Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சிபிஐ விசாரணை கோர உள்ளதா வருமானவரித்துறை?: அதிர்ச்சியில் அமைச்சர்கள்

தமிழக சுகாதாரத்துறை அமைச்சர் விஜயபாஸ்கர் வீட்டில் நடத்தப்பட்ட வருமான வரித்துறையின் ரெய்டு, ஆளும் தரப்பில் கடும் அதிருப்தியை ஏற்படுத்தியுள்ளது. இந்த நிலையில், விஜயபாஸ்கர் வீட்டில் நடத்தப்பட்ட சோதனையின்போது, வருமான வரித்துறை அதிகாரிகளுடன் அமைச்சர்கள் காமராஜ், உடுமலை ராதாகிருஷ்ணன் மற்றும் டெல்லி பிரதிநிதி தளவாய் சுந்தரம் வாக்குவாதத்தில் ஈடுபட்டதாகக் கூறப்படுகிறது.

FIR filed against TN ministers


குறிப்பாக, அவர்கள் பெண் அதிகாரி ஒருவருக்கு மிரட்டல் விடுத்ததாக, வருமான வரித்துறை காவல்நிலையத்தில் புகார் அளித்தது. அதேபோல சரத்குமார் வீட்டில் வருமான வரித்துறையினர் சோதனையில் ஈடுபட்டபோது, அமைச்சர் கடம்பூர் ராஜூ அதிகாரிகளுடன் வாக்குவாதத்தில் ஈடுபட்டதாகவும் மிரட்டல் விடுத்ததாகவும், வருமானவரித்துறையினர் தரப்பில் சென்னை போலீஸ் கமிஷனர் அலுவலகத்தில் புகார் அளிக்கப்பட்டது. 


இதைத் தொடர்ந்து அமைச்சர்கள் காமராஜ், உடுமலை ராதாகிருஷ்ணன், கடம்பூர் ராஜூ மற்றும் தளவாய் சுந்தரம் ஆகியோர் மீது போலீஸ் வழக்குப்பதிவுசெய்தது. ஆனால், வருமான வரித்துறைக்கு இதில் திருப்தி இல்லையாம். காரணம்,  வருமான வரித்துறை சார்பில் அமைச்சர்கள் மீது ஜாமீனில் வெளிவர முடியாதபடி வழக்குப்பதிவு செய்ய கோரப்பட்டு இருந்ததாம்.


ஆனால் காவல்துறையோ, அமைச்சர்கள் மீது ஜாமீனில் வெளிவரக்கூடிய பிரிவுகளின் கீழ் வழக்கைப் பதிவுசெய்துள்ளதாம். இதனால் அப்செட்டான வருமான வரித்துறை, இந்த விவகாரத்தில் விரைவில் சிபிஐ விசாரணை கோரி, நீதிமன்றத்துக்குப் படியேற உள்ளதாகக் கூறப்படுகிறது. 


இதனால், இந்த விவகாரம் மேலும் சூடுபிடிக்கும் என்று எதிர்பார்க்கப்படுகிறது.
 

-ஆர்.பி

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

மெகா ரெய்டு - 187 இடங்கள்... 1,800 அதிகாரிகள்... குவிந்தது பணம்... குவித்தது யார்?
Advertisement

MUST READ

Advertisement
[X] Close