`ரிசார்ட்டுகளை நம்பித்தான் எங்கள் வாழ்வாதாரமே இருக்கு'- போராட்டத்தில் குதித்த மசினகுடி மக்கள்

நீலகிரி மாவட்டம், முதுமலை புலிகள் காப்பகம் அருகே  மசினகுடி, பாெக்காபுரம், மாவனல்லா, சீகூர், வாழைத்தாேட்டம் உள்ளிட்ட பகுதிகளில் யானைகள் வழித்தடத்தில் உரிய அனுமதியின்றி செயல்பட்டு வந்த 39 ரிசார்ட்டுகளுக்கு 24 மணி நேரத்தில் நோட்டீஸ் வழங்கவும், 48 மணி நேரத்தில் சீல் வைக்கவும் உச்சநீதிமன்றம் உத்தரவிட்டது. அதை அடுத்து 39-ல் 12 ரிசார்ட் நிர்வாகத்தினர், மாவட்ட நிர்வாகத்திடம் உரிய ஆவணங்களை சமர்ப்பித்தனர். மீதம் இருந்த 27 ரிசார்ட்டுகளுக்கு மாவட்ட நிர்வாகம் நேற்று சீல்வைத்தது. ஆவணங்கள் சமர்ப்பித்த ரிசார்ட்டுகளில் அதிகாரிகள் ஆய்வு செய்தனர்.

ரிசார்ட்டுகளுக்கு சீல் வைப்பதற்கு எதிர்ப்பு தெரிவித்து பாெதுமக்கள் போராட்டம்

இந்நிலையில், ரிசார்ட்டுகளுக்கு சீல் வைப்பதற்கு எதிர்ப்பு தெரிவிக்கும் விதமாக மசினகுடி பகுதி பாெதுமக்கள் போராட்டத்தைத் தொடங்கியுள்ளனர். இது குறித்து மசினகுடி பகுதி பாெதுமக்கள் கூறுகையில், ``மசினகுடி மற்றும் சுற்று வட்டாரப்பகுதிகளில் சுமார் 18 ஆயிரம் பாெதுமக்கள் வசித்து வருகின்றனர். இப்பகுதியில் செயல்படும் ரிசார்ட்டுகளுக்கு சீல் வைக்கப்பட்டால், இப்பகுதியில் சுற்றுலா என்பது இல்லாமல் போகும். தற்பாேது 27 ரிசார்ட்டுகளுக்கு சீல் வைக்கப்பட்ட நிலையில், இப்பகுதியில் செயல்பட்டு வரும் இதர ரிசார்ட்டுகளும் அடுத்தகட்டமாக சீல் வைக்கப்படும். இதனால், பாதிக்கப்படுவது இப்பகுதியில் காலம் காலமாக வாழ்ந்து வரும் பாெதுமக்கள்தான். இப்பகுதி பாெதுமக்களின் வாழ்வாதாரமே ரிசார்ட்டுகள்தான், இவைகளை நம்பி சுமார் 150 கடைகள், 300 ஜீப் மற்றும் டிரைவர்கள், டூரிஸ்ட் கைடு என நேரடியாகவும், மறைமுகமாகவும், 13 முதல் 14 ஆயிரம் பேர் ரிசார்ட்டுகளையும் சுற்றுலாவை நம்பியும் வாழ்க்கை நடத்தி வருகின்றனர். தற்பாேதைய நிலையில், இங்கு வசிக்கும் பாெதுமக்கள் மாலை 6 மணிக்கும் மேல் மாயார் செல்லத் தடை விதிக்கப்பட்டுள்ளது. அதேபாேல, கூடலுார் வழித்தடத்தில் இரவு 9 மணிக்கு மேலும், கல்லட்டி வழித்தடத்தில் இரவு 10 மணிக்கு மேலும் அனுமதி மறுக்கப்படுகிறது.

ரிசார்ட்டுகளுக்கு சீல் வைப்பதற்கு எதிர்ப்பு

இது குறித்து வனத்துறையிடம் முறையிட்டும் இதுவரை எவ்வித பதிலும் இல்லை. இந்த வனப்பகுதி குறித்து, இங்கு வாழும் பழங்குடியின மக்களுக்கு வனம் மற்றும் விலங்குகள் குறித்து தெரிந்த 10 சதவிகித விஷயங்கள்கூட, இந்த வனப்பகுதிக்காக பல்வேறு பகுதிகளிலிருந்து குரல் காெடுப்பவர்களுக்குத் தெரியாது. மேலும் கூடலூர், பந்தலூர் பகுதிகளில் ஏற்படும் மனித விலங்குகள் மோதலைப் பாேல, மசினகுடி மற்றும் சுற்றுவட்டாரப் பகுதிகளில் மனித விலங்கு மோதல் ஏற்படுவதில்லை. நாங்கள் அரசாங்கத்தை குற்றம் சாெல்லவில்லை, அரசாங்கத்துக்கு தவறான தகவல்களையும், புரிதலையும், வழிகாட்டுதலையும் ஏற்படுத்துபவர்கள்தான், இப்பகுதியை குறிவைத்துச் செயல்படுகின்றனர். இன்று ரிசார்ட்டுகளுக்கு சீல் வைக்கப்படுவதுபாேல, நாளை குடியிருப்புகளையும் அப்புறப்படுத்தலாம், எனவே, அத்தகைய சூழல் ஏற்படுவதற்கு முன்னதாக இன்று முதல் மூன்று நாள்களுக்கு கடைகளை அடைத்தும், மாணவர்களைப் பள்ளிக்கு அனுப்பாமலும், எங்களது பாேராட்டத்தை தொடங்கியுள்ளோம். இதையடுத்து நடந்த பாெதுக்கூட்டத்தில் சுமார் 800-க்கும் மேற்பட்டாேர் கலந்துகாெண்டனர். கூட்டத்தில் வரும் சுதந்திர தினத்தன்று ஊர் பாெதுமக்கள் அனைவரும் மெழுகுவத்தி ஏந்தி தேசியக்கொடி ஏற்றிய பின்னர் கிராமசபை கூட்டத்தில் பாெதுமக்களுக்கு பாதிப்பு ஏற்படாதவகையில் சட்டத்தில் மாற்றம் காெண்டு வர வேண்டும் என்ற ஒரே ஒரு தீர்மானத்தை நிறைவேற்றிவிட்டு கடைகளைத் திறக்கவுள்ளோம்’’ என்றார்.

Do you like the story?

Please Appreciate the Author by clapping!