Published:Updated:

` காவல் நிலையத்திலேயே வளைகாப்பு!' -கரூர் பெண் காவலருக்கு சர்ப்ரைஸ் கொடுத்த ஆய்வாளர்

மலர்விழிக்கு வளைகாப்பு நடத்தும் போலீஸார்

கிருஷ்ணகிரியில் பணியாற்றியபோது, அங்கே டி.எஸ்.பி-யாக இருந்த பழனி என்பவர், எனக்கு வளைகாப்பு விழா நடத்தினார். அதைத்தான் நாங்கள் இப்போது மலர்விழிக்கு செய்திருக்கிறோம்.

` காவல் நிலையத்திலேயே வளைகாப்பு!' -கரூர் பெண் காவலருக்கு சர்ப்ரைஸ் கொடுத்த ஆய்வாளர்

கிருஷ்ணகிரியில் பணியாற்றியபோது, அங்கே டி.எஸ்.பி-யாக இருந்த பழனி என்பவர், எனக்கு வளைகாப்பு விழா நடத்தினார். அதைத்தான் நாங்கள் இப்போது மலர்விழிக்கு செய்திருக்கிறோம்.

Published:Updated:
மலர்விழிக்கு வளைகாப்பு நடத்தும் போலீஸார்

கடுமைக்கும் கண்டிப்புக்கும் அடையாளமாக இருப்பவர்கள் காவலர்கள். அப்படிப்பட்டவர்கள், தங்களோடு பணியாற்றும் ஓர் முதல்நிலை பெண் காவலருக்கு சர்ப்ரைஸாகக் காவல் நிலையத்திலேயே வளைகாப்பு நிகழ்ச்சி நடத்தி நெகிழ வைத்திருக்கிறார்கள்.

மலர்விழிக்கு வளைகாப்பு நடத்தும் போலீஸார்
மலர்விழிக்கு வளைகாப்பு நடத்தும் போலீஸார்

கரூர் மாவட்டம், கடவூர் ஒன்றியத்தில் இருக்கிறது பாலவிடுதி. இங்குள்ள காவல் நிலையத்தில் ஆய்வாளராகப் பணியாற்றி வருகிறார் அன்னம். புகார் கொடுக்க வரும் பொதுமக்களைக் கனிவுடன் அணுகி பிரச்னைகளுக்குக் காது கொடுப்பவர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்தக் காவல் நிலையத்தில், முதல் நிலை பெண் காவலராகப் பணியாற்றி வருகிறார் மலர்விழி. இவர் தற்போது நிறைமாதக் கர்ப்பிணியாக இருக்கிறார். இவருக்கு விரைவில் வளைகாப்பு நிகழ்ச்சி நடத்த, அவரின் உறவினர்கள் முடிவு செய்துள்ளனர்.

இந்த நிலையில், பாலவிடுதி காவல்நிலையத்தில் பணிக்கு வந்த மலர்விழிக்கு ஆய்வாளர் அன்னம் ஏற்பாட்டில் சர்ப்ரைஸாக வளைகாப்பு நடத்தப்பட்டது. இதனை எதிர்பார்க்காமல் மகிழ்ச்சியில் திக்குமுக்காடிப் போனார் மலர்விழி. காவல் நிலையத்திலேயே வைத்து, மலர்விழிக்குப் புதுப் புடவை, பழங்கள், பூ, வளையல்கள், சந்தனம், குங்குமம் வழங்கி முறைப்படி வளைகாப்பு நடத்தப்பட்டது.

மலர்விழிக்கு வளைகாப்பு நடத்தும் போலீஸார்
மலர்விழிக்கு வளைகாப்பு நடத்தும் போலீஸார்

சக காவலர்களின் அன்பால் நெகிழ்ந்துபோன மலர்விழி, ``இதை உயிர் உள்ள வரைக்கும் மறக்க மாட்டேன்" என்று ஆனந்தக் கண்ணீர் வடித்தார்.

இந்த நிகழ்ச்சி சம்பவம் குறித்துப் பேசிய ஆய்வாளர் அன்னம், ``பொதுவா, எங்க காவல்நிலையத்தில ஈகோ பிரச்னையே இருக்காது. எல்லோரும் அவரவர் வேலையை ஈடுபாட்டோட செய்வாங்க. கடந்த வருடம், ஆகஸ்ட் மாதம்தான் இந்தக் காவல் நிலையத்துக்கு பணிக்கு வந்தேன். மலர்விழி மிகச்சிறப்பாக பணியாற்றக்கூடிய காவலர். அவருக்கு வளைகாப்பு நிகழ்ச்சி நடத்தினா என்னன்னு தோணுச்சு.

மலர்விழிக்கு வளைகாப்பு நடத்தும் அன்னம்
மலர்விழிக்கு வளைகாப்பு நடத்தும் அன்னம்
நா.ராஜமுருகன்

உடனே, சக காவலர்களிடம் பேசி சஸ்பென்ஸாக, மலர்விழி காவல் நிலையத்துக்கு வந்ததும், அவருக்கு இன்ப அதிர்ச்சி கொடுக்கும்விதமா, வளைகாப்பு நிகழ்ச்சியை நடத்தினோம். அவரும் நெகிழ்ச்சியில் கண்கலங்கிட்டார். கிருஷ்ணகிரியில் 2007-ம் ஆண்டு பணியாற்றியபோது, நான் கருவுற்றிருந்தேன். அப்போது அங்கே டி.எஸ்.பி-யாக இருந்த பழனி என்பவர், எனக்கு வளைகாப்பு விழா நடத்தினார். அதைத்தான் நாங்கள் இப்போது மலர்விழிக்கு செய்திருக்கிறோம்" என்றார் உற்சாகமாக.