Published:Updated:

விகடன் TV: ரிமோட் பட்டன்

விகடன் TV
பிரீமியம் ஸ்டோரி
விகடன் TV

மே 2, மறைந்த நடிகை சித்ராவின் பிறந்த நாள். கடந்த ஆண்டு தன்னுடைய ரசிகர்கள் மத்தியில் இந்த நாளைக் கொண்டாட நினைத்திருந்தார்.

விகடன் TV: ரிமோட் பட்டன்

மே 2, மறைந்த நடிகை சித்ராவின் பிறந்த நாள். கடந்த ஆண்டு தன்னுடைய ரசிகர்கள் மத்தியில் இந்த நாளைக் கொண்டாட நினைத்திருந்தார்.

Published:Updated:
விகடன் TV
பிரீமியம் ஸ்டோரி
விகடன் TV
விகடன் TV: ரிமோட் பட்டன்

விரைவில் அப்பா அம்மா ஆகப் போகிறார்கள் அன்வர் - சமீரா ஜோடி. தற்சமயம் ஹைதராபாத்தில் இருக்கும் சமீரா, கோவிட் முதல் அலையின் போது உடல்நலன் பாதிக்கப்பட்டிருந்தார். இதனாலேயே தற்போது தமிழ்நாட்டில் இருக்கும் அத்தனை சீரியல் தயாரிப்பு தொடர்பான வேலைகளையும் ஒதுக்கி வைத்துவிட்டு மனைவியை உடனிருந்து கவனித்துவருகிறார் அன்வர்.

விகடன் TV: ரிமோட் பட்டன்

மே 2, மறைந்த நடிகை சித்ராவின் பிறந்த நாள். கடந்த ஆண்டு தன்னுடைய ரசிகர்கள் மத்தியில் இந்த நாளைக் கொண்டாட நினைத்திருந்தார். கொரோனா ஊரடங்கு அமலில் இருந்ததால் அவரது ஆசை நிறைவேறவில்லை. இந்த ஆண்டு சித்ராவின் வீட்டார் என்ன திட்டம் வைத்திருக்கிறார்கள் எனத் தெரியவில்லை. ஆனால் சித்துவின் ரசிகர்கள் ஒன்று சேர்ந்து அவரது பெயரில் சில நலத்திட்ட உதவிகளைச் செய்ய இருக்கிறார்களாம்.

விகடன் TV: ரிமோட் பட்டன்

‘செம்பருத்தி’ சீரியலுக்குப் பிறகு அதே மாதிரியான கேரக்டர்களே கிடைத்து வந்ததாலேயே சீரியல் வேண்டாம் என முடிவெடுத்திருந்தாராம் பரதா. தற்போது வெகுளியான வேலைக்காரப்பெண் கேரக்டர் கிடைக்க, உடனே சம்மதித்து மறுபடியும் சீரியல் பக்கமே வந்திருக்கிறார். ‘‘அடுத்த சில தினங்களில் சன் டிவியில் ஒளிபரப்பாகவிருக்கும் ‘தாலாட்டு’ சீரியலில் வரும் இந்தக் கேரக்டரில் என்னுடைய ஹ்யூமர் முகத்தைப் பார்க்கலாம்’’ என்கிறார்.

விகடன் TV: ரிமோட் பட்டன்

`ரோஜா’ சீரியல் ஹிட் ஆனதில் ஹீரோ சிபுவுக்கு ஏக வளர்ச்சி என்கிறார்கள். சீரியல் இன்னும் போய்க் கொண்டிருக்கும் சூழலில், சினிமா, வெப்சீரிஸ், ஓடிடி வாய்ப்புகள் இப்போதே வரிசை கட்டுகின்றனவாம் இவருக்கு. ‘எப்போது சீரியல் முடியும்’ எனக் காத்திருக்கும் சிபு ‘ரோஜா’வுக்குப் பிறகு சீரியல் பண்ண மாட்டேன்’ எனச் சொல்லிவருகிறார்.

விகடன் TV: ரிமோட் பட்டன்

பாலிமர் தொலைக்காட்சிக்காக சி.எஸ்.அமுதன் தயாரிக்கும் சீரீயலை முதலில் அவரிடம் உதவி இயக்குநராக இருந்த ஒருவரே இயக்கிவந்தார். தற்போது என்ன நடந்ததோ, அமுதனே இயக்கத்தையும் கையில் எடுத்திருக்கிறாராம்.

யார்கிட்டயும சொல்லாதீங்க!

கணவருடனான பிரச்னைக்குப் பிறகு சீரீயலிலிருந்து ஒதுங்கி தேசியக் கட்சியில் சேர்ந்த அந்த நடிகை, சட்டசபைத் தேர்தலுக்குப் பிரசாரத்துக்கு அழைப்பார்கள்; நாலு காசு பார்க்கலாம் என நினைத்திருந்தாராம். ஆனால் யாரும் கண்டு கொள்ளவில்லையாம். ‘சீச்சீ, இந்தப் பழம் புளிக்கும்’ என்கிற மனநிலைக்கு வந்து விட்டார்’ என்கிறார்கள். `சீரியல் பண்ணிட்டிருந்தப்பக்கூட காசு நல்லாப் புழங்குச்சு; ஆளுங்கட்சியில இருந்தும் பைசா தேற மாட்டேங்குது’ எனப் புலம்பிவருகிறாராம்.