Published:Updated:

பாரதியார் பல்கலைக்கழகம்: `தேர்வுகள் எப்போது?' - வேதனையில் ஆராய்ச்சி மாணவர்கள்!

பாரதியார் பல்கலைக்கழகம்
பாரதியார் பல்கலைக்கழகம்

கோவை பாரதியார் பல்கலைக்கழகத்தில் எம்.பில் மற்றும் பி.ஹெச்டி படிப்புகளுக்கான தேர்வு குறித்த அறிவிப்பு வெளியாகததால் மாணவர்கள் அதிர்ச்சியடைந்துள்ளனர்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

கொரோனா வைரஸ் தாக்கத்தால் மீளவே முடியாமல் தவித்துக் கொண்டிருக்கிறது கல்வித்துறை. வகுப்புகள், தேர்வுகள் அனைத்தும் ஆன்லைன் மயமாகிவிட்டது. ஆனால், கோவை பாரதியார் பல்கலைக்கழத்தில் எம்.பில், பி.ஹெச்டி படிப்புகளுக்கு இந்தாண்டு தேர்வு குறித்த அறிவிப்பு இல்லாததால் மாணவர்கள் அதர்ச்சியடைந்துள்ளனர்.

கொரோனா
கொரோனா
பொறியியல் மாணவர்களுக்கான ஆன்லைன் தேர்வுகள்: அரசு இன்னும் எப்படி எளிமையாக்கலாம்? - ஒரு வழிகாட்டல்

பாரதியார் பல்கலைக்கழகத்தில் எம்.பில் மற்றும் பி.ஹெச் படிப்புகளில் நேரடியாகவும், தொலைதூரக் கல்வியாகவும் சுமார் 1,000-க்கும் மேற்பட்டோர் படித்து வருகின்றனர்.

இதுகுறித்து நம்மிடம் பேசிய மாணவர்கள், “தமிழ்நாட்டில் உள்ள மற்ற பல்கலைக்கழகங்களில், அனைத்து படிப்புகளுக்கும் ஆன்லைனில் தேர்வு வைத்து முடித்துவிட்டனர். பாரதியார் பல்கலைக்கழகத்தில் கடந்தாண்டு எங்களுக்கு ஆஃப்லைனில் தான் தேர்வு நடத்தினர். கடந்த ஜூலை 1-ம் தேதி உயர்கல்வித்துறை அமைச்சர் பொன்முடி, அனைத்து பல்கலைக்கழக துணைவேந்தர்களையும் அழைத்து ஆலோசனை நடத்தினார்.

அமைச்சர் பொன்முடி
அமைச்சர் பொன்முடி

அதன்பிறகு செய்தியாளர்களைச் சந்தித்து,' ‘31- ம் தேதிக்குள் தேர்வுகளை ஆன்லைனில் நடத்தி முடிவுகளையும் வெளியிட வேண்டும். ஆகஸ்ட் 1-ம் தேதியில் இருந்து மாணவர் சேர்க்கை நடத்த வேண்டும்’' எனக் கூறியிருந்தார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

அதன்படி, மற்ற பல்கலைக்கழகங்கள் தேர்வை நடத்தி முடிவுகளையும் வெளியிட்டுவிட்டனர். பாரதியார் பல்கலைக்கழகத்தில் மட்டும் எம்.பில் மற்றும் பி.ஹெச் படிப்புகளுக்கான தேர்வு குறித்து எந்த அறிவிப்பும் இல்லை. நாங்கள் கேட்டாலும் பல்கலைக்கழகத்தில் இருந்து முறையான பதில் வருவதில்லை. அமைச்சர் சொல்லியும்கூட அந்த உத்தரவைப் பின்பற்றாமல் இருக்கின்றனர்.

தேர்வு
தேர்வு

அரசே அறிவுறுத்தியும்கூட ஆன்லைனில் தேர்வு நடத்த ஏன் மறுக்கின்றனர்? என தெரியவில்லை. இதனால், மாணவர்கள் மிகுந்த மன அழுத்தத்துக்கு தள்ளப்படுகின்றனர். அரசின் உத்தரவை பாரதியார் பல்கலைக்கழகம் முறையாக பின்பற்றி, எங்களுக்கு ஆன்லைனில் தேர்வு நடத்த வேண்டும்" என்றனர்.

இதுகுறித்து பாரதியார் பல்கலைக்கழக துணைவேந்தர் காளிராஜிடம் கேட்டபோது, “எம்.பில் மற்றும் பி.ஹெச் படிப்புகளுக்கு கடந்தாண்டு தேர்வு நடத்தினோம்.

காளிராஜ்
காளிராஜ்

அந்த முடிவுகளே இப்போது வரை பொருந்தும். விரைவில் தேர்வு குறித்த அறிவிப்பு வெளியாகும்” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு