Published:Updated:

திருமணம் தாண்டிய உறவு - தீர்ப்பு 1

திருமணம் தாண்டிய உறவு - தீர்ப்பு 1
பிரீமியம் ஸ்டோரி
திருமணம் தாண்டிய உறவு - தீர்ப்பு 1

விவாதம்

திருமணம் தாண்டிய உறவு - தீர்ப்பு 1

விவாதம்

Published:Updated:
திருமணம் தாண்டிய உறவு - தீர்ப்பு 1
பிரீமியம் ஸ்டோரி
திருமணம் தாண்டிய உறவு - தீர்ப்பு 1

ச்ச நீதிமன்றத்தில் தாக்கல் செய்யப்பட்ட குறிப்பிட்ட ஒரு மனுவை விசாரித்த தலைமை நீதிபதி தீபக் மிஸ்ரா தலைமையிலான ஐந்து பேர் கொண்ட அமர்வு, `மனைவியை அசையும் சொத்தாக நடத்தக் கூடாது. கணவன், தன் மனைவிக்கு எஜமானர் இல்லை. திருமணம் செய்துகொண்ட ஆணோ பெண்ணோ, பரஸ்பர சம்மதத்துடன் திருமணத்தைத் தாண்டிய உறவு வைத்துக்கொண்டால், அது சட்டப்படி குற்றமாகாது’ என்று 497 சட்டப்பிரிவு குறித்து உச்ச நீதிமன்றம் தீர்ப்பு வழங்கியிருக்கிறது.  இந்தத் தீர்ப்பையடுத்து, குடும்பக் கட்டமைப்பு சீர்குலையும் என்றும், ஆணாதிக்கத்தை வேரறுக்கும் கருத்து என்றும் பலதரப்பட்ட விவாதங்கள் எழுந்துள்ள நிலையில், சட்டப்பிரிவு 497 குறித்து சமூக செயற்பாட்டாளர்களின் கருத்துகளைக் கேட்டோம்.

திருமணம் தாண்டிய உறவு - தீர்ப்பு 1

பாலபாரதி, முன்னாள் சட்டமன்ற உறுப்பினர்

உச்ச நீதிமன்றத்தின் தீர்ப்பு மிகச்சரியானது. பெண்களுக்கு கணவர்கள் எஜமானர்கள் இல்லை என்பதை இந்தத் தீர்ப்பு தெளிவாகக் காட்டுகிறது. பெண்ணிய அமைப்புகள் நீண்டகாலமாக வலியுறுத்தி வந்ததை அடுத்து, உச்ச நீதிமன்றம் இந்தச் சட்டப்பிரிவை நீக்கியிருப்பது மகிழ்ச்சியளிக்கிறது. இங்கிலாந்து உள்பட பலநாடுகளில் இதுபோன்ற சட்டங்கள் பெண்ணடிமைத்தனத்தை வளர்க்கும் என்று கருதி நீக்கியிருக் கிறார்கள். இந்தச் சட்டம் நீக்கப் பட்டதால் குடும்பக் கட்டமைப்பு சிதையும் என்று சொல்வதை ஏற்றுக் கொள்ளவே முடியாது. இதுபோன்ற கருத்துகளை வேண்டுமென்றே இந்துத்துவ அமைப்புகள் பரப்பி வருகின்றன. பெண்களுக்கு எதிரான, பழைமை வாத கருத்துகள் மாற்றப்படும் போது இதுபோன்ற எதிர்ப்புகள் வரத் தான் செய்யும்.

ஒட்டுமொத்த விகடனுக்கும் ஒரே ஷார்ட்கட்!

திருமணம் தாண்டிய உறவு - தீர்ப்பு 1

ஜோதிமணி, காங்கிரஸ் செய்தி தொடர்பாளர்

திருமணம் தாண்டிய உறவு - தீர்ப்பு 1



திருமணம் தாண்டிய உறவுகளுக்கு நிறைய காரணங்கள் இருக்கலாம் என்று உச்ச நீதிமன்றம் தன் தீர்ப்பில் தெளிவாகச் சொல்லியிருக்கிறது. இந்தியக் கலாசாரத்தில் திருமணம் செய்துகொள்வது எவ்வளவு கஷ்டமோ, அதே போலதான் திருமண பந்தத்தை விட்டு வெளியே வருவதும். பெண்களைப் பாலியல் ரீதியாகப் பார்ப்பதால்தான் பெரும்பாலான உறவுகள் முடிவை நோக்கிச் செல்கின்றன. பெண்களை சக மனுஷியாகப் பார்க்கும் காலம் கனியும்போது, இந்த நிலை மாறியிருக்கும். திருமணத்தில் ஆண்களுக்கு உள்ள சிக்கல்களைவிட பெண்களுக்குத் தான் அதிகச் சிக்கல்கள் உள்ளன. அதை ஆண்கள் புரிந்துகொள்ள வேண்டும். ஆண்களைப் பொருளாதார ரீதியாகப் பெண்கள் இப்போதும் ஆண்களைச் சார்ந்திருக்கிறார்கள், அதனால்தான் ஆண்கள் பெண்களுக்கு எஜமானர் களாக நடந்து கொள்கிறார்கள். உச்ச நீதிமன்றம் கொடுத்திருக்கும் இந்தத் தீர்ப்பை பெரிதும் மதிக் கிறேன்.

இ.லோகேஸ்வரி 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism