வைகோ விலகல்! மநகூ தலைவர்கள் சொல்வது என்ன?

மக்கள் நலக்கூட்டியத்தில் இருந்து மதிமுக வெளியேறியது குறித்து மக்கள் நலக்கூட்டணி கட்சித் தலைவர்கள் கருத்து தெரிவித்துள்ளனர்.

மதிமுக, விடுதலை சிறுத்தைகள், இந்திய கம்யூனிஸ்ட், மார்க்சிஸ்ட் கம்யூனிஸ்ட் ஆகிய கட்சிகள் இணைந்து நடந்து முடிந்த சட்டப்பேரவையில் தேர்தலை ஒன்றாக சந்தித்தது. தேர்தலில் படுதோல்வியை இந்த கூட்டணி சந்தித்தாலும் ஒன்றாகவே இணைந்து போராட்டத்தை நடத்தியது. இந்த நிலையில், இந்த கூட்டணி உருவாகி சில மாதங்களே ஆன நிலையில், மதிமுக வெளியேறுவதாக அக்கட்சியின் பொதுச் செயலாளர் வைகோ இன்று அதிரடியாக அறிவித்தார். இந்த அறிவிப்பு மக்கள் நலக்கூட்டணித் தலைவர்களை அதிர்ச்சியடைய வைத்தாலும், வரவேற்பும் தெரிவித்துள்ளனர்.

வைகோவின் இந்த முடிவு குறித்து விடுதலை சிறுத்தைகள் கட்சித் தலைவர் தொல்.திருமாவளவன் கூறுகையில், வைகோ எடுத்த முடிவை நாங்கள் வரவேற்கிறோம். மக்கள் நலகூட்டியக்கம் நிரந்தரமான அமைப்பல்ல. விலகுவது தொடர்பாக கூட்டணித் தலைவர்களுடன் வைகோ ஆலோசிக்கவில்லை. ஆனாலும், வைகோவின் நாகரிகமான முடிவை வரவேற்கிறோம். கூட்டணியில் இருந்து வெளியேறும் முடிவை எடுக்க மதிமுகவுக்கு சுதந்திரம் உண்டு. மக்கள் நலக்கூட்டியக்கத்தில் இடதுசாரிகள், விடுதலை சிறுத்தைகள் தொடரும். மதிமுக எந்த அடிப்படையில் முடிவை எடுத்தது என்று தெரியவில்லை" என்றார்.

இந்திய கம்யூனிஸ்ட் கட்சியின் மாநில செயலாளர் முத்தரசன் கூறுகையில், மக்கள் நலக்கூட்டியக்க்த்தில் இருந்து மதிமுக விலகியது அதிர்ச்சி அளிக்கிறது. அணி உடைய நான் காரணமாக இருக்க மாட்டேன் என்று வைகோ கூறியிருந்தார். கூட்டணி தலைவர்களை ஆலோசிக்காமல் வைகோ முடிவு எடுத்துள்ளார்" என்று கூறினார். 

மார்க்சிஸ்ட் கம்யூனிஸ்ட் கட்சி எம்பி டி.கே.ரங்கராஜன் கூறுகையில், வைகோ எடுத்தது மதிமுகவின் நல்ல முடிவே" என்றார்.

Do you like the story?

Please Appreciate the Author by clapping!