Published:Updated:

`மருத்துவ உதவிக்காகப் போராடும் ஏழைச் சிறுவன்!’ - உதவிக்கரம் நீட்டிய வேலூர் விஜய் மக்கள் இயக்கம்

உதவிய விஜய் மக்கள் இயக்க நிர்வாகிகள்

இரண்டு சிறுநீரகங்களும் செயலிழந்துபோன ஏழைச் சிறுவனின் அறுவை சிகிச்சைக்காக வேலூர் மாவட்ட விஜய் மக்கள் இயக்கம் சார்பில் ஒரு லட்சம் ரூபாய் வழங்கப்பட்டிருக்கிறது.

`மருத்துவ உதவிக்காகப் போராடும் ஏழைச் சிறுவன்!’ - உதவிக்கரம் நீட்டிய வேலூர் விஜய் மக்கள் இயக்கம்

இரண்டு சிறுநீரகங்களும் செயலிழந்துபோன ஏழைச் சிறுவனின் அறுவை சிகிச்சைக்காக வேலூர் மாவட்ட விஜய் மக்கள் இயக்கம் சார்பில் ஒரு லட்சம் ரூபாய் வழங்கப்பட்டிருக்கிறது.

Published:Updated:
உதவிய விஜய் மக்கள் இயக்க நிர்வாகிகள்

வேலூர், சலவன்பேட்டை காரிய மண்டபப் பகுதியைச் சேர்ந்தவர் சரவணன். இவரின் மனைவி கலா. இவர்களின் 18 வயது மகன் ரவீந்தர், நாள்பட்ட சிறுநீரக நோயால் பாதிக்கப்பட்டிருக்கிறார். நோயின் தாக்கம் தீவிரமடைந்திருப்பதால், ரவீந்தரின் இரண்டு சிறுநீரகங்களும் செயலிழந்துவிட்டதாகக் கூறப்படுகிறது. வேலூரிலுள்ள சி.எம்.சி தனியார் மருத்துவமனையில் சிறுவன் ரவீந்தருக்கு இதுநாள் வரை 30 முறைக்குமேல் டயாலிசிஸ் சிகிச்சை செய்யப்பட்டிருக்கிறது.

இந்தநிலையில், ``சிறுநீரக மாற்று அறுவை சிகிச்சை செய்தால் மட்டுமே ரவீந்தர் உயிர் பிழைக்க முடியும். அதற்காக 12 லட்ச ரூபாய் வரை மருத்துவச் செலவு ஆகும்’’ என்று மருத்துவமனை நிர்வாகம் கூறியிருக்கிறது.

சிறுவன் ரவீந்தர்
சிறுவன் ரவீந்தர்

``நானே அன்றாடங்காய்ச்சி... அவ்வளவு பணத்துக்கு எங்கே போவேன்... சின்னதாக டிபன் கடைவெச்சிருந்தேன். கொரோனா லாக்டௌனால கடையை மூட வேண்டிய நிர்பந்தம் ஏற்பட்டிருச்சு. அந்தத் தொழிலை மீண்டும் நடத்த முடியலை. கடந்த ரெண்டு மாசத்துல மட்டும் 4 லட்ச ரூபாய்க்கு மேல மருத்துவச் செலவு பண்ணிட்டேன். வாங்கின கடனுக்கு வட்டியே கட்ட முடியலை. யாராவது உதவி பண்ணி... என் புள்ளைய உயிரோட காப்பாத்திக் கொடுங்க சாமி. அவனுக்காகத்தான் இந்த உசுரையே வெச்சிருக்கேன்’’ என்று கதறி அழுத சிறுவனுடைய தந்தையின் மனவலியை முதன்முதலில் பதிவுசெய்தது விகடன்.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

கடந்த செப்டம்பர் மாதம் 24-ம் தேதி, ``என் புள்ளையக் காப்பாத்திக் கொடுங்க! -சிகிச்சைக்கு உதவி கேட்கும் தந்தையின் பரிதாபம்’’ என்ற தலைப்பில் சிறுவன் ரவீந்தரின் உடல்நிலை குறித்து விகடன் இணையத்தில் விரிவான செய்தியை வெளியிட்டிருந்தோம். இதையடுத்து, விகடன் வாசகர்கள் பலர் சிறுவனின் மருத்துவ உதவிக்குத் தங்களால் முடிந்த பண உதவியை செய்தனர்.

உதவிய விஜய் மக்கள் இயக்க நிர்வாகிகள்
உதவிய விஜய் மக்கள் இயக்க நிர்வாகிகள்

இந்தநிலையில், வேலூர் மாவட்ட விஜய் மக்கள் இயக்கம் சார்பிலும் ரவீந்தரின் மருத்துவச் செலவுக்காக ஒரு லட்சம் ரூபாய் வழங்கப்பட்டிருக்கிறது. இந்தத் தொகையை சிறுவனின் குடும்பத்தினரை நேரில் சந்தித்து விஜய் மக்கள் இயக்க மாவட்டத் தலைவர் ஆர்.வேல்முருகன் வழங்கினார். மேலும், நிதி திரட்டி தேவையான உதவிகளைச் செய்வதாகவும் வேல்முருகன் கூறினார். ஒரு லட்சம் ரூபாயை பெற்றுக்கொண்ட சிறுவன் ரவீந்தரின் பெற்றோர் விஜய் மக்கள் இயக்க நிர்வாகிகளுக்குக் கண்ணீர்மல்க நன்றி தெரிவித்துக்கொண்டனர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism