பெண்கள்... எண்கள்!

முதன்முதலாக ஹைஹீல்ஸ் அணிந்தது பெண்கள் அல்ல... ஆண்களே! இந்தச் சம்பவம் 1600-களில் நடந்தது.

. சராசரியாக பெண்கள் ஓராண்டில் 30 - 67 முறை அழுகின்றனர். ஆண்களுக்கு இது 6 - 17 முறை.

. அமெரிக்காவில் 20 சதவிகிதப் பெண்கள் தங்கள் கணவரைவிட ஆண்டுக்கு இந்திய மதிப்பில் 3,50,000 ரூபாய் அதிகம் சம்பாதிக்கிறார்கள்.

. ரஷ்யாவில் ஆண்களைவிடவும் பெண்களின் எண்ணிக்கை அதிகம். அதுவும் 9 லட்சத்துக்கு மேல்!

. என்ன அணிவது என யோசிப்பதிலேயே பெண்களின் வாழ்நாளில் ஓராண்டுக் காலம் கழிந்து விடுவதாக ஒரு கணக்கெடுப்பு கூறுகிறது.

. பெண்களுக்குக் கட்டாய ராணுவ சேவை முறையைப் பின்பற்றும் ஒரே நாடு இஸ்ரேல். குறைந்தபட்சம் இரண்டு ஆண்டுகள்.

. ஒரு பெண் சராசரியாக தினமும் 20,000 வார்த்தைகள் பேசுகிறாள். இது சராசரியாக ஆண் பேசுவதைவிட 13,000 வார்த்தைகள் அதிகம்.

. உலகின் டாப் 20 பணக்காரப் பெண்கள் பட்டியலில் ஒரே ஒருவரைத் தவிர மற்ற அனைவரும் வாரிசு அல்லது மனைவி என்கிற அடிப்படையிலேயே இடம்பிடித்திருக்கிறார்கள். அந்த ஒருவர், சீனாவில் ரியல் எஸ்டேட் பிசினஸில் ஈடுபடும் 55 வயது ஊ யாஜுன்.

. ஒரு பெண் தன் தோற்றம் பற்றி சராசரியாக ஒரு நாளில் ஒன்பது முறை நினைக்கிறார்.

. மரபணு மாற்றம் காரணமாக மிகச்சில பெண்களுக்கு மற்றவர்களை விடவும் பல லட்சம் வண்ணங்களைப் பகுத்து அறியும் திறன் உள்ளது.

ஐரோப்பியப் பெண் தன் வாழ்நாளில் குறைந்தபட்சம் 111 ஹேண்டு பேக்குகளைப் பயன்படுத்துகிறார்.

பெண்கள்... எண்கள்!

அவள் விகடன் டீம்