விகடன் TV: ரிமோட் பட்டன்

`கே ரளத் தொழிலதிபர் ஒருவரை மறுமணம் செய்யப்போகிறார்’ - டிவி ஏரியா முழுக்க ஆங்கர் டிடி குறித்த இந்தத் தகவல்தான் இப்போது வைரல். . ஓராண்டுக்கும் மேலாகவே அந்தத் தொழிலதிபருடன் டிடி நட்பு பாராட்டிவருவதாகச் சொல்கிறார்கள். சினிமா சம்பந்தப்பட்ட நிகழ்ச்சிகளிலுமே இருவரையும் சேர்த்துப் பார்த்திருப்பதாகச் சொல்கிறார்கள் கோலிவுட்வாசிகள்.

. ‘க லர்ஸ் தமிழ் சேனலில் ஒளிபரப்பாகி வரும் ‘இதயத்தைத் திருடாதே’ தொடர் கடந்த ஆண்டு காதலர் தினத்தன்று ஒளிபரப்பாகத் தொடங்கியது. ஓராண்டு நிறைவு பெற்றதையடுத்து சமீபத்தில் ஷூட்டிங் ஸ்பாட்டில் அதைக் கொண்டாடியது சீரியல் யூனிட். ஆட்டம், பாட்டம் என அதகளப்பட்ட அந்தக் கொண்டாட்டத்தின் இடையே ‘‘அடுத்த காதலர் தினத்துக்குள்ளாவது காதலை இந்தச் சமூகத்துக்கு அறிவிச்சிடுவாங்களா’’ என, சிலர் ஹீரோ ஹீரோயினைப் பார்த்துக் கேட்டேவிட்டார்களாம்.

. செ ன்னை வளசரவாக்கத்திலிருக்கும் ‘கில்லி’ ஜெனிஃபரின் வீட்டுக்கு ஓட்டு கேட்டு வந்த ‘மக்கள் நீதி மய்யம்’ கட்சியினர். ‘நம்மவருக்காக அப்படியே ஒரு ‘பைட்’ தந்தீங்கன்னா நல்லாருக்கும்’ எனக் கேட்க, ‘நானே அவருடைய ரசிகைதாங்க, ஸோ, பேசறதுக்கென்ன’ என மைக்கை வாங்கி நாலு வார்த்தை பேசினாராம். அடுத்த பத்தாவது நிமிடத்தில் வாட்ஸப், ஃபேஸ்புக் எங்கும் ‘மநீம’வுக்காக ஓட்டு கேட்கும் ஜெனிஃபர்’ எனக் கிளம்பிவிட்டதாம். ‘‘இனிமே யாராச்சும் ஓட்டு கேட்டு வந்தா முதல்ல வீட்டுக்குள் போய்க் கதவைப் பூட்டிக்க வேண்டியதுதான்’’ என்கிறார்.

. இ ந்தக் காதலர் தினத்தில் வைரலான காதல் ஜோடி என்றால் அது ‘நட்சத்திரா-ராகவ் ஜோடி’தான். தன்னுடைய நீண்ட கால நண்பரான ராகவை விரைவில் திருமணம் செய்யவிருக்கும் நட்சத்திரா சமீபத்தில் ராகவுடன் கடற்கரையில் பண்ணிய போட்டோஷூட்டுக்கு ஏக வரவேற்பு. `கண்ணு பட்டுடப் போகுது; திருஷ்டி சுத்திப் போடுங்க’ எனச் சொல்லித் தங்கள் அக்கறையை வெளிக்காட்டி வருகிறார்களாம் அவரின் ரசிகர்கள் சிலர்.

. சி னிமா எப்படி ‘ஓ.டி.டி’க்கு மாறிவருகிறதோ அதேபோல் சீரியல் ஏரியாவும் மாற்றங்களுக்குத் தயாராகத் தொடங்கிவிட்டது. ’அரை மணி நேர சீரியல்’ என்பது மாறி இப்போது எல்லாச் சேனல்களுமே இரண்டு அரை மணி நேர சீரியல்களை இணைத்து ‘மகா சங்கமம்’ என்ற பெயரில் ஒரு மணி நேரம் ஒளிபரப்பத் தொடங்கியிருக்கின்றன. ஜீ தமிழில் அடுத்த வாரம் முதல் ‘செம்பருத்தி’, `யாரடி நீ மோகினி’ என இரண்டு ஹிட் சீரியல்களும் இப்படி ஒளிபரப்பாகவிருக்கின்றன.

. யார்கிட்டயும் சொல்லாதீங்க!

மூ ன்றாவது சீசனில் டைட்டில் வென்றவர் ஹீரோவாக நடிக்கவிருக்கும் படத்தின் விழா சமீபத்தில் நடந்தது. நான்காவது சீசனில் பங்கேற்ற சிலரும் அந்த நிகழ்ச்சியில் கலந்து கொண்டார்கள். நிகழ்ச்சி முடிந்து கேளிக்கைகள் தொடங்கியபோது ஒதுங்கி ஒதுங்கிச் சென்ற பாடகரை வம்புக்கு இழுத்து அலம்பல் பண்ணினாராம் ஃபைனல் வரை சீசனில் இருந்த அந்தப் போட்டியாளர். சிலர் தலையிட்டு பாடகரை அவரிடமிருந்து மீட்டு பத்திரமாக அனுப்பி வைத்திருக்கிறார்கள்.

ச மையல் நிகழ்ச்சியின் முதல் சீசனில் ஏகத்துக்கும் டார்ச்சர் தந்ததாலேயே இரண்டாவது சீசனுக்கு அழைக்கவில்லையாம், ஒரே வீடியோவில் பிரபலமான அந்த நபரை. இரண்டாவது சீசன் ஹிட் அடித்துள்ள சூழலில், ‘அப்ப ரொம்பத்தான் பண்ணிட்டேனோ’ என இப்போது நினைத்து நொந்துகொள்கிறாராம்.

விகடன் TV: ரிமோட் பட்டன்

அய்யனார் ராஜன்