள்ளார். அதேபோல், டெல்லி அணியின் பிளேயிங் லெவனில் அவேஷ் கானுக்குப் பதிலாக லியாம் பிளங்கட் சேர்க்கப்பட்டுள்ளார். 

டெல்லி அணியின் இன்னிங்ஸை பிரித்வி ஷாவுடன், மேக்ஸ்வெல் தொடங்கினார். ஆனால், இந்த ஜோடி நீண்ட நேரம் நிலைக்கவில்லை. பிரித்வி ஷா 12 ரன்களுடனும், மேக்ஸ்வெல் 22 ரன்களுடனும் அடுத்தடுத்த ஓவர்களில் ஆட்டமிழந்தனர். அடுத்து வந்த கேப்டன் ஸ்ரேயாஸ் ஐயரும், 6 ரன்களில் வெளியேறினார். இதையடுத்து, விஜய் ஷங்கருடன் இணைந்த ரிஷாப் பன்ட் அதிரடியாக் ரன் குவிக்கத் தொடங்கினார். இந்த ஜோடி 4 வது விக்கெட்டுக்கு 64 ரன்கள் சேர்த்தது. ரிஷாப் பன்ட், 44 பந்துகளில் 64 ரன்கள் சேர்த்து ஆட்டமிழந்தார். இறுதி ஓவர்களில் விஜய் ஷங்கர் - அபிஷேக் ஷர்மா ஜோடி அதிரடியாக ரன் சேர்க்க, டெல்லி அணி நிர்ணயிக்கப்பட்ட 20 ஓவர்கள் முடிவில் 4 விக்கெட் இழப்புக்கு 174 ரன்கள் சேர்த்தது. மும்பை அணி தரப்பில் பாண்ட்யா, பும்ரா, மார்கண்டேயா ஆகியோர் தலா ஒரு விக்கெட் வீழ்த்தினர். 
 

Do you like the story?

Please Appreciate the Author by clapping!