Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

" உலகைக் காத்திட, உடைகளை வாடகைக்கு எடுங்கள்" - டென்மார்க்கில் அசத்தும் பெண்

"குழந்தைகள் வளரும். ஆனால், குழந்தைகளின் உடைகள் வளராது..." இதுதான் டென்மார்க்கைச் சேர்ந்த விகா ஸ்வென்சான் முன்வைக்கும் கருத்து. கொஞ்சம் யோசித்துப் பாருங்கள்... ஒவ்வொருவரும் வீட்டு அலமாரியிலும் அத்தனை பழைய துணிகள் நிறைந்து கிடக்கும். அதிகபட்சம், அதை ஏதோ ஓர் தொண்டு நிறுவனத்துக்கு இலவசமாகக் கொடுப்போம். அவர்கள், அவற்றை சில காலம் உபயோகிப்பார்கள். அதன்பின், அவ்வளவு உடைகளும் என்னவாகும் என்று யோசித்ததுண்டா. உலகளவில் 20 சதவிகிதம் அளவுக்கான உடைகள் மட்டுமே மறு உபயோகம் அல்லது மறுசுழற்சிசெய்யப்படுகின்றன. மற்றவை அனைத்தும் பூமிக்குப் பாரமாய், குப்பைக்கிடங்குகளில் தேங்கிக்கிடக்கின்றன. 

குழந்தைகளுக்கான உடைகள் வடிவமைப்பில் 10 ஆண்டுகளாக ஈடுபட்டுவந்த டென்மார்க்கைச் சேர்ந்த விகாவுக்கு, இந்த பூமியைக் காயப்படுத்தாமல் ஏதாவது ஒரு தொழிலைச் செய்ய வேண்டும் என்ற எண்ணம் மிகுந்திருந்தது. அதன்பொருட்டு அவர் உருவாக்கியதுதான், இந்த "வாடகைக்கு குழந்தைகள் உடைகள் " தொழில். டென்மார்க்கின் கோபன்ஹேகன் நகரில், ஒரு மிகப்பெரிய சலவைத் தொழிற்சாலையை உருவாக்கியுள்ளார். இயற்கையான முறையில் உருவாக்கப்பட்ட குழந்தைகள் உடைகளை, மாத வாடகைக்கு விடுகிறார். 16 உடைகள் அடங்கிய ஒரு பையை வாடகைக்கு எடுக்க, மாத வாடகையாக 55 டாலர்களை வசூலிக்கிறார். திரும்பும் உடைகளைத் தனித் தனியாகப் பிரித்து, கறைகளை நீக்கி, சுத்தமான முறையில் சலவைசெய்கிறார். ஒரு உடையை 100லிருந்து 150 தடவைகள் வரை வாடகைக்கு விடுகிறார். 

"உலகைக் காக்க எந்த சூப்பர் ஹீரோக்களும் வர மாட்டார்கள். அது ஒரு அதிசயமாக நடக்காது. சின்னச்சின்னதாய் நாம்தான் முயற்சிகளை முன்னெடுத்து, பூமியைக் காத்திட வேண்டும். அதற்கான சிறு முயற்சிதான் இது" என்கிறார் விகா. டென்மார்க்கின் நடுத்தர வர்க்கத்திடம் பெரும் வரவேற்பைப் பெற்றுள்ளது, "குழந்தைகள் உடைகளை வாடகைக்கு விடும் திட்டம்". 
 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

மெகா ரெய்டு - 187 இடங்கள்... 1,800 அதிகாரிகள்... குவிந்தது பணம்... குவித்தது யார்?
Advertisement

MUST READ

Advertisement
[X] Close