சினிமா
Published:Updated:

விகடன் TV: ரிமோட் பட்டன்

விகடன் TV
பிரீமியம் ஸ்டோரி
News
விகடன் TV

கொரோனா இரண்டாம் அலை தீவிரமாகியுள்ளதில் மீண்டும் கலக்கமடையத் தொடங்கியுள்ளது டிவி ஏரியா.

றைந்த நடிகர் விவேக்கை குருவாகவே நினைத்து வந்தாராம் `பிக் பாஸ்’ மதுமிதா.

விகடன் TV: ரிமோட் பட்டன்

‘‘நான் தீவிரமான சிவ பக்தை. அவருக்கு வெளியில கடவுள் மறுப்பாளர்போல் ஒரு தோற்றம் இருக்கு. ஆனா எனக்கு ஆன்மிகத்துக்கும் மூட நம்பிக்கைகளுக்கும் இடையிலிருக்கிற வித்தியாசத்தைத் தெளிவாப் புரிய வச்சவர் அவர்தான்’’ என்கிறார்.

விகடன் TV: ரிமோட் பட்டன்

ருநேரத்தில் பிஸியான சின்னத்திரை நடிகராக இருந்தவர் ஷியாம். இப்போது சில படங்களில் நடித்துவருகிறார். ஆனால் இன்று இவரின் இரு மகள்களும் சின்னத்திரையில் பிஸியான குழந்தை நட்சத்திரங்கள். ‘கல்யாணம் முதல் காதல் வரை’, ‘பாரதி கண்ணம்மா’ என பிரைம் டைம் சீரியல்களில் தன் மகள்களின் நடிப்புக்குக் கிடைத்த அங்கீகாரத்தால் பூரித்துப்போயிருக்கும் ஷியாம், ‘‘ரெண்டு பேருமே ஒருபக்கம் படிப்பு, இன்னொரு பக்கம் நடிப்புன்னு பரபரப்பா இருக்காங்க. ரெண்டு பேருக்கும் நான்தான் இப்ப மேனேஜர்’’ எனச் சிரிக்கிறார்.

விகடன் TV: ரிமோட் பட்டன்

2021 ஜனவரி முதல் நாளில் தங்களுடைய காதலைச் சொன்ன மதன் - ரேஷ்மா ஜோடி ‘பூவே பூச்சூடவா’ சீரியல் முடிவடைந்ததும் திருமணம் செய்துகொள்வார்கள் என எதிர்பார்க்கப்பட்டது. மே மாதத்தில் திருமணம் இருக்கும் என மதனும் கூறியிருந்தார். இந்நிலையில் தற்போது மே இறுதி வாரத்திலிருந்து ஒளிபரப்பாகத் தொடங்கவிருக்கும் புதிய சீரியலில் கமிட் ஆகியிருக்கிறார் ரேஷ்மா. ‘பூவே பூச்சூடவா’ தொடரும் விரைவில் முடிவடைய இருப்பதாகச் சொல்லப்படுகிற நிலையில், திருமணம் எப்போது என்பதை காதல் ஜோடிதான் சொல்ல வேண்டும்.

விகடன் TV: ரிமோட் பட்டன்

கொரோனா இரண்டாம் அலை தீவிரமாகியுள்ளதில் மீண்டும் கலக்கமடையத் தொடங்கியுள்ளது டிவி ஏரியா. ஷூட்டிங் ஸ்பாட் சாப்பாட்டைத் தவிர்க்கத் தொடங்கியிருக்கிறார்களாம் சில சீரியல் நட்சத்திரங்கள். ‘எனக்கெல்லாம் வீட்டுல இருந்து கொண்டு வர்ற நாலு சப்பாத்தி போதும்’ என ஷூட்டிங் ஸ்பாட்டில் எதையும் எடுத்துக்கொள்ள மறுத்து விடுகிறாராம் ‘செம்பருத்தி’ சபானா.

விகடன் TV: ரிமோட் பட்டன்

பிக் பாஸ் தமிழ் 5வது சீசனுக்குப் போட்டியாளர்களைத் தேடும் பணிகள் தொடங்கப்பட்டுவிட்டதாகச் சொல்லப்படுகிறது. நிகழ்ச்சியைத் தொகுத்து வழங்கப்போவது யார் என்பதில்தான் இருவேறு தகவல்கள் உலா வருகின்றன. வழக்கம்போல் இந்த முறையும் கமல்ஹாசனே தொகுத்து வழங்குவார் என்று சிலரும், ‘‘தேர்தலில் ஒருவேளை அவர் வென்றால் பிக் பாஸ் நிகழ்ச்சியில் பங்கேற்க மாட்டார்’’ எனச் சில தகவல்களும் கசிந்துவருகின்றன. கமல் வராவிட்டால் அந்த இடத்துக்கு சிம்புவிடம் பேசலாமெனத் தெரிகிறது.

விகடன் TV: ரிமோட் பட்டன்

யார்கிட்டயும் சொல்லாதீங்க!

தாடிக்கார நடிகருக்கும் அவரது மனைவிக்கு மிடையிலான பிரச்னை ஊர் அறிந்ததே. குடும்பப் பிரச்னை நீதிமன்றத்தில் நிலுவையிலிருந்தாலும் இன்னும் சட்டபூர்வமாகப் பிரியவில்லை இவர்கள். இந்நிலையில், அவ்வப்போது காக்கி ஏரியாவில் தனக்கிருக்கும் நண்பர்களைச் சந்திப்பதுடன் அது தொடர்பான தகவல் களையும் பொதுவெளியில் கசிய விட்டு வருகிறாராம் நடிக‌ரின் மனைவி. நடிக‌ரோ ‘இதெல்லாம் எதுக்குங்கிறீங்க... என்னை பயமுறுத்தறதுக்காகவாம். நானாவது பயப்படறதாவது’ எனக் கலாய்க்கிறாராம்.