Published:Updated:

ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...
பிரீமியம் ஸ்டோரி
ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

Published:Updated:
ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...
பிரீமியம் ஸ்டோரி
ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

தேர்தல் வரும் பின்னே, வாக்குறுதிகள் புதுப்பிக்கப்படும் முன்னே. இப்படி ஐந்தாண்டுகளுக்கு ஒருமுறை புதுப்பிக்கப்படும் ஒரு வாக்குறுதிதான், நீலகிரிக்கான மூன்றாவது மாற்றுப்பாதை. கோவையிலிருந்து நீலகிரி மாவட்டத்துக்குள் நுழைய மேட்டுப்பாளையத்திலிருந்து குன்னூர் சாலை,  கோத்தகிரி சாலை என இரு மலைப்பாதைகள் உள்ளன. இவற்றில் 24 மணி நேரமும் போக்குவரத்து நடக்கிறது. நிலச்சரிவு போன்ற இயற்கைப்பேரிடர் காலங்களில், இரு வழிகளிலும் போக்குவரத்து மாற்றம் செய்யப்படும்.

இந்த இரு பாதைகளையும் தவிர்த்து, கோவை மாவட்டம் காரமடை, வெள்ளியங்காடு, கெத்தை வழியாக 46 கொண்டை ஊசி வளைவுகளைக்கொண்ட கெத்தை மலைப்பாதை, மூன்றாவது பாதையாக உள்ளது. ஆனால், முறையான பாதை அல்ல இது. வனச்சோதனைச் சாவடியைக் கடந்து, அடர் வனப்பகுதிகளின் ஊடாகச் செல்லும் இந்தப் பாதை, குறுகலானது; ஆபத்துகள் நிறைந்தது. இந்த வழியில், அரசுப் பேருந்தும், சொற்ப வாகனங்களும் சென்றுவருகின்றன. இந்த வழியில்தான் ‘மூன்றாவது மாற்றுப்பாதையை அமைப்போம்’ என்று கடந்த கால்நூற்றாண்டாகத் தேர்தல்களில் வாக்குறுதியை வழங்கிவருகின்றனர் அரசியல் கட்சியினர்.

ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

மூன்றாவது மாற்றுப்பாதை அமைத்தால், நீலகிரியில் பாலும் தேனும் ஓடும் என்பதுபோல இந்த வாக்குறுதிக்கு வர்ணம் பூசப்படுகிறது. ஆனால், அந்தப்பாதை விரிவாக்கம் செய்யப்பட்டால், இந்த வழித்தடத்தில் அமைந்துள்ள சோலைக்காடுகள், புல்வெளிகள், காட்டருவிகள், நீரோடைகள் மற்றும் காட்டுயிர்களுக்கு அழிவு தொடங்கிவிடும் என அச்சப்படுகின்றனர் சூழலியல் ஆர்வலர்கள். அவர்களின் அச்சத்தில் நியாயம் இருக்கிறது. ஏற்கெனவே, பாதுகாக்கப்பட்ட வனப்பகுதியான நீலகிரியில் அணைக்கட்டுகள், நீர்மின் திட்டங்கள், சாலைகள், தேயிலைத் தோட்டங்கள் என்று பல்வேறு காரணங்களுக்காகக் காடுகள் அழிக்கப்பட்டுள்ளன, துண்டாடப்பட்டிருக்கின்றன.

காடழிப்பாலும், அறுந்துகிடக்கும் வலசைப்பாதைகளாலும் மனித - விலங்கு மோதல் அதிகரித்துவருகிறது. மூன்றாவது மாற்றுப்பாதை அமைத்தால் இந்தப் பிரச்னை மேலும் அதிகரிக்கும். இருப்பினும் எதிர்ப்புகளை மீறியே, இந்தத் திட்டத்துக்கு மறைந்த முன்னாள் முதல்வர் ஜெயலலிதா ரூ.180 கோடியை ஒதுக்கீடு செய்தார். அதன்படி இருவழிப்பாதையாக மாற்றப் பெரிய திட்டம் வகுக்கப்பட்டது. ஆனால், சூழலியல் பாதுகாப்பு கருதி, தமிழக வனத்துறையே இந்தத் திட்டத்துக்கு அனுமதி மறுத்துவிட்டது.

ஒட்டுமொத்த விகடனுக்கும் ஒரே ஷார்ட்கட்!

ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

அதன்பின்பு, இருக்கும் சாலையின் அகலத்தைச் சற்றே விரிவுபடுத்தி மூன்றாவது மாற்றுப்பாதை அமைக்க முடிவெடுத்து, வெள்ளியங்காடு முதல் மஞ்சூர்வரை மட்டும் சாலை விரிவாக்கத்துக்காக ரூ.47 கோடியை தமிழக அரசு ஒதுக்கியது. நான்கு ஆண்டுகளாக இதுவும் கிடப்பில் போடப்பட்ட நிலையில், நாடாளுமன்றத் தேர்தல் அறிவிப்பதற்கு சில நாள்களுக்கு முன்பாக, கலெக்டர் தலைமையில் எம்.பி-யான கோபாலகிருஷ்ணன் உள்ளிட்ட அ.தி.மு.க-வினர் அவசரகதியில் இதற்கான பூமிபூஜை போட்டனர். 

அழகிய மடிப்பு மலைகளும், பள்ளத்தாக்குகளும், அரியவகைத் தாவரங்களும், ஓரிட வாழ்விகளும் நிறைந்தது கெத்தை வனப்பகுதி. யானை, காட்டுமாடு, புலி, சிறுத்தை, இருவாச்சிப் பறவைகள் என வனவிலங்குகள், பறவைகளை இங்கே காணமுடியும். இத்தகைய வனத்தில், 50 கி.மீ தொலைவுக்கு சாலை விரிவாக்கம் செய்தால், பல ஆயிரம் மரங்களை அழிக்க வேண்டியிருக்கும்.

இதுகுறித்து தேசியப் பசுமைப்படை நீலகிரி மாவட்ட ஒருங்கிணைப்பாளர் சிவதாஸ் கூறுகையில், “வனப் பகுதிகளில் சாலை அமைப்பதுதான், இயற்கைச் சீரழிவின் முதல்படி. இதனால், வாகனப்போக்குவரத்து அதிகரிக்கும். பிளாஸ்டிக், மது பாட்டில்கள் காட்டில் குவியும். சாலை விரிவாக்கத்துக்காகப் பல்லாயிரக்கணக்கான மரங்களைப் பிடுங்கி, டன் கணக்கில் மண்ணை அள்ள வேண்டியிருக்கும். கனிம வளங்கள் சூறையாடப்படும். காட்டுயிர் வேட்டை, மரம் கடத்தல் உள்ளிட்ட சமூகவிரோதச் செயல்கள் அதிகரிக்கும். எனவே, இதுபோன்ற அழிவுத் திட்டங்களை நிறைவேற்றவே கூடாது’’ என்றார்.

ஓட்டு வாங்க... காட்டை அழிக்கலாமா? - ஊட்டி மூன்றாம் சாலை சர்ச்சை...

உதகை நகர மக்கள் விழிப்பு உணர்வுச் சங்கத் தலைவர் ஜனார்த்தனன், “கோவையிலிருந்து ஊட்டிக்கு வருவதற்கு மேட்டுப்பாளையம் - குன்னூர் சாலை, மேட்டுப்பாளையம் - கோத்தகிரி சாலை இரண்டுமே நல்ல நிலையில் இருக்கின்றன. மூன்றாவது மாற்றுப்பாதைக்கு அவசியமே இல்லை. மக்களின் நலன் கருதி, மூன்றாவது மாற்றுப்பாதையைக் கொண்டு வருவதாகச் சொல்வது எல்லாம் ஏமாற்று வேலை. இதனால், மக்களுக்கு என்ன நன்மை ஏற்படப்போகிறது. சில நன்மைகள் இருப்பதாகச் சொன்னாலும் பாதிப்புகள் தான் அதிகம்’’ என்றார்.

வனத்துறை அதிகாரிகளிடம் பேசினோம். ‘‘வனத்துறைக் கட்டுப்பாட்டில் உள்ள கெத்தை மலைப்பாதை, கோவையிலிருந்து ஊட்டிக்கான மூன்றாவது மாற்றுப்பாதையாகச் செயல்படுத்துவது, சாத்தியம் இல்லாதது. அதற்கான அனுமதியையும் தரமாட்டோம். தற்போது பயன்பாட்டிலிருக்கும் இந்தச் சாலையைப் பராமரிக்க மட்டுமே அனுமதி வழங்கியிருக்கிறோம். விரிவாக்கத்துக்கான எந்த அனுமதியும் வழங்கப்படவில்லை’’ என்றனர்.

நோட்டு கொடுத்து ஓட்டு வாங்கலாம்... ஆனால், எத்தனை கோடிகளைக் கொட்டினாலும் காட்டை உருவாக்க முடியாது.

- ரா.சதீஸ்குமார்
படங்கள்: கே.அருண்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism