கருணாநிதியின் 95-வது பிறந்தநாள் - அரசியல் தலைவர்கள் வாழ்த்து

இன்று தனது 95-வது பிறந்த நாளைக் கொண்டாடும் திமுக தலைவர்  கருணாநிதிக்கு அரசியல் தலைவர்கள் பலர் தங்களின் வாழ்த்துகளைத் தெரிவித்துள்ளனர்.

கருணாநிதி

தொல்.திருமாவளவன்

  விடுதலைச் சிறுத்தைகள் கட்சியின் தலைவர் தொல்  திருமாவளவன்  வெளியிட்டுள்ள அறிக்கையில், “ ஜூன்-3,2018  இன்று 95-வது பிறந்தநாள் காணும் முத்தமிழறிஞர் கலைஞர் நீடூழி வாழ விடுதலைச்சிறுத்தைகள் கட்சி நெஞ்சார  வாழ்த்துகிறது. 

தனது 14-வது வயதில் அரசியல் களத்தில்  அடியெடுத்து வைத்த தலைவர் கலைஞர் கடந்த எண்பதாண்டுகளாக  அரசியலில் தீவிர ஈடுபாடு கொண்டு ‘தனக்கு நிகர் தானே’  என்கிற வகையில் மகத்தான சாதனைகள் படைத்த வரலாற்று  நாயகனாக விளங்குகிறார். அரசியல் களத்தில் மட்டுமின்றி  அனைத்துத் துறைகளிலும் அதிநுட்பம் வாய்ந்த ஆற்றலாளராக  முத்திரை பதித்தவர். குறிப்பாகக் கலை, இலக்கியம் போன்ற  தளங்களில் பேராளுமை வாய்ந்த படைப்பாளியாக கோலோச்சியவர்.

பேரறிஞர் அண்ணாவுக்குப் பின்னர், தனது வலிமை வாய்ந்த  அரசியல் உத்திகளால் கடந்த அரை நூற்றாண்டு காலமாகத்  தன்னையே மையப்படுத்தித் தமிழக அரசியலைச் சுழல வைத்தவர்.  பெரியார், அம்பேத்கர் ஆகியோரின் கனவை நனவாக்கும் வகையில் சமூகநீதியின் பாதுகாப்பு அரணாகச் செயலாற்றியவர். குறிப்பாக  ‘பெரியார் நினைவு சமத்துவபுரம்’ என்னும் குடியிருப்புகளை  தமிழகத்தின் அனைத்து மாவட்டங்களிலும் உருவாக்கி,  அமைதியான முறையில் ஒரு மகத்தான சமூகப் புரட்சியை  நிகழ்த்தியவர். இன்றைக்கும் சாதி மற்றும் வகுப்புவாத அரசியலுக்கு  பெரும் அச்சுறுத்தலாக விளங்குபவர். 

தமிழகத்தின் முதுபெரும் தலைவர்களில் கலைஞர், இன்று மூப்பின்  காரணமாக செயல்பட இயலாத நிலையிலிருந்தாலும், அவரே இன்றைக்கும் தமிழக அரசியலின் மையப்புள்ளியாக இருந்து பிற  கட்சிகளை இயக்குபவராக விளங்குகிறார்.இத்தகைய பேராற்றல் வாய்ந்த கருணாநிதியை நூறாண்டுக்கும் மேல் நலமுடன் வாழ  விடுதலைச்சிறுத்தைகள் கட்சி மனமார வாழ்த்துகிறது. ” எனக்  குறிப்பிட்டுள்ளார்.

மம்தா பானர்ஜி

 இதே போல் மேற்கு வங்க முதல்வரும் திரிணாமுல் காங்கிரஸ்  கட்சியின் தலைவருமான மம்தா பானர்ஜி, “கருணாநிதிக்கு பிறந்த  நாள் வாழ்த்துகள். நீங்கள் நல்ல ஆரோக்கியத்துடனும், மகிழ்ச்சியுடனும் வாழ  நான் இறைவனைப் பிரார்த்திக்கிறேன்.” எனக் தனது ட்விட்டர்  பக்கத்தில் பதிவிட்டுள்ளார்.

 

 

Do you like the story?

Please Appreciate the Author by clapping!