``மேக்கே தாட்டூவில் அணை கட்ட மணல் சப்ளை செய்கிறார் ஓ.பி.எஸ் மகன்!” − ஈ.வி.கே.எஸ் இளங்கோவன் | The son of the son is supplying sand to build megatadu dam!" - interview with EKKS Ilango

வெளியிடப்பட்ட நேரம்: 16:20 (14/04/2019)

கடைசி தொடர்பு:16:20 (14/04/2019)

``மேக்கே தாட்டூவில் அணை கட்ட மணல் சப்ளை செய்கிறார் ஓ.பி.எஸ் மகன்!” − ஈ.வி.கே.எஸ் இளங்கோவன்

தேனி காங்கிரஸ் கட்சி வேட்பாளர் ஈ.வி.கே.எஸ் இளங்கோவன், காவிரி குறுக்கே கர்நாடகா அரசு கட்ட முயற்சிக்கும் மேக்கே தாட்டூ அணைக்கு மணல் சப்ளை செய்வது ஓ.பி.எஸ் மகன் தான் என்று பேசியிருப்பது, அரசியல் வட்டாரத்தில் பரபரப்பை ஏற்படுத்தியுள்ளது.

இளங்கோவன்

இன்று காலை, தேனியில் ஈ.வி.கே.எஸ் இளங்கோவன் தங்கியிருக்கும் வீட்டில் பத்திரிகையாளர்களை சந்தித்துப் பேசினார், அப்போது அவர், ``கர்நாடகத்தில் தமிழக மக்களுக்கு விரோதமாக மேகதாது அணை கட்டப்படுவதற்கு முயற்சிகள் நடந்துவருகின்றன. அந்த அணை கட்டப்படுவதற்கான மணல் சப்ளை செய்வது தேனியில் ஆளும் கட்சி வேட்பாளராக நிறுத்தப்பட்டிருப்பவர்தான். இந்த செய்தியை கேள்விப்பட்டு தமிழக மக்களும், டெல்டா பகுதி விவசாயிகளும் கொதித்துப்போய் உள்ளனர்.

தமிழக மக்களுக்கு எதிராக கர்நாடகத்திற்கு மணல் சப்ளை செய்து, கொள்ளை லாபம் சம்பாதித்து, மக்களுக்கு எப்படி துரோகம் செய்ய மனம் வந்தது. பணம் வந்தால் போதும் என்று இருக்கிறார்கள். இந்த தேர்தலில் மேக்கே தாட்டூ அணை கட்ட துணைபோகும், ஓ.பி.எஸ் மகனுக்கு மக்கள் தக்க பதிலடி கொடுப்பார்கள். பிரதமர் தேனிக்கு வந்த போது, பொதுக்கூட்டத்திற்கு தேனி மக்கள் யாரும் வரவில்லை. தமிழகத்தின் பல்வேறு பகுதிகளில் இருந்து ஆயிரத்திற்கும் மேற்பட்ட பஸ்களில், தலா ஆயிரம் ரூபாய் கொடுத்து கூப்பிட்டுவந்தார்கள். இருந்தும் கூட்டம் இல்லை.

இளங்கோவன்

இதெல்லாம் வட்டார போக்குவரத்து அலுவலர் விசாரிக்க வேண்டும். அதுமட்டுமல்லாமல், கூட்டத்தின் இடையே பேசிய ஓ.பி.எஸ்., அடுத்தாக முதல்வர் எடப்பாடி பழனிச்சாமி பேச இருக்கிறார் உற்சாகமாக கைதட்டுங்கள் என்கிறார். அதனைக் கேட்ட மக்கள், கூட்டத்திற்கு வருவதற்கு தான் பணம் கொடுத்தீர்கள், கை தட்ட வேண்டும் என்றால், எக்ஸ்ட்ரா பணம் கொடுக்க வேண்டும் என்கிறார்கள். என்னைப்பற்றி பேசிய மோடி, வெளி ஊர்களில் இருந்து ஆட்களைக் கொண்டுவந்திருப்பதா்க கூறுகிறார். குஜராத்காரரான இவர், உத்திரபிரதேசத்தில் போட்டியிடலாமா? குஜராத்தில் இருந்து இங்கு வந்து ஓட்டுக்கேட்கலாமா? ஜெயலலிதா ஆண்டிபட்டியில் போட்டியிடவில்லையா? இதெல்லாம், இந்திய ஒருமைப்பாட்டை, ஒற்றுமையைக் குலைக்கும் செயல்.

தேனி தொகுதியில் ஆயிரம் மோடிகள், ஆயிரம் கேடிகள் வந்தாலும் என்னை தோற்க்கடிக்க முடியாது. நான் எம்.பி'யாக பணியாற்றுவதை விட மக்கள் சேவகனாக பணியாற்ற விரும்புகிறேன்." என்றார்.

மேக்கே தாட்டூ அணைக்கு ஓ.பி.எஸ் மகன் மணல் சப்ளை செய்வதாக சொல்கிறீர்கள். ஆதாரத்தோடு தான் சொல்கிறீர்களா என பத்திரிகையாளர்கள் கேள்வி எழுப்பியபோது, ``இது தொடர்பாக வார இதழ்களில் எழுதியிருக்கிறார்கள். என் மீது வழக்கு போடட்டும், ஆதாரங்களை நீதிமன்றத்தில் சமர்ப்பிப்பேன். ஜெயலலிதா என் மீது வழக்கு போட்டார். வாய்தா வாய்தாவாக வாங்கிக்கொண்டிருந்தார். ஒரு முறையாவது ஜெயலலிதாவை குறுக்கு விசாரணை செய்ய வேண்டும் என நினைத்தேன். அதற்குள் அவர் இறந்துவிட்டார். இப்போது எடப்பாடி என் மீது வழக்கு போட்டிருக்கிறார். எப்படியாவது எடப்பாடியை குறுக்குவிசாரணை செய்வேன்" என்றார். 

நேற்று தேனியில் பேசிய மோடி, மேக்கே தாட்டூ அணை கட்டப்படும் என ராகுல்காந்தி கர்நாடகத்தில் கூறியிருக்கிறாரே என பத்திரிகையாளர்கள் கேள்வி எழுப்பியபோது, "நான் அப்படி கேள்விப்படவில்லை. காங்கிரஸ் தேசிய தலைவராக இருக்கக்கூடியவர். இரு மாநிலப்பிரச்சனைகளில் அப்படி பேச வாய்ப்பில்லை. நீங்கள் ஆதாரம் கொடுத்தால், நான் மன்னிப்பு கேட்கத் தயார்" என்றார்.

மேலும் அவர் பேசிய போது, ``தேர்தர் ஆணையம் ஆளும் கட்சிக்கு எடுபிடியாக இருக்கிறது. கோடி கோடியாக பணத்தை குடோன்களில் பதுக்கிவைத்துள்ளனர். அதெல்லாம் தேர்தல் ஆணையம் கண்டுகொள்வதில்லை. கங்கையைப் போல வைகையை சுத்தப்படுத்துவேன் என்று சொல்வதெல்லாம் பொய். இப்போதும் வாரணாசியில் சென்று பாருங்கள் பிணங்கள் மிதந்துகொண்டிருக்கிறன. தேனியில் ஓ.பன்னீர்செல்வத்தால்"பணம் சுனாமி அடிக்கிறது. சுனாமியை சமாளிக்கும் திறன் எங்களிடம் இருக்கிறது. மோடி தேனியில் தவறாக பேசியிருக்கிறார். வாரிசு அரசியல் பேசி ஓ.பன்னீர்செல்வத்தை ஆதரித்து பேசாமல், எதிர்த்துப் பேசியிருக்கிறார். வாரிசு அரசியல் இங்கு தான் நடக்கிறது" என்றார்.