வெளியிடப்பட்ட நேரம்: 10:59 (07/08/2017)

கடைசி தொடர்பு:10:59 (07/08/2017)

கத்திமுனையில் பெண் பாலியல் வன்கொடுமை! சென்னையில் அதிர்ச்சி சம்பவம்

சென்னையில், வீட்டில் தனியாக இருந்த பெண்ணை கத்திமுனையில் மிரட்டி, மர்ம நபர்கள் பாலியல் வன்கொடுமை செய்துள்ள சம்பவம் அதிர்ச்சியை ஏற்படுத்தியுள்ளது.

சென்னையில் தனியாக இருக்கும் பெண்களை குறித்து அவர்களது வீட்டில் மர்ம நபர்கள் கொள்ளையடிப்பதோடு பெண்களை பாலியல் வன்கொடுமை செய்து வருகின்றனர். அண்மையில் சென்னையில் வீட்டில் தனியாக இருந்த பெண்ணை கொன்றுவிட்டு மர்ம நபர்கள் நகை, பணத்தை கொள்ளையடித்துச் சென்ற சம்பவம் பெரும் அதிர்ச்சியை ஏற்படுத்தியது.

இந்த நிலையில், சென்னை ஆதம்பாக்கத்தில் வசித்துவருபவர் ஐரின். மணிப்பூரைச் சேர்ந்த இவர், இன்று வீட்டில் தனியாக இருந்துள்ளார். அப்போது, மர்ம நபர்கள் அவரது வீட்டுக்குள் நுழைந்து, ஐரினை கத்தியைக் காட்டி மிரட்டி, பாலியல் வன்கொடுமையில் ஈடுபட்டுள்ளனர்.

இதுகுறித்து ஐரின் கொடுத்த புகாரின் பேரில், ஆதம்பாக்கம் போலீஸார் வழக்குப்பதிவு செய்து, ஐரினை மருத்துவப் பரிசோதனைக்காக அரசு மருத்துவமனைக்கு அழைத்துச்சென்றனர். ஐரினை பாலியல் வன்கொடுமை செய்த மர்ம நபர்களை காவல்துறையினர் தேடி வருகின்றனர்.

வீட்டில் தனியாக இருந்த பெண்ணை மர்ம நபர்கள் கத்திமுனையில் பாலியல் வன்கொடுமை செய்த சம்பவம், சென்னையில் அதிர்ச்சியை ஏற்படுத்தியுள்ளது.