வெளியிடப்பட்ட நேரம்: 15:55 (08/08/2017)

கடைசி தொடர்பு:15:55 (08/08/2017)

"தமிழகத்தில் காவிரி, தாமிரபரணி உட்பட 7 நதிகள் மாசடைந்துள்ளன" - மத்திய அரசு

தமிழகத்தில் உள்ள ஆறுகளில் 7 ஆறுகள் மாசடைந்துள்ளதாக மக்களவையில் மத்திய அரசு  தெரிவித்துள்ளது.

மாசடைந்த நதி

மக்களவையில் இன்று கேள்வி நேரத்தின்போது பேசிய மத்திய நீர்வளத்துறை அமைச்சர், தமிழகத்தில் உள்ள ஆறுகளில் காவிரி, பவானி, பாலாறு, சரபங்கா, தாமிரபரணி, மணிமுத்தாறு, வசிஷ்டா ஆகிய 7 ஆறுகளும் மாசடைந்துள்ளதாகத் தெரிவித்துள்ளார். இதேபோல், கடந்த 2016-ம் ஆண்டு நவம்பர் மாதம் மக்களவையில் சுற்றுச்சூழல் அமைச்சகம் மேற்கண்ட 7 நதிகளும் மாசடைந்ததாக அறிவித்தது. கடந்த வருடம், பேசிய மத்திய சுற்றுச்சூழல் துறை அமைச்சர், நதியில் கழிவுகளைக் கலக்கும் ஆலைகள்மீது தீவிர நடவடிக்கை எடுக்கப்படும் எனவும் சொல்லியிருந்தது குறிப்பிடத்தக்கது. கடந்த ஆண்டு அறிவிக்கப்பட்டு 8 மாதங்கள் ஆகியும் அந்த 7 நதிகளும் இன்னும் மாசடைந்த நிலையிலேயே காணப்படுகிறது. ஆறுகள் மணலாக காட்சியளிக்கும் இந்த நேரத்திலும் தமிழகத்தின் முக்கிய நதிகளாக விளங்கும் காவிரி, பாலாறு, தாமிரபரணி ஆகிய நதிகள் மாசடைந்து வருவது தமிழக அரசின் மெத்தனத்தைக் காட்டுகிறது.