Published:Updated:

விகடன் TV: சீரியலுக்கு பொங்கல் லீவு!

சினிமாவுல நிறைய வாய்ப்புகள் வரும்னு போன வருஷம் தொடக்கத்துல நம்பினேன். ஆனா, கொரோனா வந்து மொத்த சினிமா உலகத்தையும் முடக்கிப் போட்டுடுச்சு. இந்த வருஷமும் நம்பறேன்.

பிரீமியம் ஸ்டோரி
சீரியல் ஒன்றிற்கு ‘இரண்டு வாரங்கள் விடுமுறை’ என்பது `இந்தியத் தொலைக்காட்சி வரலாற்றில் முதல்முறை’ என்றுகூடச் சொல்லலாம். விஜய் டிவியில் ஒளிபரப்பாகி வந்த ‘தேன்மொழி பி.ஏ.’ சீரியல் கடந்த இரு தினங்களாக ஒளிபரப்பாகவில்லை.

சேனலிலிருந்து இதுகுறித்து அறிவிப்பும் முறையாக வெளியிடப்படாததால், ‘அட, நல்லா போயிட்டிருந்த சீரியலை திடுதிப்னு முடிச்சுட்டீங்களா’ என சமூக வலைதளங்களில் சிலர் ஆதங்கப்பட, வேறு சிலரோ, ‘‘டி.ஆர்.பி கிடைச்சிருக்காது; அதனால சத்தமில்லாம முடிச்சுட்டாங்கப்பா’’ எனத் தங்கள் இஷ்டத்துக்குத் தகவல் பரப்பத் தொடங்கினர்.

``என்னதான் நடந்தது?’’ தொடரின் ஹீரோயின் ஜாக்குலினிடமே பேசினோம்.

‘‘அத ஏன் கேக்கறீங்க! சமூக வலைதளங்கள்ல வெளியான தகவல்களைப் பார்த்துட்டு துக்கம் விசாரிக்கற மாதிரி நிறைய பேர் கேட்டுட்டாங்க. நான் வேற ஆங்கரிங்ல இருந்து முதல்முறையா சீரியலுக்கு வந்திருக்கேனா, ‘முதல் சீரியலே பாதியில முடியுதா’ன்னு அநியாயத்துக்கு ‘உச்’ கொட்டறாங்க. அவங்களுக்கு மட்டுமல்ல, எல்லாருக்கும் சொல்றேன், ‘தேன்மொழி பி.ஏ.’ சீரியல் முடியலை. ரசிகர்கள் ஆதரவால நல்லபடியாகவே போயிட்டிருக்கு. சேனல்ல சில நிர்வாகக் காரணங்களுக்காக சில சீரியல்களின் ஒளிபரப்பு நேரத்தை மாத்தினாங்க. அந்த மாற்றத்துல எங்க சீரியல் ஒளிபரப்பாகிற ஸ்லாட் இன்னொரு ஷோவுக்குப் போயிடுச்சு. ரெண்டு வாரத்துல அந்த ஷோ முடிஞ்சதும், தேன்மொழி வந்திடுவா. பொங்கலுக்கு லீவு விட்டிருக்கறதா நினைச்சு நாங்களே இதை ஜாலியாதான் எடுத்துக்கிட்டோம்.’’

ஜாக்குலின்
ஜாக்குலின்

`` ‘கோலமாவு கோகிலா’வுக்குப் பிறகு உங்களை சினிமாவுல பார்க்க முடியலையே... ஏன்?’’

‘‘சினிமாவுல நிறைய வாய்ப்புகள் வரும்னு போன வருஷம் தொடக்கத்துல நம்பினேன். ஆனா, கொரோனா வந்து மொத்த சினிமா உலகத்தையும் முடக்கிப் போட்டுடுச்சு. இந்த வருஷமும் நம்பறேன். நம்பிக்கைதானே வாழ்க்கை. இன்னொருபுறம் டிவியில சீரியல் போயிட்டிருக்கிறப்பவே ஆங்கரிங்கும் பண்ணிட்டிருக்கேன். இந்த ரெண்டுக்குமே நேரம் சரியா இருக்கு. என்னைப் பொறுத்தவரை கிடைக்கிற வாய்ப்பைத் தவறவிடாமப் பார்த்துக்கறதுதான் புத்திசாலித்தனம்னு நினைக்கிறேன்.’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு