Published:Updated:

தண்ணீரில் மூழ்கிய பாலம்; பரிசலில் சென்று பெண்ணுக்கு பிரசவம் பார்த்த 108 ஆம்புலன்ஸ் ஊழியர்கள்!

108 ஆம்புலன்ஸ் ஊழியர்கள் பரிசல் பயணம்

``காலை 6 மணியளவில் காந்தவயல் மேலூர் பகுதியில் ஒரு பெண்ணுக்கு பிரசவ வலி ஏற்பட்டுள்ளதாகத் தகவல் வந்தது. கடந்த கால அனுபவத்தால் நாங்கள் இரண்டு குழுக்களாகப் பிரிந்துவிட்டோம்." - 108 ஆம்புலன்ஸ் டிரைவர்.

தண்ணீரில் மூழ்கிய பாலம்; பரிசலில் சென்று பெண்ணுக்கு பிரசவம் பார்த்த 108 ஆம்புலன்ஸ் ஊழியர்கள்!

``காலை 6 மணியளவில் காந்தவயல் மேலூர் பகுதியில் ஒரு பெண்ணுக்கு பிரசவ வலி ஏற்பட்டுள்ளதாகத் தகவல் வந்தது. கடந்த கால அனுபவத்தால் நாங்கள் இரண்டு குழுக்களாகப் பிரிந்துவிட்டோம்." - 108 ஆம்புலன்ஸ் டிரைவர்.

Published:Updated:
108 ஆம்புலன்ஸ் ஊழியர்கள் பரிசல் பயணம்

கோவை மாவட்டம் மேட்டுப்பாளையம் அருகே லிங்காபுரம் - காந்தவயல் இடையே ஆற்றின் குறுக்கே பாலம் கட்டப்பட்டது. ஆனால், தண்ணீர் அதிகமாகும் போதெல்லாம் அது மூழ்கிவிடுகிறது. அது போன்ற நேரங்களில் மக்கள் பரிசல் பயணத்தையே நம்பி இருக்கின்றனர். ஆண்டுக்குக் குறைந்தபட்சம் ஐந்து மாதங்களுக்கு மேல் அந்தப் பாலம் தண்ணீருக்குள் மூழ்கிவிடுகிறது.

காந்தவயல் பரிசல் பயணம்
காந்தவயல் பரிசல் பயணம்

இதனால் அடிப்படை பணிகள் தொடங்கி அனைத்துக்கும் மக்கள் பரிசலில்தான் செல்கின்றனர். இந்நிலையில், காந்தவயல் பகுதியில் ஒரு பெண்ணுக்குப் பிரசவ வலி ஏற்பட்டுள்ளது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

உடனடியாக 108 ஆம்புலன்ஸுக்கு தகவல் சொல்லப்பட்டுவிட்டது. ஆனால், காந்தவயல், வனப்பகுதியை ஒட்டி இருக்கிறது. மேட்டுப்பாளையம் நகரப் பகுதியில் இருந்து காட்டு வழியாகச் செல்ல சற்று நேரம் எடுக்கும். ஏற்கெனவே சில ஆண்டுகளுக்கு முன்பு 108 ஆம்புலன்ஸ் ஊழியர்கள் அந்த கிராமத்துக்குச் சென்றபோது, பிரசவம் பார்க்க வேண்டிய சூழல் ஏற்பட்டது.

காந்தவயல் கிராமம்
காந்தவயல் கிராமம்

இந்த முறையும் பிரசவ வலி ஏற்பட்ட பெண்ணுக்கு, 108 ஆம்புலன்ஸ் ஊழியர்கள்தான் வெற்றிகரமாக பிரசவம் பார்த்துள்ளனர்.

108 ஆம்புலன்ஸ் டிரைவர்கள் நந்தகோபால், சுகுமார், அருண்குமார், சுரேஷ் மற்றும் தொழில்நுட்ப உதவியாளர்கள் அஜித், விஜய், மேரி ஆகியோர் அடங்கிய குழுவினர்தான் பிரசவம் பார்த்துள்ளனர். இதுகுறித்து 108 ஆம்புலன்ஸ் டிரைவர் நந்தகோபால் கூறுகையில், ``காலை 6 மணியளவில் காந்தவயல் மேலூர் பகுதியில் ஒரு பெண்ணுக்கு பிரசவ வலி ஏற்பட்டுள்ளதாகத் தகவல் வந்தது.

108 ஆம்புலன்ஸ் ஊழியர்கள் பரிசல் பயணம்
108 ஆம்புலன்ஸ் ஊழியர்கள் பரிசல் பயணம்

கடந்த கால அனுபவத்தால் நாங்கள் இரண்டு குழுக்களாகப் பிரிந்துவிட்டோம். மேட்டுப்பாளையத்தில் இருந்து, ஆம்புலன்ஸ் மூலம் செல்ல 45 நிமிடம் முதல் 1 மணி நேரம் வரை ஆகும்.

இதனால் ஒரு குழு பரிசல் மூலமாகவும், மற்றொரு குழு ஆம்புலன்ஸ் மூலமாகவும் சென்றுவிட்டோம். நாங்கள் சென்றபோது பெண்ணுக்குப் பிரசவ வலி தீவிரமடைந்திருந்தது. தொழில்நுட்ப குழுவினருக்கு பிரசவம் மற்றும் ஆபத்துக்கால கட்டங்களுக்கான பயிற்சி வழங்கப்பட்டுள்ளது. அதனால், வெற்றிகரமாகப் பிரசவம் பார்த்து குழந்தை பிறந்தது.

பிரசவம்
பிரசவம்

இதே காந்தவயல் பகுதியில் நாங்கள் பார்த்துள்ள இரண்டாவது பிரசவம் இது. மேட்டுப்பாளையம் சுற்றுவட்டாரங்களில் இதுவரை 12 பிரசவங்களை 108 ஆம்புலன்ஸ் ஊழியர்கள் செய்துள்ளோம்.

பிரசவமானதும் குழந்தையை மட்டும் பரிசல் மூலம் உடனடியாக சென்று அருகில் உள்ள ஆரம்ப சுகாதார நிலையத்தில் அனுமதித்துவிட்டோம்.

பிறந்த குழந்தையுடன் 108 ஆம்புலன்ஸ் ஊழியர்கள் பரிசல் பயணம்
பிறந்த குழந்தையுடன் 108 ஆம்புலன்ஸ் ஊழியர்கள் பரிசல் பயணம்

அந்தப் பெண்ணை ஆம்புலன்ஸ் மூலம், மேல் சிகிச்சைக்காக மேட்டுப்பாளையம் அரசு மருத்துவமனையில் அனுமதித்துள்ளோம். இருவரும் நலமாக உள்ளனர்” என்றார்.