Published:Updated:

`அதிமுக-வில் தனிமனித துதி பாடலுக்கு இடமில்லை' - கட்சியினருக்கு ஓபிஎஸ், இபிஎஸ் எச்சரிக்கைக் கடிதம்! #NowAtVikatan

ஓ.பன்னீர்செல்வம், எடப்பாடி பழனிசாமி
ஓ.பன்னீர்செல்வம், எடப்பாடி பழனிசாமி

live updates - 23/5/2021

23 May 2021 9 PM

காங்கிரஸ் சட்டமன்றத் தலைவர் செல்வப்பெருந்தகை

காங்கிரஸ் கட்சியின் சட்டமன்ற தலைவராக ஶ்ரீபெரும்புதூர் எம்.எல.ஏ செல்வப்பெருந்தகை தேர்வு செய்யப்பட்டிருக்கிறார்.

செல்வப்பெருந்தகை - காங்கிரஸ் எம்.எல்.ஏ
செல்வப்பெருந்தகை - காங்கிரஸ் எம்.எல்.ஏ
23 May 2021 6 PM

காங்கோவில் எரிமலை வெடிப்பு!

காங்கோ நாட்டில் உள்ள நியாராகோங்கோ எரிமலை சனிக்கிழமை முதல் நெருப்புக் குழம்பைக் கக்கத் தொடங்கியிருக்கிறது. கோமா என்ற நகரின் அருகில் இருக்கிறது இந்த எரிமலை. நகரை நோக்கி எரிமலை நெருப்பைக் கக்கி வருவதால், நகரில் வசிக்கும் மக்கள், ஐ.நா அதிகாரிகள், அரசு உடமைகள் பத்திரமாக அப்புறப்படுத்தும் பணிகள் முழு வீச்சில் நடந்து வருகிறது. இந்திய அமைதிப் படை இப்பணியில் ஈடுபட்டுள்ளது குறிப்பிடத்தக்கது.

எரிமலை
எரிமலை
23 May 2021 6 PM

அ.தி.மு.க தொண்டர்களுக்கு கட்டமான கடிதம்

அ.தி.மு.க-வின் சட்ட திட்டங்களுக்கு எதிராகவும், லட்சியங்களுக்கு விரோதமாகவும் செயல்படும் யாராக இருந்தாலும் தயவு தாட்சன்யமின்றி நடவடிக்கை எடுக்கப்படும் என அ.தி.மு.க ஒருங்கிணைப்பாளர்கள் இ.பி.எஸ், ஓ.பி.எஸ் எச்சரித்துள்ளனர்.

அவர்கள் வெளியிட்டுள்ள அறிக்கையில்,`` அ.தி.மு.க அடுத்து மேற்கொள்ளவிருக்கும் அரசியல் பயணம் குறித்தும் கழக நிர்வாக நிலைப்பாடுகள் பற்றி விமர்சித்தும் வெகுஜன ஊடகங்களிலோ சமூக வலைதளங்களிலோ எதிலும் கழகப் பொறுப்பாளர்கள்/கழகத்தவர் யாரும் எத்தகைய கருத்துப் பரிமாற்றங்களிலும் ஈடுபடக்கூடாது." என தெரிவித்துள்ளனர். மேலும், தனிமனித துதிபாடல்கள் கூடாது என்றும் எம்.ஜி.ஆர் மற்றும் ஜெயலலிதாவும் தான் `நமது தலைவர்கள்' என்றும் அதில் தெரிவித்துள்ளனர்.

23 May 2021 11 AM

 தளர்வுகளற்ற ஊரடங்கை நடைமுறைப்படுத்துவது தொடர்பாக முதல்வர் ஆலோசனை!

Tamilnadu Chief minister MK Stalin
Tamilnadu Chief minister MK Stalin

தளர்வுகளற்ற ஊரடங்கை நடைமுறைப்படுத்துவது தொடர்பாக மாவட்ட ஆட்சியர்களுடன் முதல்வர் ஸ்டாலின் காணொலி வாயிலாக ஆலோசனை. சென்னை தலைமை செயலகத்தில் இருந்து அனைத்து மாவட்ட ஆட்சியர்களுடன் காணொலி வாயிலான ஆலோசனையில் ஈடுபட்டுள்ளார். இந்த ஆலோசனைக் கூட்டத்தில் தலைமை செயலாளர்கள் உட்பட உயரதிகாரிகளும் கலந்து கொண்டுள்ளனர்.இந்த ஆலோசனைக் கூட்டத்தில் தலைமை செயலாளர்கள் உட்பட உயரதிகாரிகளும் கலந்து கொண்டுள்ளனர்.

அடுத்த கட்டுரைக்கு