வெளியிடப்பட்ட நேரம்: 22:00 (21/06/2018)

கடைசி தொடர்பு:22:00 (21/06/2018)

`நீதித்துறையை விமர்சிப்பது தற்கொலைக்குச் சமம்' - நீதிபதி கிருபாகரன் வேதனை!

நீதித்துறையில் இருப்பவர்களே நீதிபதிகளை விமர்சிப்பதைத் தடுக்காவிட்டால், தற்கொலைக்கு வழிவகுக்கும் என உயர் நீதிமன்ற நீதிபதி கிருபாகரன் வேதனை தெரிவித்துள்ளார்.

நீதிமன்றம்

18 எம்.எல்.ஏ-க்கள் வழக்கில், மாறுபட்ட தீர்ப்பு வழங்கிய நீதிபதியை, தினகரன் ஆதரவு எம்.எல்.ஏ தங்க தமிழ்செல்வன் விமர்சித்து தொலைக்காட்சிகளில் பேட்டியளித்தார். இதனால், அவர்மீது நடவடிக்கை எடுக்கக் கோரி வழக்கறிஞர் சூரியபிரகாசம் என்பவர் சென்னை உயர் நீதிமன்றத்தில் நீதிபதி கிருபாகரன் அமர்வில் முறையிட்டார். அதில்,  ``தங்க தமிழ்செல்வன் மீது நீதிமன்ற அவமதிப்பு வழக்கை விசாரணைக்கு எடுக்க வேண்டும். நீதித்துறை மீதும், நீதிபதி மீதும் விமர்சனம் வைப்பவர்கள்மீது நடவடிக்கை எடுக்கக் குழு அமைக்க வேண்டும்" என அவர் கோரிக்கை விடுத்தார். 

அப்போது பேசிய நீதிபதி கிருபாகரன்,  ``தொலைக்காட்சி விவாதங்களில் நீதித்துறையைச் சார்ந்தவர்களே, தீர்ப்பு குறித்தும், நீதிபதிகள் குறித்தும் விமர்சிப்பதைத் தடுக்காவிட்டால், நீதித்துறையின் தற்கொலைக்கு அது வழிவகுத்துவிடும்" என வேதனை தெரிவித்தார். மேலும், இந்த விவகாரத்தைத் தலைமை நீதிபதியின் கவனத்துக்குக் கொண்டுசெல்வதாகவும் நீதிபதி கிருபாகரன் தெரிவித்தார்.