வெளியிடப்பட்ட நேரம்: 16:15 (31/10/2018)

கடைசி தொடர்பு:16:15 (31/10/2018)

`எழுத்தாளர் ஜெயமோகன் மீது சட்டரீதியாக நடவடிக்கை எடுப்பேன்’ - 'நோட்டா' திரைக்கதை ஆசிரியர்

'லீடர்'னு ஒரு படம் தெலுங்குல வருது. அந்த லீடர் படத்துடைய கருவை கொஞ்சம் மாத்தி, தமிழ்ல ஒருத்தரு 'வெட்டாட்டம்'னு ஒரு நாவல் எழுதறாரு. வெட்டாட்டம் நாவலோட ரைட்டை வாங்கி நோட்டான்னு ஒரு படம் எடுக்கறாங்க. நோட்டா படத்தைப் பாத்து...

`எழுத்தாளர் ஜெயமோகன் மீது சட்டரீதியாக நடவடிக்கை எடுப்பேன்’ - 'நோட்டா' திரைக்கதை ஆசிரியர்

'சர்கார்' கதை சர்ச்சை தொடர்பாக பத்திரிகையாளர்களைச் சந்தித்த எழுத்தாளர் ஜெயமோகன், அதுகுறித்துப் பேசும்போது, `` `பூமியிலே ராஜாக்கன்மார்'னு ஒரு படம் வந்தது, மலையாளத்துல. அந்தப் படத்துல இன்ஸ்பயர் ஆகி, அந்தப் படத்துடைய அதாவது அதே கருவை வெச்சு, 'லீடர்'னு ஒரு படம் தெலுங்குல வருது. அந்த லீடர் படத்துடைய கருவைக் கொஞ்சம் மாத்தி, தமிழ்ல ஒருத்தரு 'வெட்டாட்டம்'னு ஒரு நாவல் எழுதறாரு. வெட்டாட்டம் நாவலோட ரைட்டை வாங்கி 'நோட்டா'ன்னு ஒரு படம் எடுக்கறாங்க. அப்ப, நோட்டா படத்தைப் பாத்து இன்னொருத்தன் படம் எடுப்பான்...” எனச் சொல்லியிருந்தார்.

இது தெரியவந்த எழுத்தாளரும், நோட்டா திரைக்கதை ஆசிரியருமான ஷான் கருப்பசாமி, தன் ஃபேஸ்புக்கில் இதுகுறித்து எழுதியிருந்ததையொட்டி அவரிடம் பேசினோம்.

Shan Karuppasamy

``கதைகளின் ஒற்றுமைகளைக் குறித்து எழுத்தாளர்கள் விவாதிப்பது ஆரோக்கியமான விஷயம். ஆனால், என்னுடைய வெட்டாட்டம், நாவல் லீடர் என்கிற தெலுங்குப் படக் கருவிலிருந்து எடுக்கப்பட்டது என்று ஜெயமோகன் சொல்கிற சூழலைப் பாருங்கள். சர்கார் கதைத் திருட்டு பற்றிய பத்திரிகையாளர் சந்திப்பில் அதைக் கூறுகிறார். என்னுடைய நாவலுக்கும், லீடர் படத்துக்கும் உள்ள ஆயிரம் வேறுபாடுகளை நான் சுட்டிக் காட்ட முடியும். நான் அந்தப் படத்தின் கருவை எடுத்துத்தான் எழுதி இருக்கிறேன் என எதன் அடிப்படையில் ஜெயமோகனால் சொல்ல முடிகிறது. அவர், இதற்குரிய விளக்கத்தை அளிக்க வேண்டும். தன்னுடைய வலைதளத்திலாவது வருத்தம் தெரிவிக்க வேண்டும். இல்லாவிடில், அவர்மீது விரைவில் சட்டரீதியான நடவடிக்கை எடுப்பேன்" என்றார் ஷான் கருப்பசாமி.