"தலைவர் கருணாநிதி நலமுடன் இருக்கிறார்" - ஸ்டாலின்

திமுக தலைவர் கருணாநிதி  உடல்நலக் குறைவு காரணமாக வியாழன் இரவு காவேரி மருத்துவமனையில் அனுமதிக்கப்பட்டார். அவருக்கு டிரக்கியோஸ்டோமி சிக‌ச்சை அளிக்கப்பட்டு வருவதாக மருத்துவமனை அறிக்கை வெளியிட்டது. தற்போது அவர் உடல் நிலையில் நல்ல முன்னேற்றம் அடைந்துள்ளதாக மருத்துவமனை வட்டாரங்கள் தெரிவித்துள்ளன. அதுமட்டுமின்றி  இன்று காலை நிகழ்ச்சியொன்றில் பேசிய திமுக பொருளாளர் ஸ்டாலின்  கருணாநிதி நலமுடன் இருப்பதாக குறிப்பிட்டார். இந்நிலையில் கருணாநிதி உடல்நிலை குறித்து விசாரிக்க காங்கிஸ் கட்சியின் தங்கபாலு, த.மா.க தலைவர் ஜி.கே.வாசன் உள்ளிட்டோர் காவேரி மருத்துவமனை வந்தனர். நலம் விசாரித்த தங்கபாலு, ‘கருணாநிதி உடல்நிலை குறித்து அழகிரியிடம் விசாரித்தேன். கருணாநிதி விரைவில் குணமடைந்து மக்கள் பணிக்கு திரும்ப வேண்டும்’, எனத் தெரிவித்துள்ளார். 

 

Do you like the story?

Please Appreciate the Author by clapping!