Published:Updated:

ஊரடங்கால் வாடிய தொழிலாளர்கள்! - மகளுக்கான சேமிப்பை எடுத்து உதவிய மதுரை சலூன் கடைக்காரர்

மக்களுக்கு உதவும் மோகன்
மக்களுக்கு உதவும் மோகன் ( ஈ.ஜெ.நந்தகுமார் )

மதுரை மக்கள் பாராட்டும் நெகிழ்ச்சி சம்பவம்.

போதிய வருமானம் இல்லாமல் அவதிப்பட்டுவந்த தொழிலாளர்களுக்கு, தன் பிள்ளைகளின் எதிர்காலத்துக்காக சேர்த்துவைத்த பணத்திலிருந்து சலூன் கடைக்காரர் ஒருவர் உதவிய சம்பவம் மதுரையில் நடந்திருக்கிறது. தொழிலாளர்கள் 500 பேருக்கு அவர் உதவிய சம்பவம் நெகிழ்ச்சியை ஏற்படுத்தியுள்ளது.

உதவி பெற்ற மக்கள்
உதவி பெற்ற மக்கள்
ஈ.ஜெ.நந்தகுமார்

மதுரை மாநகராட்சிக்குட்பட்ட மேலமடைப் பகுதி, கொரோனா கட்டுப்பாட்டுப் பகுதியாக அறிவிக்கப்பட்டுள்ளது. அப்பகுதியில், சுமார் நூற்றுக்கும் மேற்பட்ட கூலித் தொழிலாளர்கள் வசித்து வருகிறார்கள். வேலைக்குச் செல்ல முடியாமல் 10 நாள்களுக்கும் மேல் வீடுகளில் முடங்கிக்கிடப்பதால், வருமானம் இன்றி அத்தியாவசியப் பொருள்கள் இல்லாமல் சிரமப்பட்டுவந்துள்ளனர்.

அவர்களின் கஷ்டத்தைப் பார்த்து மனம் வேதனை அடைந்த அப்பகுதியில் சலூன் கடை நடத்தி வந்த மோகன், கஷ்டப்படும் மக்களுக்கு உதவி செய்ய நினைத்தார்.

மக்களுக்கு உதவும் மோகன்
மக்களுக்கு உதவும் மோகன்
ஈ.ஜெ.நந்தகுமார்

யாரிடமும் இதற்காக உதவி கேட்காமல், தன் சொந்தப் பணத்தில் 500 குடும்பங்களுக்குத் தேவையான அரிசி, பருப்பு, காய்கறி உட்பட அத்தியாவசிய பொருள்களுடன், சிறப்புத் தொகுப்பு வழங்க திட்டமிட்டு, காவல்துறை அதிகாரிகள் முன்னிலையில் மக்களுக்கு வழங்கினார். இப்படி ஒரு உதவியை எதிர்பாராத அப்பகுதி மக்கள், நெகிழ்ந்துபோனார்கள்.

ஊரடங்கால் தன் சலூன் கடை மூடப்பட்டு, வருமானம் இல்லாத நிலையிலும் தான் தொழில் செய்யும் பகுதியில் வசிக்கும் மக்கள் படும் கஷ்டத்தைப் பார்த்து பொறுக்க முடியாமல், மனம் வெதும்பியிருக்கிறார் மோகன். இதனால், தன் பெண் குழந்தையின் எதிர்காலத்துக்காக சேமித்துவைத்திருந்த பணத்தை எடுத்து மக்களுக்கு உதவியுள்ளார் அவர்.

உதவி வழங்குதல்
உதவி வழங்குதல்
ஈ.ஜெ.நந்தகுமார்

இதை கேள்விப்பட்ட மதுரை மக்கள், சலூன் கடைக்காரர் மோகனின் பரந்த மனதைப் பாராட்டிவருகிறார்கள்.

அடுத்த கட்டுரைக்கு