Published:Updated:

பொருளாதார வளர்ச்சியில் பெண்களின் பங்கு அவசியம்!

பொருளாதார வளர்ச்சியில் பெண்களின் பங்கு அவசியம்!
பிரீமியம் ஸ்டோரி
பொருளாதார வளர்ச்சியில் பெண்களின் பங்கு அவசியம்!

பொருளாதார வளர்ச்சியில் பெண்களின் பங்கு அவசியம்!

பொருளாதார வளர்ச்சியில் பெண்களின் பங்கு அவசியம்!

பொருளாதார வளர்ச்சியில் பெண்களின் பங்கு அவசியம்!

Published:Updated:
பொருளாதார வளர்ச்சியில் பெண்களின் பங்கு அவசியம்!
பிரீமியம் ஸ்டோரி
பொருளாதார வளர்ச்சியில் பெண்களின் பங்கு அவசியம்!

ஹலோ வாசகர்களே..!

பொருளாதார வளர்ச்சியில் பெண்களின் பங்கு அவசியம்! 


மார்ச் 8. சர்வதேசப் பெண்கள் தினம். இந்தத் தினத்தில், நம் நாட்டிலுள்ள பெண்களின் நிலை பற்றிய புள்ளிவிவரங்களைக் கொஞ்சம் கவனித்துப் பார்த்தால், அவர்களின் நிலை முன்னேற்றம் அடைவதற்குப் பதில், மோசமாகி வருவது தெளிவாகத் தெரிகிறது.

பொருளாதார வளர்ச்சியில் பெண்களின் பங்கு அவசியம்!



சர்வதேச தொழில் ஆலோசனை நிறுவனமான டெலாய்ட் சமீபத்தில் வெளியிட்டுள்ள  ஆய்வறிக்கையின்படி, கடந்த 2005-ம் ஆண்டில் வேலைக்குச் செல்லும் பெண்களின் சதவிகிதம் 36.7 சதவிகிதத்திலிருந்து 2018-ல் 26 சதவிகிதமாகக் குறைந்திருக்கிறது. வேலைக்குச் செல்கிற பெண்களில் 95% பேர் அதாவது, 1.95 கோடி பேர் முறைப்படுத்தப்படாத அல்லது மிகக் குறைவான சம்பளம் கிடைக்கிற வேலைகளைச் செய்கின்றனர் என்கிற புள்ளிவிவரங்கள் நம்மை உண்மையிலேயே அதிர்ச்சி அடையச் செய்கின்றன.

சமூக ரீதியிலும், பொருளாதார ரீதியிலும், தொழில்நுட்ப ரீதியிலும் மிகப் பெரிய முன்னேற்றத்தை நாம் கண்டிருந்தாலும்,  கிராமப்புறங்களில் வசிக்கும் பல பெண்கள் உயர்நிலைப் பள்ளிப் படிப்பை முடித்து, கல்லூரிக்குச் செல்ல முடிவதில்லை. அப்படியே கல்லூரிப் படிப்பை முடித்தாலும், வேலைக்குச் செல்ல முடியாமல், வீட்டு வேலைகளைக் கவனிக்க வேண்டிய  கட்டாயம். இந்தத் தடைகளையெல்லாம் தாண்டி, ஒரு நல்ல நிறுவனத்தில் வேலைக்குச் செல்வதும், சொந்தமாகத் தொழில் தொடங்கி வெற்றி பெறுவதும்  அபூர்வமாக நடக்கும் விஷயங்களாகவே இருக்கின்றன.

இதனால்தான், உலக ஜி.டி.பி-யில் பெண்களின் பங்கானது 37 சதவிகிதமாக இருக்கையில், இந்தியாவில் இது 18 சதவிகிதமாக மட்டுமே இருப்பதாக மெக்கன்ஸி நிறுவனம் சொல்கிறது. நமது பெண்கள் இன்னும் அதிக அளவில் வேலைக்குச் சென்று, உற்பத்திப் பெருக்கத்தில் ஈடுபட்டால், நமது ஜி.டி.பி-யானது 16-60% வரை உயர வாய்ப்பிருப்பதாகவும் அந்த நிறுவனம் சொல்கிறது.

நமது நாடு பொருளாதார ரீதியில் இன்னும் அதிகமான வளர்ச்சி காண வேண்டும் என ஒவ்வொருவரும் விரும்பினால், பெண் குழந்தைகள் அனைவரும் பள்ளிப் படிப்பை முடித்துவிட்டு, கல்லூரிப் படிப்பைத் தொடர வழிசெய்துதர வேண்டும். படித்து முடித்தபின் வேலைக்குச் சென்று சம்பாதிக்கவோ, சொந்தத் தொழில் தொடங்கி நடத்தவோ ஊக்குவிக்க வேண்டும். பெண்கள் நிம்மதியாக வேலைக்குச் சென்றுவரத் தேவையான பாதுகாப்பான சூழலை ஏற்படுத்துவதுடன், ஆண்களுக்கு இணையான சம்பளத்தையும் அவர்களுக்கு அளிக்க வேண்டும். நிதி தொடர்பான விஷயங்களில் அவர்கள் யாரையும் சார்ந்து இருக்காமல், தன்னிச்சையாகச் செயல்படுகிறவர்களாக அவர்கள் மாற வேண்டும்.

இத்தனை மாற்றங்களும் ஒருசில ஆண்டுகளிலேயே நடந்து, பெண்களின் நிலை மாறிவிடும் என்று எதிர்பார்க்க முடியாது. ஆனால், இந்த மாற்றங்கள் தொடர்ந்து நடந்து, இந்த மார்ச் 8-ல் இருப்பதைவிட, அடுத்த மார்ச் 8-ல் பெண்களின் நிலை கொஞ்சமாவது உயர்ந்திருக்க வேண்டும் என்பதே நம் எல்லோரது எதிர்பார்ப்பு!

- ஆசிரியர் 

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism