Published:Updated:

கோவைச் சிறுவன்-எஸ்ஐ மோதல்: `2 வார அவகாசம்' -கமிஷனருக்கு நோட்டீஸ் அனுப்பிய ஆணையம்

கோவை சிறுவன்- போலீஸ் எஸ்ஐ மோதல்
கோவை சிறுவன்- போலீஸ் எஸ்ஐ மோதல்

கோவையில் 16 வயது சிறுவனை எஸ்.ஐ தாக்கிய விவகாரத்தில், கோவை மாநகர காவல் ஆணையர் பதிலளிக்க மாநில மனித உரிமைகள் ஆணையம் நோட்டீஸ் அனுப்பியுள்ளது.

தூத்துக்குடி மாவட்டம் சாத்தான்குளம், கோவை ரத்தினபுரி என்று அடுத்தடுத்து காவல்துறையின் கறுப்புப் பக்கங்கள் வெளியாகி அதிர்ச்சியை ஏற்படுத்திக்கொண்டிருக்கின்றன.

கோவை ரத்தினபுரி சாஸ்திரி வீதி பகுதியில், ஒரு தம்பதியினர் தள்ளுவண்டிக் கடை நடத்திவருகின்றனர். கடந்த 17-ம் தேதி இரவு 9 மணிக்கு, அங்கு போலீஸார் ரோந்துப் பணியில் இருந்தபோது, அந்த தள்ளுவண்டிக் கடையை மூடச் சொல்லியுள்ளனர்.

சிறுவன் போலீஸ்
சிறுவன் போலீஸ்
`போலீஸ் வேலை டு கொலை வழக்கு..!’- கோவை சிறுமி பாலியல் வழக்கில் தேடப்படும் மணிகண்டனின் பின்னணி

இதுதொடர்பாக, போலீஸாருக்கும் அந்தத் தம்பதிக்கும் வாக்குவாதம் ஏற்பட்டது. ஆத்திரமடைந்த போலீஸ் எஸ்.ஐ செல்லமணி, அவர்களை ஒருமையில் திட்டி, சம்பவத்தை வீடியோ எடுத்த போனையும் பிடுங்கியுள்ளார்.

இதனால் கோபமடைந்த அந்தத் தம்பதியின் 16 வயது மகன், எஸ்ஐ செல்லமணி கிளம்பும்போது, அவரது பைக் சாவியைப் பறித்துள்ளார். இதில், இன்னும் ஆத்திரமடைந்த செல்லமணி பைக்கில் இருந்து இறங்கி, அந்தச் சிறுவனை சரமாரியாகத் தாக்கியுள்ளார். அருகில் இருந்த மற்றொரு போலீஸ் அதிகாரியும், சிறுவனை லத்தியால் தாக்கியுள்ளார்.

சிறுவன் போலீஸ்
சிறுவன் போலீஸ்

என்ன செய்வதென்று தெரியாமல் தவித்த சிறுவனின் பெற்றோர், போலீஸிடமிருந்து தம் மகனை பாதுகாக்க, கதறியழுது பாசப் போராட்டத்தில் ஈடுபட்டனர். பிறகு, போலீஸார் அந்தச் சிறுவனை ஜீப்பில் ஏற்றி காவல்நிலையத்துக்கு அழைத்துச் சென்றனர். இதுதொடர்பாக, சிறுவனின் தந்தை மீது வழக்குப்பதிவும் செய்யப்பட்டது.

இந்த வீடியோ வைரலாகி, போலீஸாருக்கு கடும் கண்டனங்கள் எழுந்தன. இந்நிலையில், இந்த விவகாரம் தொடர்பாக, கோவை மாநகர காவல் ஆணையர் பதிலளிக்க மாநில மனித உரிமைகள் ஆணையம் நோட்டீஸ் அனுப்பியுள்ளது.

நோட்டீஸ்
நோட்டீஸ்

அதில், “16 வயது சிறுவனை போலீஸ் தாக்கிய விவகாரத்தில், ஆணையத்துக்கு இரண்டு வாரங்களுக்குள் பதிலளிக்க வேண்டும். உங்களது பதிலை தபால் மூலம் தவறாமல் தெரிவிக்க வேண்டும். இதில், ஏதாவது தவறு நடந்தால் ஆணையம் தகுந்த நடவடிக்கைகளை எடுக்கும்” என்று கூறப்பட்டுள்ளது.

`போலீஸுக்கு ஏன் இவ்வளவு கோபம்?' - வைரலான கோவைச் சிறுவன்-எஸ்.ஐ மோதல்
அடுத்த கட்டுரைக்கு