வெளியிடப்பட்ட நேரம்: 08:18 (02/08/2017)

கடைசி தொடர்பு:08:18 (02/08/2017)

11.44 லட்சம் போலி பான் கார்டுகள் ஒழிப்பு!

 11.44 லட்சத்துக்கும் மேற்பட்ட போலியாக பான் கார்டுகள் ஒதுக்கப்பட்டிருந்தன. இந்த பான் கார்டுகள் அடையாளம் காணப்பட்டு, அவற்றை செயலிழக்கச் செய்துள்ளதாக மத்திய அரசு தெரிவித்துள்ளது. 

பான், PAN


இதுகுறித்து ராஜ்யசபாவில் எழுத்துபூர்வமாக பதிலளித்த மத்திய நிதித்துறை இணையமைச்சர் சந்தோஷ் குமார் கங்வார், "பான் கார்டு என்பது வரி விதிப்பில் மிக முக்கியமான ஒன்றாகவும், ஒரு நபர் மேற்கொள்ளும் அனைத்து நிதி பரிவர்த்தனைகளை ஒருங்கிணைப்பதாகவும் உள்ளது. ஒரு நபருக்கு ஒரு பான் கார்டு ஒதுக்கீடு என்பது வழிகாட்டி கொள்கை. ஆனால், ஒரே நபருக்கு ஏராளமான பான் கார்டுகள் ஒதுக்கப்பட்டிருந்தன. ஜூலை 27-ம் தேதி கணக்கீட்டின் படி, உயிருடன் இல்லாத நபர் அல்லது பொய்யான அடையாளம்கொண்டவர்களின் பெயர்களில் 1,566 பேருக்கு போலி பான் கார்டுகள் ஒதுக்கப்பட்டிருந்தன. அவை அடையாளம் காணப்பட்டு நீக்கப்பட்டுள்ளன. இதுபோல, ஒட்டுமொத்தமாக 11,44,211 பான் கார்டுகள் அடையாளம் காணப்பட்டு நீக்கப்பட்டுள்ளன" என்றார் அவர்.