Published:Updated:

விகடன் TV: ‘நியூஸ் ஆங்கர்னா சவால்தான்!’

ஆஷ்லி
பிரீமியம் ஸ்டோரி
ஆஷ்லி

முதல்ல ஒரு நியூஸ் சேனல்ல செய்தி வாசிப்பாளர் வேலை கிடைச்சது.

விகடன் TV: ‘நியூஸ் ஆங்கர்னா சவால்தான்!’

முதல்ல ஒரு நியூஸ் சேனல்ல செய்தி வாசிப்பாளர் வேலை கிடைச்சது.

Published:Updated:
ஆஷ்லி
பிரீமியம் ஸ்டோரி
ஆஷ்லி
ஷ்லி ஜாய். சூடு பறக்கும் அரசியல் விவாதங்களை அனாயாசமாக நடத்திவரும் நியூஸ் 18 நெறியாளர். சமீபத்திய ஒரு விவாதத்தில், ‘தலைப்புக்குள் வாங்க’ என இவர் கேட்டுக் கொண்டதில் கடுப்பான தேசியக் கட்சிப் பேச்சாளர், இவரை ஒருமையில் பேச, சோஷியல் மீடியாவில் வைரலானது அந்த வீடியோ. ஆஷ்லியிடம் பேசினேன்.

‘`பூர்வீகம் கேரளா. ஆனா குடும்பம் கோயம்புத்தூர்ல செட்டிலாகியிருக்கு. பைலட் ஆகணும்கிற ஆசைல கல்லூரியில் இயற்பியல் எடுத்துப் படிச்சேன். ஆனா இளங்கலைப் படிப்பு முடிச்ச நேரம் பைலட் கனவு காணாமப்போயிருந்தது. மாஸ்டர் டிகிரியிலயாச்சும் சரியானதைத் தேர்ந்தெடுக்கணும்னு நினைச்சு ஜர்னலிசத்தைத் தேர்ந்தெடுத்தேன். வீட்டுல பத்திரிகை வேலையெல்லாம் செட் ஆகாதுன்னு சொன்னாங்க. ‘படிக்க நீங்க பணம் கட்ட வேணாம்’னு நானே சைடுல பசங்களுக்கு டியூசன் எடுத்து அந்தப் பணத்தை வச்சே என் ஜர்னலிசத்தை முடிச்சேன். ஒரு வருஷம் ஆச்சு. எந்த வேலையும் கிடைக்கலை. வீட்டுல ‘நாங்க சொன்னது சரியாப்போச்சா’ங்கிற மாதிரிப் பார்த்தாங்க. இனி இங்க இருந்தா வேலைக்கு ஆகாது’ன்னு சென்னை கிளம்பினேன்.

விகடன் TV: ‘நியூஸ் ஆங்கர்னா சவால்தான்!’

முதல்ல ஒரு நியூஸ் சேனல்ல செய்தி வாசிப்பாளர் வேலை கிடைச்சது. பரபரப்பான ரிப்போர்ட்டிங் ஆசையுடன் வந்தவளை நியூஸ் வாசிச்சிட்டே இருக்கச் சொன்னா எத்தனை நாளைக்கு முடியும்? அதனாலதான் ரிப்போர்ட்டிங், நியூஸ் ரீடிங், ஆங்கரிங்னு எல்லா வாய்ப்பும் கிடைச்ச நியூஸ் 18க்கு வந்துட்டேன்’’ என்கிற ஆஷ்லி, சில மாதங்களுக்கு முன்புதான் அரசியல் விவாதங்களை நடத்தத் தொடங்கினாராம்.

“எல்லாக் கட்சியிலயும் நிதானமா ஆதாரங்களுடன் வாதத்தை வைக்கிறவங்களும் இருக்காங்க. கத்திக் கூச்சல் போட்டு தானும் டென்ஷனாகி மத்தவங்களையும் டென்ஷனாக்குகிறவங்களும் இருக்காங்க. இந்த இரண்டாவது வகை ஆட்கள்தான் சமயத்துல எங்க மீது பாயறவங்க. இதுல இன்னொரு வேடிக்கை என்னன்னா, சமயத்துல விவாதத்துல ஆக்ரோஷமா மோதிக்கிட்டவங்களே நிகழ்ச்சி முடிஞ்சதும் சேர்ந்து டீ குடிச்சுட்டுக் கைகுலுக்கிட்டுப் போவாங்க. ஆனா அதுக்குப் பிறகு எங்களுக்கு போன் மூலமாகவும் சோஷியல் மீடியாவுலயும் நிகழ்ச்சி பத்தின கமென்ட் வரும் பாருங்க, கழுவிக் கழுவி ஊத்துவாங்க”

கூலாக சிரித்துக்கொண்டே பேசுகிறார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism