Vikatan.com

www.vikatan.com would like to send you push notifications.

Notifications can be turned off anytime from browser settings.

பேச்சுவார்த்தை நடத்த இரு அணிகளும் தயார்.... இணையுமா  அதிமுக?

”இரண்டு அணிகளாக பிளவுப்பட்டுள்ள அ.தி.மு.க ஒற்றுமையோடு செயல்பட வேண்டும் என ஓ.பன்னீர்செல்வம் கூறிய கருத்து வரவேற்கத்தக்கது. ஓ.பி.எஸ் அணியினர் முன்வந்தால் பேச்சுவார்த்தை நடத்த நாங்கள் தயார்” என்று மக்களவை துணை சபாநாயகர்  தம்பிதுரை தெரிவித்துள்ளார்.

thambidurai
 

தலைமைச் செயலகத்தில் முதல்வர் எடப்பாடி பழனிசாமியை, மக்களவை துணை சபாநாயகர் தம்பிதுரை இன்று திடீரென சந்தித்துப் பேசினார். சந்திப்பு குறித்து செய்தியாளர்களிடம் பேசிய தம்பிதுரை, தமது தொகுதி பிரச்னைகள் தொடர்பாக முதலமைச்சரை சந்தித்ததாகவும், கிருஷ்ணகிரியில் தடுப்பணை  கட்டுவது குறித்து ஆலோசனை நடத்தியதாகவும் தெரிவித்தார்.

பின்னர் அ.தி.மு.கவின் இரு அணிகளும் மீண்டும் இணைவது பற்றி செய்தியாளர்கள் கேள்வி எழுப்பினர். அதற்குப் பதிலளித்த தம்பிதுரை, ‘அ.தி.மு.கவில் இரு அணிகள் கிடையாது. சில கருத்து வேறுபாடுகள் உள்ளது. அவற்றை சரி செய்து, மக்கள் விரும்புவது போன்று ஒற்றுமையாக செயல்படுவோம். அ.தி.மு.க ஒற்றுமையோடு செயல்பட வேண்டும் என்று ஓ.பன்னீர்செல்வம் கூறியதை வரவேற்கிறேன். ஓ.பன்னீர்செல்வம் அணியினர் முன்வந்தால் பேச்சுவார்த்தை நடத்த நாங்கள் தயார்” என்று தெரிவித்துள்ளார்.

இன்று காலை சென்னை விமான நிலையத்தில் பேட்டியளித்த ஓ.பி.எஸ், சசிகலா அணியினர் பேச்சுவார்த்தை நடத்தினால் இணைந்து செயல்படத் தயார் என்று கூறிய நிலையில் தம்பிதுரையும் இதே கருத்தை தெரிவித்துள்ளது அதிமுக மீண்டும் இணையும் வாய்ப்பை அதிகரித்துள்ளது. 

 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

என்னுள் மையம் கொண்ட புயல்! - கமல்ஹாசன் - 8 - அரியலூர் அனிதாவும் நானும்!
Advertisement

MUST READ

Advertisement