Published:Updated:

அலங்காநல்லூர் ஜல்லிக்கட்டு: முதல் பரிசு வழங்க இடைக்கால தடை! - ஆட்சியர் பதிலளிக்க நீதிமன்றம் உத்தரவு

ஜல்லிக்கட்டு

அலங்காநல்லூர் ஜல்லிக்கட்டில் முதல் பரிசு பெற்ற கண்ணனுக்கு பரிசு வழங்க இடைக்கால தடை விதித்தும், வழக்கு குறித்து மதுரை மாவட்ட ஆட்சியர் பதிலளிக்கவும் உயர் நீதிமன்ற மதுரைக் கிளை உத்தரவு.

அலங்காநல்லூர் ஜல்லிக்கட்டு: முதல் பரிசு வழங்க இடைக்கால தடை! - ஆட்சியர் பதிலளிக்க நீதிமன்றம் உத்தரவு

அலங்காநல்லூர் ஜல்லிக்கட்டில் முதல் பரிசு பெற்ற கண்ணனுக்கு பரிசு வழங்க இடைக்கால தடை விதித்தும், வழக்கு குறித்து மதுரை மாவட்ட ஆட்சியர் பதிலளிக்கவும் உயர் நீதிமன்ற மதுரைக் கிளை உத்தரவு.

Published:Updated:
ஜல்லிக்கட்டு

தமிழகத்தில் நடைபெற்ற ஜல்லிக்கட்டுப் போராட்டத்துக்குப் பிறகு பொங்கல் பண்டிகையை ஒட்டி நடைபெறும் ஜல்லிக்கட்டுப் போட்டிகள் அதிவிமர்சையாக நடைபெற்றுவருகின்றன. இந்த ஆண்டு உலகப் புகழ்பெற்ற அவனியாபுரம், பாலமேடு, அலங்காநல்லூர் ஜல்லிக்கட்டுகளும் சிறப்பாக முடிவடைந்தன.

அலங்காநல்லூர் ஜல்லிக்கட்டைத் தொடங்கி வைத்தபோது...
அலங்காநல்லூர் ஜல்லிக்கட்டைத் தொடங்கி வைத்தபோது...

அவனியாபுரம் ஜல்லிக்கட்டில் காங்கிரஸ் கட்சியின் முன்னாள் தலைவர் ராகுல் காந்தி, புதுச்சேரி முதல்வர் நாராயணசாமி, தி.மு.க-வின் உதயநிதி ஸ்டாலின் உள்ளிட்டோர் பங்கேற்றனர். அலங்காநல்லூர் ஜல்லிக்கட்டில் தமிழக முதல்வர் எடப்பாடி பழனிசாமியும், துணை முதல்வர் பன்னீர்செல்வமும் கலந்துகொண்டனர்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

இந்தநிலையில் அலங்காநல்லூர் ஜல்லிக்கட்டுப் போட்டியில் முதல் பரிசு வென்ற நபருக்கு, தமிழக முதல்வர் மதுரையில் கார் பரிசு வழங்கவிருக்கும் நிலையில், அதற்கு இடைக்கால தடை விதித்து உயர் நீதிமன்ற மதுரைக் கிளை உத்தரவிட்டிருக்கிறது.

மதுரையைச் சேர்ந்த கருப்பண்ணன் என்பவர் உயர் நீதிமன்ற மதுரைக் கிளையில் மனு ஒன்றை அளித்தார் அதில், ``இந்த ஆண்டு கடந்த 16-ம் தேதி அலங்காநல்லூரில் நடைபெற்ற ஜல்லிக்கட்டுப் போட்டியில் அதிக எண்ணிக்கையில் காளைகளை அடக்கும் வீரருக்கு முதல் பரிசாக கார் வழங்கப்பட்டது, இரண்டாவது பரிசாக இரண்டு பசு மாடுகள் வழங்கப்பட்டன. மூன்றாவது பரிசாக தங்க நாணயம் வழங்கப்பட்டது.

கண்ணன்
கண்ணன்

இப்போட்டியில் 33-ம் எண் பனியன் அணிந்த கண்ணன் என்பவர் முதல் பரிசைப் பெற்றார். ஆனால் 33-வது பனியன் அணிந்த ஹரி கிருஷ்ணன் என்பவர் முதல் சுற்றில் கையில் காயம் ஏற்பட்டு சிகிச்சைக்காக அனுப்பிவைக்கப்பட்டார். அவரது 33-வது நம்பர் பனியனை சட்டவிரோதமாக கொரோனா நோய்த்தொற்று பரிசோதனை செய்யாமல் கண்ணன் என்பவர் அணிந்துகொண்டு ஜல்லிக்கட்டுப் போட்டியில் கலந்துகொண்டிருக்கிறார். மேலும், கண்ணன் என்பவருக்கு 30.01.2021-ம் தேதி (இன்று) முதல் பரிசான காரை தமிழக முதல்வர் கே.பழனிசாமி வழங்கவிருக்கிறார்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

நடைபெற்ற முறைகேடு குறித்து பல்வேறு அதிகாரிகளுக்குப் புகார் அளித்தும் எந்த ஒரு முன்னேற்றம் இல்லை. அலங்காநல்லூர் ஜல்லிக்கட்டுப் போட்டிக்கான முதல் பரிசை வழங்க இடைக்காலத் தடை விதிக்கவும், முறையான விசாரணை மேற்கொண்டு அலங்காநல்லூர் ஜல்லிக்கட்டு முதல் பரிசைவழங்க வேண்டும் எனவும் தனது மனுவில் கூறியிருந்தார்.

ஜல்லிக்கட்டு போட்டி
ஜல்லிக்கட்டு போட்டி

இந்த மனு நீதிபதி ஜி.ஆர்.ஸ்வாமிநாதன் முன்பு விசாரணைக்கு வந்தபோது மனுதாரர் தரப்பில் பனியன்களை மாற்றி இரண்டு பேர் இணைந்து 12 காளைகள் பிடிக்கப்பட்டதாக தகவல் தெரிவிக்கப்பட்டது. இதைத் தொடர்ந்து அலங்காநல்லூர் ஜல்லிக்கட்டில் முதல் பரிசு பெற்ற கண்ணனுக்கு பரிசு வழங்க இடைக்கால தடை விதித்து, உயர் நீதிமன்ற மதுரைக் கிளை உத்தரவு பிறப்பித்தது. மேலும், வழக்கு குறித்து மதுரை கலெக்டர் பதிலளிக்க உயர் நீதிமன்ற மதுரைக் கிளை உத்தரவிட்டிருக்கிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism