Published:Updated:

சென்னை: `வீடுகளை அகற்ற எதிர்ப்பு’ - கூவம் ஆற்றில் இறங்கி மக்கள் போராட்டம்

கூவம் ஆற்றில் இறங்கி போராடும் மக்கள்
News
கூவம் ஆற்றில் இறங்கி போராடும் மக்கள் ( கே.ஜெரோம் )

கூவம் ஆற்றங்கரையோரம் உள்ள வீடுகளை அகற்ற எதிர்ப்பு தெரிவித்து அந்தப் பகுதி மக்கள் கூவம் ஆற்றில் இறங்கிப் போராட்டம் நடத்திவருகிறார்கள்.

சென்னை தீவுத்திடல் அருகேயுள்ள சத்தியவாணி நகரில், கூவம் ஆற்றங்கரை ஓரம் உள்ள வீடுகளை ஆக்கிரமிப்பில் இருப்பதாகச் சொல்லி காலி செய்ய பொதுப்பணித்துறை சார்பில் கடந்த 2019-ம் ஆண்டு நோட்டீஸ் கொடுக்கப்பட்டிருந்தது.

ஆக்கிரமிப்பு அகற்றம்
ஆக்கிரமிப்பு அகற்றம்

அங்கு வசித்து வந்தவர்களுக்கு சென்னை பெரும்பாக்கத்திலுள்ள குடிசை மாற்று வாரியத்தில் வீடுகள் ஒதுக்கப்பட்டிருந்தன. இதையடுத்து, சத்தியவாணி நகரிலுள்ள வீடுகளை இடிக்கும் பணியில் பொதுப்பணித்துறையினர் ஈடுபட்டனர்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பெரும்பாலானோர் வீடுகளைக் காலிசெய்து பெரும்பாக்கம் சென்றிருந்த நிலையில், அந்தப் பகுதியிலிருந்த 350 குடும்பங்கள் மட்டும் குழந்தைகளின் கல்வி, வேலை மற்றும் கொரோனா பேரிடர் போன்ற காரணங்களுக்காக காலிசெய்யாமல் இருந்துவந்தன.

பொதுப்பணித்துறை சார்பில் அவர்களுக்குக் கொடுக்கப்பட்ட காலக்கெடு முடிவடைந்த நிலையில். இன்று அந்த வீடுகளை இடிக்க அரசுத்தரப்பு அங்கு சென்றது. அப்போது தங்கள் வீடுகளை இடிக்க எதிர்ப்பு தெரிவித்து. அருகிலுள்ள கூவம் ஆற்றில் இறங்கி இருபதுக்கும் மேற்பட்டவர்கள் போராட்டத்தில் ஈடுபட்டனர்.

ஆக்கிரமிப்புகளை அகற்றும் அதிகாரிகள்
ஆக்கிரமிப்புகளை அகற்றும் அதிகாரிகள்
கே.ஜெரோம்

போராட்டத்தில் ஈடுபட்டவர்களோடு, மாநகராட்சி அதிகாரிகள், பொதுப்பணித்துறை அதிகாரிகள் பேச்சுவார்த்தை நடத்தியும் ஆற்றில் இறங்கியவர்கள் இரண்டு மணி நேரத்துக்கும் மேலாக வெளியில் வரவில்லை. அங்கு பதற்றமான சூழ்நிலை நிலவியதால், காவல்துறையினர் குவிக்கப்பட்டுள்ளனர். அதோடு, தீயணைப்புத்துறையினரும் வரவழைக்கப்பட்டுள்ளனர்.