Vikatan.com

www.vikatan.com would like to send you push notifications.

Notifications can be turned off anytime from browser settings.

நெய்மரை ஒப்பந்தம் செய்ய மொத்தம் ரூ. 3,750 கோடி செலவு!

நெய்மரை ஒப்பந்தம்செய்ய, பாரீஸ் செயின்ட் ஜெர்மைன் அணி மொத்தம் ரூ. 3,750 கோடி செலவிட்டுள்ளது.

பார்சிலோனாவில் இருந்து விலகிய நெய்மர்

பார்சிலோனா அணிக்காக விளையாடிவந்த நெய்மர், கடந்த வருடத்தில்தான் அந்த அணியுடனான ஒப்பந்தத்தைப் புதுப்பித்திருந்தார். பார்சிலோனா, ரியல்மாட்ரிட் அணிகள் எப்போதுமே நட்சத்திர வீரர்களால் நிரம்பிவழிபவை. இந்த அணிகளின் ரிசர்வ் அணியே, ஒரு பவர் ஃபுல் அணிக்குச் சமமாக விளையாடக்கூடியதாக இருக்கும். மெஸ்ஸி போன்ற நட்சத்திர வீரர்கள் நிறைந்திருக்கும் பார்சிலோனாவில், நெய்மரால் ஜொலிக்க முடியவில்லை.

நெய்மரின் எண்ண ஓட்டத்தைத் தெரிந்துகொண்ட பி.எஸ்.ஜி அணி, அவரை கோழியை அமுக்குவதுபோல அமுக்கியது. பார்சிலோனாவுடனான நெய்மர் ஒப்பந்தத்தை முறிக்க (buyout clause) மட்டும் ரூ. 1,666 கோடி செலவிடப்பட்டுள்ளது. அது தவிர, நெய்மரின் சம்பளம் ஆண்டுக்கு ரூ. 222 கோடி வருகிறது. சம்பளம், போனஸ், buyout clause  எல்லாம் சேர்த்து நெய்மரை ஒப்பந்தம்செய்ய பாரீஸ் செயின்ட் ஜெர்மைன் அணி மொத்தம் ரூ,.3.750 கோடி செலவிட்டுள்ளது. 

தற்போது, உலகின் விலை உயர்ந்த வீரர் என்கிற அந்தஸ்த்தை நெய்மர் அடைந்திருந்தாலும், சர்வதேச அளவில் பி.எஸ்.ஜி அணி விளையடிவரும். ஃப்ரெஞ்ச் லீக்-1 தொடர் பிரபலமானது இல்லை. பிரீமியர் லீக், ஸ்பானீஷ் லீக், இத்தாலி சீரி ஏ, பந்தஸ்லீகா தொடர்களுக்கு இருக்கும் மரியாதையும் பார்வையாளர்களின் எண்ணிக்கையும் ஃப்ரெஞ்ச் லீக் தொடருக்குக் கிடையாது. சாம்பியன்ஸ் லீக் போட்டிக்கு பாரீஸ் செயின்ட் ஜெர்மைன் அணி முன்னேறினால் மட்டுமே நெய்மரின் ஆட்டத்தைக் காண சர்வதேச ரசிகர்கள் ஆர்வம் காட்டுவார்கள். மற்றபடி ஃப்ரெஞ்ச்சுக்கு மட்டும்தான் ஃப்ரெஞ்ச் லீக் முக்கியம்.

பாரீஸ் செயின்ட் ஜெர்மைன் அணி விடுத்துள்ள அறிக்கையில், ''நெய்மர் இதயத்தை இழக்கவில்லை. பணத்துக்காக அணி மாறவில்லை. அவரின் இதயம் சொல்வதைக் கேட்டு நடந்திருக்கிறார் '' என்று தெரிவித்திருக்கிறது. 

பி.எஸ்.ஜி அணியில் நெய்மருக்கு புகழ்பெற்ற 10-ம் எண் ஜெர்சி வழங்கப்பட்டுள்ளது. 


 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement