சிவசேனாவைக் கண்டித்து கேரளாவில் 'Kiss of Love" போராட்டம் | "Kiss of Love" protest done by Kerala students against Sivasena

வெளியிடப்பட்ட நேரம்: 20:43 (09/03/2017)

கடைசி தொடர்பு:20:52 (09/03/2017)

சிவசேனாவைக் கண்டித்து கேரளாவில் 'Kiss of Love" போராட்டம்

சிவசேனா அமைப்பைக் கண்டித்து கேரளாவின் மரைன் டிரைவ் பகுதியில் மாணவர்கள் அமைப்பினர் 'Kiss of Love" போராட்டத்தில் ஈடுபட்டனர். பெண்கள் தினத்தன்று மரைன் டிரைவ் பகுதியில் உள்ள பூங்காவில் இருந்த சிவசேனா கொடியுடன் வந்த சிவசேனா அமைப்பைச் சேர்ந்தவர்கள் காதல் ஜோடிகளை அடித்து அங்கிருந்து விரட்டினர்.

அவர்கள் அந்தச் சம்பவத்தில் ஈடுபட்டபோது, காவல்துறை அதிகாரியும் அருகில் இருந்தார். இருப்பினும் ஏதும் செய்யாமல் அமைதியாக இருந்ததாக சொல்லப்படுகிறது. இந்த சம்பவம் கேரளா முழுவதும்  பெரும் கொந்தளிப்பை ஏற்படுத்தியுள்ளது. இந்த சம்பவத்துக்கு கேரளா முதல்வர் பினராயி விஜயன் கடும் கண்டனத்தை தெரிவித்துள்ளார்.

அதுகுறித்து அவருடைய பேஸ்புக்கில், 'இதுபோன்ற சம்பவங்களைக் காவல்துறை வேடிக்கை பார்க்கக் கூடாது. சில அமைப்புகள் ஆணாதிக்க மனநிலையில் இருப்பதாகவும், அவர்கள் பெண்கள் வீட்டை விட்டு வெளியே வரக்கூடாது' என்று கருதுகின்றனர் என்று பதிவிட்டுள்ளார். இன்று சிவசேனாவின் இந்தச் சம்பவத்தைக் கண்டித்து கேரள மாணவ, மாணவிகள் 'Kiss of Love" என்ற போராட்டத்தில் ஈடுபட்டனர். அந்தப் போராட்டத்தின்போது, பொது இடத்தில் ஆண்களும் பெண்களும் ஒருவொருக்கொருவர் முத்தங்களை பறிமாறிக் கொண்டனர்.

நீங்க எப்படி பீல் பண்றீங்க