Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

காவ்யா மாதவன் இன்று கொச்சியில் ஆஜர்?

கடந்த பிப்ரவரி மாதம் 17-ம் தேதி மலையாள நடிகை ஷூட்டிங்  முடிந்து திருச்சூரில் இருந்து கொச்சி நோக்கி சென்று கொண்டிருக்கும் போது கடத்தப்பட்டு பாலியல் வன்முறைக்கு ஆளாக்கப்பட்டார். இது தொடர்பாக கொச்சி போலீஸார் வழக்குப் பதிவு செய்து விசாரணை நடத்தி வந்தனர். இந்தச் சம்பவம் தென்னிந்தித் திரையுலகை மட்டுமல்லாமல் அனைத்துத் தரப்பு மக்களையும் திரும்பிப் பார்க்க வைத்தது. நடிகை கடத்தல் தொடர்பாக பல்சர் சுனில் உள்ளிட்ட 7 பேரை கேரளப் போலீஸார் கைது செய்தனர். பல்சர் சுனிலின் வாக்குமூலத்தின் அடிப்படையில் நடிகர்  திலீப்புக்கு எதிராக போலீஸாருக்கு எந்த சரியான ஆதாரமும் சிக்காமல் இருந்தது.

அதன்பின் பல ஆதாரங்களும் போலீஸாரிடம் சிக்க, நேற்று முன்தினம் போலீஸார், திலீப்பை கைது செய்தனர். தற்போது ஆலுவா சப் ஜெயிலில் திலீப் அடைக்கப்பட்டுள்ளார். கடந்த சில ஆண்டுகளுக்கு முன்பு நடிகர் திலீப்பின் முதல் மனைவி மஞ்சு வாரியர், 2-வது மனைவி காவ்யா மாதவன், நடிகை பாவனா ஆகியோர் சேர்ந்து ரியல் எஸ்டேட் தொழில் செய்து வந்தனர். இவர்கள் கேரளாவில் நூற்றுக்கணக்கான ஏக்கர் நிலம் வாங்கி விற்பனை செய்து வந்தனர்.

நடிகை கடத்தல் சம்பவம் நடந்ததில் நடிகை காவ்யா மாதவனுக்குத் தொடர்பு இருக்காலம் என்று போலீஸார் சந்தேகம் அடைந்தனர். அதற்கான ஆதாரங்களும் போலீஸிடம் சிக்கியுள்ளன. காவ்யா மாதவனை விசாரிக்க முயற்சி செய்த போது அவரும், அவரது தாயார் சியாமளாவும் கடந்த ஒரு வாரமாகத் தலைமறைவானது தெரியவந்தது. அவர்களது செல் போன் சுவிட்ச் ஆஃப் செய்யப்பட்டுள்ளது. கடந்த சில நாள்களுக்கு முன் கேரள மாநிலத்தில் உள்ள கொடுங்கல்லூர் கோயிலுக்கு அதிகாலையில் நடிகர் திலீப் மற்றும் காவ்யா மாதவன் ரகசியமாக சாமி கும்பிடச் சென்றனர். அதன்பின்தான் காவ்யா மாதவன் தலைமறைவாகி உள்ளார். மலையாள நடிகை வழக்கில் நடிகை காவ்யா மாதவனை விசாரித்தால் பல உண்மைகள் தெரியவரலாம். காவ்யா மாதவனும் அவரது தாயாரும் பெங்களூரில் இருக்கலாம் என்கிற தகவல் போலீஸாருக்குக் கிடைத்தது. தற்போது காவ்யா மாதவன் இருக்கும் இடத்தைக் கேரளப் போலீஸார் கண்டுபிடித்துவிட்டார்களாம். சியாமளாவையும்,காவ்யா மாதவனையும் நேரில் ஆஜராகுமாறு அவர்களைக் கொண்டு போலீஸார் தெரிவித்து உள்ளனர். அதனைத் தொடர்ந்து இன்று இரவுக்குள் காவ்யா மாதவன் கொச்சியில் ஆஜராகலாம். அடுத்த கட்ட விசாரணைக்குப் பின் காவ்யா மாதவனை கைது செய்ய போலீஸார் தீவிரமாக உள்ளனர்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

என்னுள் மையம் கொண்ட புயல்! - கமல்ஹாசன் - 8 - அரியலூர் அனிதாவும் நானும்!
Advertisement

MUST READ

Advertisement
[X] Close