Published:Updated:

தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!

தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!
பிரீமியம் ஸ்டோரி
தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!

சுகிதா சாரங்கராஜ்

தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!

சுகிதா சாரங்கராஜ்

Published:Updated:
தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!
பிரீமியம் ஸ்டோரி
தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!
தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!

இது தேர்தல் நேரம். பெண்களைப் பார்த்து பொதுவெளியில் ஆண்கள் கும்பிடுவார்கள். அரசியல் தலைவர்கள் மூதாட்டியை வாரி அணைப்பது, அவர்களோடு புகைப்படம் எடுப்பது, அந்தத் தாய் உச்சிமோந்து தன் மகனைப் போருக்கு அனுப்புவது போல வாழ்த்தி அனுப்புவது என்று விதவிதமான படங்கள் நம் கண்முன்னே வரும். வீதிதோறும் பெண்கள் வேட்பாளர் வருகைக்காகத் தெருவை அடைக்கும் அளவுக்குக் கோலமிட்டு, ஆரத்தி கரைத்து, பூமாலை தொடுத்துக் காத்திருப்பார்கள். இன்னொருபக்கம் கூட்டம் கூட்டமாகப் பெண்களைப் பொதுக்கூட்டங்களுக்கு அரசியல் கட்சிகள் அழைத்துச் செல்லும். நாள் முழுக்க வெயிலில் காயவைப்பார்கள். பொதுக் கூட்டத்துக்குப் போகும் பெண்களுக்கு ஒரு நாளைக்கு ரூ.200 கொடுக்கப்படும். மதியம் ஒரு பிரியாணி பொட்டலம், ஒரு தண்ணீர் பாக்கெட்... இதுதானே மிகப்பெரிய ஜனநாயக நாட்டில் நடைபெறும் தேர்தலில் பெண்களின் பங்கு?

சுதந்திர இந்தியாவில் எல்லாத் துறைகளிலும் பெண்கள் பங்கேற்கத் தொடங்கியபோது இந்திய அரசியல் அமைப்புச் சட்டம் 14 மற்றும் 15-ல் சம உரிமை, சம ஊதியம் உட்பட பலவற்றில் ஆண்களுக்கு இணையான இடத்தைப் பெண்களுக்கு அளித்துள்ளது. ஆனால், நடைமுறையில் முழுமையாக வழங்கப்படவில்லை.

இந்தியா மட்டுமல்ல... உலக நாடுகளே பெண்களுக்கான உரிமையை வழங்குவதில் இத்தகைய பாரபட்சத்துடன்தான் உள்ளன என்பதைப் பறைசாற்றுகிறது உலகளவில் முன்னெடுக்கப்பட்ட பெண்களுக்கு வாக்களிக்கும் உரிமை வழங்கும் போராட்டம்.

தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!

ஒட்டுமொத்த விகடனுக்கும் ஒரே ஷார்ட்கட்!

அமெரிக்க அரசியல் சட்டம் உருவாகி, 144 ஆண்டுகளுக்குப் பிறகுதான் பெண்களுக்கு வாக்களிக்கும் உரிமையை அளித்தது அமெரிக்கா. பெண்கள் பெரும் போராட்டத்துக் குப் பிறகே அந்த உரிமையைப் பெற முடிந்தது.

பெண்களின் வாக்குரிமைக்காகப் போராடியவர்களில் முக்கியமானவர் சூசன் பி.ஆண்டனி. பெண் வாக்குரிமை இயக்கத்தில் (Woman Suffrage Movement) சூசன் தீவிரமாகச் செயல்பட்டார். சட்டங்களை மீறித் தேர்தலில் வாக்களித்ததற்காகக் கைதுசெய்யப்பட்டார். 20,000 கி.மீ பயணம்செய்து பெண்களின் வாக்குரிமைக்காகப் போராடினார். அமெரிக்க அரசியல் சாசனத்தில் பெண்களுக்கு வாக்குரிமை அளிப்பதற்காக 1920-ல் கொண்டுவரப்பட்ட 19-வது சட்டத்திருத்தத்துக்கு, அவர் ஆற்றிய பணிதான் அடித்தளம் அமைத்துக் கொடுத்தது. சூசன் ஆண்டனியின் இந்தப் போராட்டத்தை அங்கீகரிக்கும் விதமாக அமெரிக்க அரசு அவரது உருவத்தை 1979-ல் ஒரு டாலர் நாணயத்தில் பொறித்துள்ளது.

1915-ம் ஆண்டு தொடங்கப்பட்ட அமெரிக்க பெண்கள் வாக்குரிமைப் போராட்டத்துக்கு 1917-ம் ஆண்டுதான் தீர்வு கிடைத்தது. பொது வாக்கெடுப்பின் மூலம் பெண்களுக்கு வாக்களிக்கும் உரிமையை வழங்கும் முடிவுக்கு அமெரிக்கா வந்தது. பிரிட்டன் ஒரு நூற்றாண்டுக்குப் பிறகே தங்கள் நாட்டுப் பெண்களுக்கு வாக்களிக்கும் உரிமையை வழங்கியது. சுவிட்சர்லாந்து நாட்டின் சில பகுதிகளில் 1974-ம் ஆண்டில்தான் பெண்களுக்கு வாக்குரிமை கிடைத்தது. இந்த நாடுகளுக் கெல்லாம் முன்னதாக 1893-ம் ஆண்டிலேயே நியூசிலாந்தில் முதன்முதலாகப் பெண்களுக்கு வாக்குரிமை அளிக்கப்பட்டுவிட்டது.

1947-ம் ஆண்டில் இங்கிலாந்தின் அதிகாரத்திலிருந்து இந்தியா விடுதலை பெற்றபோது, இந்தியப் பெண்கள் தேர்தலில் வாக்களிக்கும் உரிமையைப் பெற்றனர். அதுவும் அவ்வளவு எளிதில் நடந்துவிடவில்லை.

பெண்களுக்கு வாக்களிக்கும் உரிமை கோரிய பல இந்திய மற்றும் பிரிட்டிஷ் பெண்கள் அமைப்புகளின் கோரிக்கைகளை பிரிட்டன் நாடாளுமன்றப் பொதுச்சபை  புறக்கணித்துவிட்டது. தங்களுக்கு வாக்களிக்கும் உரிமை கிடைப்பதை, கணவரும் பிள்ளைகளும் விரும்பமாட்டார்கள் என்று சில பெண்கள் கருதினர். வாக்குரிமைக்கான அதிகாரத்தைப் பெண்களுக்கு விரிவுபடுத்துவதற்குச் சில பெண்களே எதிர்ப்பு தெரிவித்தனர். அரசியலில் ஈடுபடும் பெண்கள், தங்கள் குழந்தைகளுக்குத் தாய்ப்பால் கொடுப்பதில்லை என்றெல்லாம் பேசப்பட்டது. பெண்கள் பொது விவகாரங்களில் தலையிடத் திறமையற்றவர்கள் என்கிற எண்ணமும் அன்றைய இந்தியாவில் பரவலாக இருந்தது.

தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!

அந்தக் காலகட்டத்தில், பீகார் மற்றும் ஒரிசா மாகாணங்களின் அரசு, வாக்காளர்களின் எண்ணிக்கையைக் குறைப்பதற்காக, பெண்களின் வாக்களிக்கும் உரிமையைப் பறிக்க முயன்றது. விவாகரத்து ஆன பெண், கைம்பெண் மற்றும் சொத்து இல்லாத பெண்களின் பெயர் வாக்காளர் பட்டியலில் இருந்து அகற்றப்பட வேண்டும் என்று அந்த அரசாங்கம் கருதியது.

இப்படி வெவ்வேறு மாகாணங்களில் பரம்பரைச் சொத்துகளில் பெண்களுக்கான உரிமை என்பது மாறுபட்டிருந்தது. மதராஸ் மாகாணத்தில், அரசுப் பணியில் இருந்த அதிகாரியாகவோ, ராணுவத்தில் இருந்து மரணித்தவரின் தாயாகவோ, மனைவியாகவோ, ஓய்வூதியம் பெறும் பெண்ணாகவோ இருந்தால்தான் வாக்குரிமை. அதேபோல கணவர் வரி செலுத்துபவராகவோ, சொத்துகளையும் உடைமைகளையும் வைத்திருப்பவராகவோ இருந்தால் அவருடைய மனைவிக்கும் தாய்க்கும் வாக்களிக்கும் உரிமை வழங்கப்பட்டது. அதாவது, ஒரு பெண்ணின் வாக்களிக்கும் தகுதியைத் தீர்மானிப்பது, கணவரின் சொத்து, தகுதிகள் மற்றும் சமூக அந்தஸ்தைச் சார்ந்ததாக வரையறுக்கப்பட்டிருந்தது.

சென்னை மாகாணத்துக்கு மக்கள் வாக்களிக்கும் முறை அமலில் வந்தது 1920-ல்தான். மாண்டேகு-செம்ஸ்போர்டு அறிக்கையின் அடிப்படையில் இத்தேர்தல் நடந்தது. வரி செலுத்துபவர்கள், படித்தவர்கள் மட்டுமே வாக்களிக்க முடிந்தது. பெண்களுக்கு வாக்குரிமை மறுக்கப்பட்டிருந்தது. அனைவருக்கும் வாக்களிக்கும் உரிமை வேண்டும் என்ற கோரிக்கையை நீதிக்கட்சி தலைவர்கள் முன்வைத்தனர். ஆட்சி அமைத்தால் பெண்களுக்கான வாக்குரிமையை அளிப்பது என்பதுதான் நீதிக்கட்சியின் முக்கிய வாக்குறுதிகளில் ஒன்றாக இருந்தது.

தேர்தல் வரலாறு: பெண்கள் போராட்டத்துக்குக் கிடைத்த பெரும் வெற்றி!

நீதிக்கட்சியின் முதல் ஆட்சியிலேயே மிக முக்கியத்துவம் வாய்ந்த சீர்திருத்தச் சட்டம், பெண்களுக்கும் வாக்களிக்கும் உரிமையைப் பெற்றுக்கொடுத்தது. நீதிக்கட்சி அமைச்சரவையில் அதற்கான தீர்மானம் கொண்டுவரப்பட்டது. சட்டசபையில் இதற்கான மசோதா, திவான் பகதூர் கிருஷ்ணன் நாயரால் கொண்டுவரப்பட்டு நிறைவேற்றப்பட்டது. 1921 ஏப்ரல் 1 அன்று மாகாண சட்டசபையில் தீர்மானம் நிறைவேற்றப்பட்ட போதிலும், ஆங்கிலேய அரசு அச்சட்டத்துக்கு உடனடியாக அனுமதி வழங்கவில்லை.

1926-ல்தான் ஆங்கிலேய அரசு நீதிக்கட்சியின் பெண்களுக்கு வாக்களிக்கும் உரிமைத் தீர்மானத்துக்கான ஒப்புதலை அளித்தது.  பின்னர், 1930-ம் ஆண்டில், ஏழு மாகாணங்களைச் சேர்ந்த பெண்களுக்கு வாக்களிக்கும் உரிமை கொடுக்கப்பட்டது.

1935-ம் ஆண்டில் நாட்டின் மூன்று கோடி மக்களுக்கு வாக்களிக்கும் உரிமை வழங்கப்பட்டது. இது நாட்டின் மொத்த மக்கள் தொகையில் ஐந்தில் ஒரு பங்கு என்பதும், இதில் பெண்களின் எண்ணிக்கை சொற்பமானதே என்பதும் குறிப்பிடத்தக்கது.

குடியரசு இந்தியாவில் வாக்களிக்கும் உரிமைப் பெண்களுக்குப் பரவலாக வழங்கப்பட்டது. இந்தியா போன்ற பெரும் மக்கள்தொகை திரள்கொண்ட நாட்டில் இந்திய குடியரசுக்குப் பிறகு 1952-ம் ஆண்டு நடந்த முதல் தேர்தலில் வாக்காளர்கள் பெயர்களை எல்லாம் சேகரித்துத் தேர்தல் நடத்துவது கடும் சவாலாக இருந்தது. முதல் தேர்தல் ஆணையரான சுகுமார் சென் பெண்களை வாக்களிக்கச் செய்ய பெரிதும் முயற்சி செய்தார். தேர்தல் ஆணையம் வாக்காளர் பட்டியலுக்காகப் பெயர்களைச் சேகரிக்கும்போது வடஇந்தியாவில் பல பெண்கள் தங்கள் பெயர்களை சொல்லத் தயங்கி, வீட்டிலுள்ள ஆண்களின் பெயர் களையே குறிப்பிட்டனர். இதை மாற்றி அமைக்கப் பல முயற்சிகள் மேற்கொண்டும்,  முடியாமலே போனது. இறுதியில் 28 லட்சம் பெயர் அறியப்படாத பெண் வாக்காளர்களின் பெயர்களைப் பட்டியலிலிருந்து நீக்கினார். இந்தத் தேர்தலில் இல்லை என்றாலும் அடுத்த தேர்தலிலாவது பெண்கள் தங்கள் பெயர்களைச் சொல்ல முன்வருவார்கள் என்று சுகுமார் சென் ஆழமாக நம்பினார். அடுத் தடுத்தத் தேர்தல்களில் சுகுமார்சென்னின் நம்பிக்கை வீண் போகவில்லை!

- காத்திருப்போம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism