Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நியமன எம்எல்ஏ விவகாரம்; புதுச்சேரியில் பந்த்- தமிழக அரசு பேருந்து உடைப்பு

புதுச்சேரியில், காங்கிரஸ் அரசின் பரிந்துரை இன்றி, பா.ஜ.க-வைச் சேர்ந்தவர்களை எம்எல்ஏ-க்களாக நியமிக்கப்பட்ட விவகாரம் பூதாகரமாக வெடித்துள்ளது. இதற்கு எதிர்ப்புத் தெரிவிக்கும் விதமாக தி.மு.க, வி.சி.க, கம்யூனிஸ்ட் உள்ளிட்ட கட்சிகள் இன்று முழு அடைப்புப் போராட்டத்தை நடத்துகின்றன. இதற்கு, ஆளும் காங்கிரஸ் கட்சி ஆதரவு தெரிவித்திருக்கிறது.

இதையடுத்து, இன்று புதுச்சேரியில் முக்கிய வர்த்தக வீதிகளான நேரு வீதி, காந்தி வீதி, குபேர் பஜார் மற்றும் மார்க்கெட் உள்ளிட்ட பகுதிகளில் கடைகள் அடைக்கப்பட்டிருக்கின்றன. பெட்ரோல் பங்க்குகள், திரையரங்குகள் போன்றவைகளும் செயல்படவில்லை. அதேபோல, கிராமப்புறங்களிலும் கடைகள் அடைக்கப்பட்டுள்ளன. ஆளுங்கட்சி ஆதரவு தெரிவித்திருக்கிறது என்ற போதிலும், பந்த், போராட்டம் போன்றவை துணை நிலை ஆளுநர் கிரண்பேடி மற்றும் மத்திய அரசுக்கு எதிராக என்பதால், நகர் முழுவதும் காவல்துறையினர் குவிக்கப்பட்டுள்ளனர். ஆளுநர் மாளிகைக்கு கூடுதல் பாதுகாப்புப் போடப்பட்டுள்ளது.

தனியார் மற்றும் அரசுப் பேருந்துகள் அனைத்தும் நிறுத்தப்பட்ட நிலையில், ஒன்றிரண்டு அரசுப் பேருந்துகள் மட்டுமே இயங்கின. ஆனால், வெங்கடசுப்பா சிலையருகில், புதுச்சேரியிலிருந்து சென்னை செல்லும் அரசுப் பேருந்தின் முன்பக்கக் கண்ணாடி, யாரோ சில மர்ம நபர்களால் உடைக்கப்பட்டதால், அவைகளும் நிறுத்தப்பட்டன. அதேபோல நெல்லித்தோப்பு சந்திப்பு அருகில் சென்றுகொண்டிருந்த சரக்கு லாரி ஒன்றின் கண்ணாடி மர்ம நபர்களால் அடித்து நொறுக்கப்பட்டது. பேருந்து நிலையத்தினுள் தமிழ்நாடு அரசு விரைவுப் பேருந்து ஒன்று சென்னை செல்லத் தயாராக இருந்தது. அப்போது அங்கு சென்ற தி.மு.க-வினர் அதற்கு எதிர்ப்பு தெரிவித்ததால், அந்தப் பேருந்தும் டெப்போவுக்குக் கொண்டுசெல்லப்பட்டது.

நகரம் முழுவதும் காங்கிரஸ் மற்றும் அதன் கூட்டணிக் கட்சிகள் நின்று மத்திய அரசுக்கு எதிராகவும் துணைநிலை ஆளுநர் கிரண்பேடிக்கு எதிராகவும் கோஷம் எழுப்பிவருகின்றனர். மேலும், ஆர்ப்பாட்டத்தின்போது கிரண்பேடி மற்றும் பிரதமர் மோடியின் கொடும்பாவிகள் எரிக்கப்பட்டன.

 

 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

மெகா ரெய்டு - 187 இடங்கள்... 1,800 அதிகாரிகள்... குவிந்தது பணம்... குவித்தது யார்?
Advertisement

MUST READ

Advertisement
[X] Close