கிரிக்கெட் பேட்டைச் சுழற்றிய ஜஸ்டின் ட்ரூடோ! இந்திய கேப்டன்களுடன் குதூகலம்

JustinTrudeau

இந்தியாவுக்கு குடும்பத்துடன் சுற்றுலாப் பயணம் மேற்கொண்டுள்ள கனடா பிரதமர் ஜஸ்டின் ட்ரூடோ, இன்று டெல்லி மைதானத்தில் கிரிக்கெட் விளையாடினார்.

கனடா பிரதமர் ஜஸ்டின் ட்ரூடோ, எட்டு நாள்கள் சுற்றுலாப் பயணமாகக் குடும்பத்துடன் இந்தியா வந்துள்ளார். அவருக்கு இந்திய அரசு உரிய மரியாதை அளித்திடாமல் புறக்கணிப்பதாகக் குற்றச்சாட்டுகள் எழுந்துள்ளன. ஆனாலும், ஜஸ்டின் எதையும் பெரிதாகக் கண்டுகொள்ளாமல், இந்தியப் பயணத்தை மகிழ்ச்சியாகக் கொண்டாடிவருகிறார். குஜராத் சபர்மதி ஆசிரமம், தாஜ்மகால் என முக்கிய இடங்களுக்கு விசிட் அடித்துக்கொண்டிருக்கிறார்.  

இன்று காலை டெல்லியில் தன் குழந்தைகளுடன் கிரிகெட் விளையாடினார். அவருடன் கிரிக்கெட் அணியின் முன்னாள் கேப்டன்கள் கபில் தேவ் மற்றும் அசாருதீன், ஜஸ்டினின் குழந்தைகளுக்கு கிரிக்கெட் பயிற்சி அளித்தனர். கிரிக்கெட் மைதானத்தில் ஜஸ்டின் ட்ரூடோ கிரிக்கெட் பேட்டைச் சுழற்றிக்கொண்டே நடந்த காட்சி, சுற்றி நின்றுகொண்டிருந்த ரசிகர்களை ஆச்சர்யத்தில் ஆழ்த்தியது. அந்த வீடியோ தற்போது இணையத்தில் அதிகம் பகிரப்பட்டுவருகிறது. 

Do you like the story?

Please Appreciate the Author by clapping!