முட்டைக் கொள்முதலில் முறைகேடு நடக்கவில்லை - சொல்கிறார் ஜெயக்குமார்

`வருமான வரித் துறையினரின் சோதனைக்கும்; தமிழக அரசுக்கும் எந்தத் தொடர்பும் இல்லை' என்று மீன்வளத்துறை அமைச்சர் ஜெயக்குமார் தெரிவித்துள்ளார்.

ஜெயக்குமார்

சென்னை, அசோக் நகரில் மீன் அங்காடியைத் திறந்து வைத்த பின்னர் செய்தியாளர்களிடம் அமைச்சர் ஜெயக்குமார், `தமிழக மீனவர்களை இலங்கை கடற்படையினர் கைது செய்திருப்பது கண்டனத்துக்குரியது. கடலில் திசை தெரியாமல் மீனவர்கள் எல்லை தாண்டுகிறார்கள். நீண்ட நாள்களுக்குப் பிறகு மீண்டும் இலங்கை கடற்படையினர் 12 மீனவர்களையும் 2 படகுகளையும் பிடித்து வைத்துள்ளனர். இது சம்பந்தமாக மத்திய அரசிடம் முதலமைச்சர் தொடர்புகொண்டு மீனவர்களை விடுவிக்கும் நடவடிக்கையை மேற்கொள்வார். கடந்த 2011-ம் ஆண்டிலிருந்து இந்நாள் வரையில், அ.தி.மு.க அரசு எடுத்த முயற்சியின் பலனாக 3,010 மீனவர்கள் மீட்கப்பட்டுள்ளனர். மேலும், 388-க்கும் மேற்பட்ட படகுகள் மீட்கப்பட்டுள்ளன' என்றார். 

இதைத் தொடர்ந்து, அவரிடம் `சத்துணவு முட்டைக் கொள்முதலில் ஏராளமான முறைகேடுகள் நடந்துள்ளதாகவும் டெல்லியிலிருந்து கொள்முதல் செய்யப்பட்ட முட்டைகளில் ஊட்டச்சத்து குறைபாடு உள்ளதாகவும் புகார்கள் எழுந்துள்ளது' குறித்து கேள்வி கேட்கப்பட்டது. இதற்குப் பதிலளித்த அமைச்சர், `முட்டைக் கொள்முதலில் எந்த முறைகேடும் நடக்கவில்லை. வருமான வரித்துறை அதிகாரிகளுக்குக் கிடைத்த தகவலின் அடிப்படையில்தான் அதிகாரிகள் சோதனை நடத்தினர். இதற்கும் மாநில அரசுக்கும் எந்தவித தொடர்பும் இல்லை' என்றார்.
 

Do you like the story?

Please Appreciate the Author by clapping!