Published:Updated:

`காய்ச்சல்; கொரோனா பீதி' - சென்னையில் பூட்டிய வீட்டுக்குள் சடலமாக மீட்கப்பட்ட முதிய தம்பதி

தம்பதியினர் குடியிருந்த அடுக்குமாடி குடியிருப்பு
தம்பதியினர் குடியிருந்த அடுக்குமாடி குடியிருப்பு

சென்னை சூளைமேட்டில் உள்ள அடுக்குமாடி குடியிருப்பில் 3-வது தளத்தில் குடியிருந்து வந்த முதிய தம்பதியினர் சடலமாக மீட்கப்பட்டுள்ளனர்.

சென்னை சூளைமேடு சென்ட்ரல் ஸ்கூல் சாலையில் உள்ள ஸ்டெர்லிங் சபாபதி அடுக்குமாடி குடியிருப்பில் 3-வது மாடியில் உள்ள வீட்டிலிருந்து தூர்நாற்றம் வீசுவதாக சூளைமேடு காவல் நிலையத்துக்குத் தகவல் வந்தது. அதன்பேரில் இன்ஸ்பெக்டர் ஆனந்த் தலைமையிலான போலீஸார், சம்பவ இடத்துக்குச் சென்றனர். அப்போது, தூர்நாற்றம் வீசிய வீடு, உள்பக்கமாகப் பூட்டப்பட்டிருந்தது. இதையடுத்து போலீஸார் கதவை உடைத்துக்கொண்டு உள்ளே சென்றனர். வீட்டுக்குள் செல்ல முடியாதளவுக்கு தூர்நாற்றம் வீசியது.

சம்பவம் நடந்த இடம்
சம்பவம் நடந்த இடம்
`பூட்டை உடைக்காமல் பைக் திருட்டு; மெக்கானிக் ஷெட்டாக மாறிய வீடு!' -தடம் மாறிய சென்னை இன்ஜினீயர்

இருப்பினும் உள்ளே சென்று பார்த்தபோது படுக்கையறையில் 2 சடலங்கள் அழுகிய நிலையில் கிடந்தன. அவர்கள் யாரென்று போலீஸார் பக்கத்து வீட்டிலிருந்தவர்களிடம் விசாரித்தபோது, அந்த வீட்டில் குடியிருந்தவர்கள் ஜீவன் (85), அவரின் மனைவி தீபா (82) எனத் தெரியவந்தது. அவர்களுக்குக் கடந்த 10 நாள்களுக்கு முன் காய்ச்சல் இருந்ததாக அக்கம்பக்கத்தில் உள்ளவர்கள் தெரிவித்தனர். அதனால் போலீஸார் உஷராகினார். ஒருவேளை கொரோனா காரணமாக அந்தத் தம்பதியினர் இறந்திருக்கலாம் என்ற சந்தேகத்தின்பேரில் இருவரின் சடலத்தையும் தகுந்த பாதுகாப்புடன் மீட்டனர்.

ஜீவன், தீபாவின் சடலங்கள் பிரேதப் பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைக்கப்பட்டது. சூளைமேடு போலீஸார் வழக்குபதிவு செய்துள்ளனர். சீனியர் சிட்டிசன் தம்பதியான ஜீவன், தீபா எப்படி இறந்தார்கள் என்று போலீஸார் விசாரணை நடத்தி வருகின்றனர். விசாரணையில் ஜீவன், தீபா குறித்த தகவல்கள் வெளியாகின.

சம்பவம் நடந்த இடத்தில் போலீஸ் விசாரணை
சம்பவம் நடந்த இடத்தில் போலீஸ் விசாரணை
``என் கணவர் இறந்துவிட்டார், அய்யா உதவி செய்யுங்கள்"- கண் தெரியாத சென்னை மூதாட்டியின் கண்ணீர்க் கதை

இதுகுறித்து சூளைமேடு போலீஸார் கூறுகையில், ``ஜீவன், தீபா ஆகியோர் கடந்த 15 ஆண்டுகளாக இந்த வீட்டில் குடியிருந்து வருகின்றனர். பக்கத்து வீட்டில் உள்ளவர்களிடம் சகஜமாகப் பழகும் ஜீவன், தீபா தம்பதியினருக்கு குழந்தைகள் இல்லை. ஜீவன், டெய்லரிங் வேலை பார்த்துவந்துள்ளார். பிறகு, ஜவுளி கடையும் நடத்திவந்துள்ளார். அதில் கிடைத்த வருமானத்தில் அடுக்குமாடி குடியிருப்பில் 3-வது தளத்தில் சொந்தமாக வீடு வாங்கி வசித்து வந்துள்ளார்.

கடந்த 10 நாள்களுக்கு முன் இந்தத் தம்பதியினருக்கு காய்ச்சல் இருந்துள்ளது. அதனால் சென்னை மாநகராட்சி சுகாதாரத்துறையினர் வீட்டிற்கு வந்துள்ளனர். கொரோனா பரிசோதனை செய்துகொள்ளும்படி இந்தத் தம்பதியினரிடம் கூறியுள்ளனர். அதற்கு இருவரும் ஒத்துழைப்பு கொடுக்கவில்லை. இந்தச் சமயத்தில்தான் இருவரும் இறந்துள்ளனர்.

`ஒரே கொள்ளை ஒஹோன்னு வாழ்க்கை!’- திருட்டு நகைகளைக் கொடுத்து காதலிகளின் மனதில் இடம்பிடித்த 3 இளைஞர்கள்
சம்பவம் நடந்த இடம்
சம்பவம் நடந்த இடம்

தீபா கட்டிலிலும் ஜீவன் தரையிலும் இறந்துகிடந்தனர். அவர்கள் இறந்து சில நாள்களாகியுள்ளன. பிரேதப் பரிசோதனைக்குப் பிறகுதான் அவர்களின் மரணத்துக்கான காரணம் தெரியவரும். இருவரின் உறவினர்கள் குறித்த தகவல்களைச் சேகரித்து வருகிறோம்" என்றனர்.

சென்னையில் பூட்டிய வீட்டுக்குள் முதிய தம்பதியினர் இறந்து கிடந்த சம்பவம் சோகத்தை ஏற்படுத்தியுள்ளது.

அடுத்த கட்டுரைக்கு