வெளியிடப்பட்ட நேரம்: 13:50 (18/05/2017)

கடைசி தொடர்பு:14:13 (18/05/2017)

ரஜினி... அரசியல்... கட்ஜுவின் சாட்டையடிப் பதிவு! 

நடிகர் ரஜினிகாந்த் அரசியலுக்கு வருவாரா மாட்டாரா என்பதுகுறித்து கடந்த சில தினங்களாக அதிகம் பேசப்பட்டுவருகிறது. ‘ரஜினி வரவேண்டும்’ என்கிறது ஒரு தரப்பு, ‘அவர் ஏன் அரசியலுக்கு வரவேண்டும்?’ என்கிறது மற்றொரு தரப்பு. இந்நிலையில், இந்த ’ஹாட் டாபிக்’ குறித்து உச்ச நீதிமன்ற முன்னாள் நீதிபதி மார்க்கண்டேய கட்ஜு தன் கருத்தைத் தெரிவித்துள்ளார். 

katju, rajini
 

மார்க்கண்டேய கட்ஜுவின் முகநூல் பதிவு பின்வருமாறு...

'தென்னிந்தியர்கள் மீது எனக்கு மதிப்பு அதிகம். ஆனால், அவர்கள் நடிகை, நடிகர்கள் மீது முட்டாள்தனமான பக்தி வைத்திருப்பதுதான் எனக்குக் குழப்பத்தை ஏற்படுத்துகிறது. ஏன் இப்படி சினிமா நட்சத்திரங்களை மிகைப்படுத்துகிறார்கள்? அண்ணாமலை பல்கலைக்கழகத்தில் படித்தபோது, தமிழ் நண்பர்களுடன் சேர்ந்து சிவாஜி கணேசனின் படம் ஒன்றைப் பார்க்கச் சென்றேன். படத்தின் துவக்கத்தில், சிவாஜி கணேசனின் காலை மட்டும்தான் காட்டினார்கள். அதற்கே ரசிகர்கள் அரங்கையே அதிரவைத்து ஆர்ப்பாட்டம் செய்தனர். 

ரஜினிகாந்த் ரசிகர்களும் அப்படித்தான் இருக்கிறார்கள். ரஜினிகாந்த் ஏன் முதல்வர் ஆக வேண்டும்... அவர் ஏன் ஜனாதிபதி ஆக வேண்டும்? வேலையில்லாத் திண்டாட்டம், வறுமை, பசி, பட்டினி. இதற்கெல்லாம் ரஜினியிடம் தீர்வு உள்ளதா? ரஜினியிடம் ஒன்றுக்கும் தீர்வு இல்லை என்று நினைக்கிறேன். பாலிவுட் நடிகர் அமிதாப் பச்சன் போன்று ரஜினிகாந்த் மண்டையிலும் ஒன்றும் இல்லை’ இவ்வாறு குறிப்பிட்டுள்ளார்.

கட்ஜுவின் பதிவுக்கு, நெட்டிசன்ஸ் மத்தியில் நல்ல பாராட்டுகள் கிடைத்துள்ளன. அவரின் பதிவு, அதிகம் பகிரப்பட்டுவருகிறது. 

நீங்க எப்படி பீல் பண்றீங்க