Published:Updated:

‘அந்த ஏழு நாள்கள்...’ - வீண் செலவுகளைக் குறைக்கும் வித்தியாச டெக்னிக்!

வீண் செலவுகளைக் குறைக்கும் வித்தியாச டெக்னிக்!
பிரீமியம் ஸ்டோரி
வீண் செலவுகளைக் குறைக்கும் வித்தியாச டெக்னிக்!

ஆசைப்பட்ட பொருளை ஏழு நாள்கள் கழித்து வாங்கலாம் என்று முடிவெடுத்துவிட்டால், அந்த இடை வெளியில் இந்தப் பொருளை வாங்க கிரெடிட் கார்டைப் பயன்படுத்த வேண்டும்

‘அந்த ஏழு நாள்கள்...’ - வீண் செலவுகளைக் குறைக்கும் வித்தியாச டெக்னிக்!

ஆசைப்பட்ட பொருளை ஏழு நாள்கள் கழித்து வாங்கலாம் என்று முடிவெடுத்துவிட்டால், அந்த இடை வெளியில் இந்தப் பொருளை வாங்க கிரெடிட் கார்டைப் பயன்படுத்த வேண்டும்

Published:Updated:
வீண் செலவுகளைக் குறைக்கும் வித்தியாச டெக்னிக்!
பிரீமியம் ஸ்டோரி
வீண் செலவுகளைக் குறைக்கும் வித்தியாச டெக்னிக்!

`மூணு வாங்கினா ஒண்ணு இலவசம்’ என்றோ, `பத்து மணி நேரம்தான் இந்த ஆஃபர்’ என்றோ நம்முடைய ஆசையைத் தூண்டி, அநாவசியமானவற்றை வாங்க வைக்கிற உத்திகள் பல. இந்த ஆசைக்கு இடம் கொடுத்து விடாமல், வீணான செலவுகளைக் குறைக்கும் `ஏழு நாள்கள் செலவு விதி' பற்றி விளக்குகிறார் நிதி ஆலோசகர் லலிதா ஜெயபாலன்.

‘`ஒரு பொருளை வாங்குவதற்கு முன்னால், ‘இதை வாங்கணுமா’ என்று யோசிப்பது சிக்கனத்துக்கான வழி. ஆனால், அந்த யோசனை நம்மை வாங்கவிடாமல் செய்யுமா என்பது சந்தேகம்தான்.

நாம் வாங்க விரும்பும் பொருள்கள் தொடர்பான தகவல்களும் விளம்பரங்களும் நம்முடைய ஆசையைத் தூண்டிக்கொண்டே இருக்கும். அதுவே, ‘இதை ஏழு நாள்கள் கழிச்சு வாங்கிக்கலாம்’ என்று தள்ளிப்போட்டால், சம்பந்தப்பட்ட பொருள் மீதான ஆசை அடங்கி விடலாம் அல்லது குறைந்து விடலாம்.

 லலிதா ஜெயபாலன்
லலிதா ஜெயபாலன்
PRIYANKA

ஏழு நாள்கள் கழித்தும் அந்தப் பொருளை வாங்குகிறார்கள் என்றால், நிச்சயம் அது தேவையான பொருளாகவே இருக்கும். மனித உளவியலுடன் சம்பந்தப்பட்ட இந்த விதி,

ஏழு நாள்களுக்கு முன் - ஏழு நாள்களுக்குப் பின் என்று ஆய்வு செய்யப்பட்டு நிரூபிக்கப் பட்டிருக்கிறது.

கடன்படாமல் இருக்கலாம்!

ஆசைப்பட்ட பொருளை ஏழு நாள்கள் கழித்து வாங்கலாம் என்று முடிவெடுத்துவிட்டால், அந்த இடை வெளியில் இந்தப் பொருளை வாங்க கிரெடிட் கார்டைப் பயன்படுத்த வேண்டும்; இ.எம்.ஐ கட்ட வேண்டும் என்ற எண்ணங்களே உங்களை வாங்க விடாமல் தடுப்பதோடு, கையில் பணம் இருக்கும்போது வாங்கிக்கொள்ளலாம் என்ற எண்ணத்தையும் ஏற்படுத்திவிடும்.

யோசிக்க நேரம் கிடைக்கும்!

செல்போன், லேப்டாப் போன்ற உபகரணங் களில் மெமரி, ஸ்டோரேஜ் எல்லாம் ஒன்றாகத் தான் இருக்கும். பிராண்டின் பெயர் மட்டுமே வேறாக இருக்கும். அதில் ஒன்று விலை கூடுதலாகவும் மற்றொன்று விலை குறைவாக வும் இருக்கும். இந்த ஏழு நாள்களில் இதைக் கண்டறிந்து, எந்தப் பொருளை வாங்கினால் நமக்கு பணம் மிச்சம் என்று முடிவெடுக்கலாம்.

இதேபோல், உங்கள் படுக்கையறைக்கு முக்கால் டன் ஏசி போதுமானதாக இருக்கும். ஆனால், ‘ஆஃபர் போட்டிருக்காங்க’, ‘இந்த பிராண்டுதான் என் ஃபிரெண்ட் வீட்ல இருக்கு’ என்று ஆசைப்பட்டு ஒன்றரை டன் ஏசியை வாங்குவீர்கள்.

இதுவே, ஏழு நாள்கள் தள்ளிப்போட்டால், `என் படுக்கையறை இத்தனை சதுர அடிதான். அதற்கு முக்கால் டன் ஏசியே போதும்' என்பது புரியும்.

‘அந்த ஏழு நாள்கள்...’ - வீண் செலவுகளைக் குறைக்கும் வித்தியாச டெக்னிக்!
Deepak Sethi

தங்கத்துக்கு 21 நாள்கள்!

தங்கம் வாங்கும் ஆசை வந்தால், ஏழு நாள்கள் செலவு விதியை 21 நாள்கள் விதியாக மாற்றி முடிவெடுங்கள்.

நீங்கள் வாங்க ஆசைப்படுகிற பொருள்களின் விலை அதிகமாக ஆக ஏழாம் எண்ணை எத்தனை முறை பெருக்கிக்கொள்ள வேண்டும் என்று தீர்மானித்துக் கொள்ளுங்கள்.

நினைத்த நேரத்தில் பொருள்களை வாங்கிக் குவிப்பவர்களுக்கு ஏழு நாள்கள் செலவு விதி ஆகச் சிறந்த கடிவாளம்!