Vikatan.com

www.vikatan.com would like to send you push notifications.

Notifications can be turned off anytime from browser settings.

'விரைவில் சில ஆபரேஷன்கள்' - தினகரன் சூசகம்

சசிகலாவின் பிறந்தநாளை முன்னிட்டு பெங்களூரு பரப்பன அக்ரஹாரா சிறையில் அவரை, டி.டி.வி.தினகரன் சந்தித்துப் பேசினார்.

டி.டி.வி.தினகரன்


அ.தி.மு.க. அணிகள் இணைப்பு தொடர்பான பேச்சுவார்த்தை இறுதிக்கட்டத்தை எட்டியிருப்பதாகக் கூறப்படும் நிலையில், சிறையில் சசிகலாவைச் சந்தித்து ஆலோசனை நடத்திவிட்டு வந்திருக்கிறார் தினகரன். இந்தச் சந்திப்பின்போது முதலமைச்சர் எடப்பாடி பழனிசாமியின் அறிவிப்புகள், ஓ.பன்னீர்செல்வம் அணியினரின் செயல்பாடுகள் உள்ளிட்ட பல்வேறு விவகாரங்கள் குறித்து சசிகலாவுடன் தினகரன் ஆலோசித்திருக்கலாம் என்று தெரிகிறது.

இந்தச் சந்திப்புக்குப் பின்னர், செய்தியாளர்களிடம் பேசிய தினகரன், ’எம்.ஜி.ஆர். மறைவுக்குப் பின்னர், இரண்டு அணிகளாகப் பிரிந்த அ.தி.மு.க., தொண்டர்களின் விருப்பதால் தானாகவே இணைந்தது. ஆனால், இன்றைய சூழலில் தொண்டர்களின் விருப்பம் வேறாக இருக்கிறது. பதவியில் இருக்கும் சிலர் தங்களின் பதவியைக் காப்பாற்றிக்கொள்ளும் வகையில் அணிகளை இணைப்பது குறித்து பேசிவருகின்றனர். சுயநலத்துக்காக இணையும் இந்த இணைப்பு அதிக நாள்களுக்கு நீடிக்காது. கட்சியின் அடுத்தகட்ட நடவடிக்கைகள் குறித்து பொதுச்செயலாளர் சசிகலா ஆலோசனைகள் வழங்கினார். அவரது ஆலோசனைகளின்படி சில ஆபரேஷன்கள் நடக்கும். மேலூரில் நடைபெற்ற எம்.ஜி.ஆர். நூற்றாண்டு விழா பொதுக்கூட்டத்துக்கு சில எம்.எல்.ஏ-க்கள் வந்தனர். மேலும் சில எம்.எல்.ஏ-க்கள் முதலமைச்சர் எடப்பாடி பழனிசாமி அணியில் ஸ்லீப்பர் செல்களாக இருக்கின்றனர். தேவைப்படும்போது பலத்தை நிரூபிப்போம். முன்னாள் முதலமைச்சர் ஜெயலலிதாவின் வேதா இல்லம் நினைவிடமாக்கப்படும் விவகாரத்தில், அவரின் வாரிசுகளிடம் முறையான அனுமதி பெற்று அரசு நடவடிக்கைகளில் இறங்க வேண்டும். அவரின் மரணம் குறித்த நீதி விசாரணை மூலம் சசிகலா குற்றமற்றவர் என்பது நிரூபணமாகும்’ என்று டி.டி.வி.தினகரன் தெரிவித்தார்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement